عنوان الموضوع : متضايقه واااايد تغذية صحية
مقدم من طرف منتديات الضمير العربي
بصراحه انا وايد متضايقه أحاول ابين قدام
الناس وعند أهلي أني عادي وصابره
انا صارلي سنه ونص معرسه والله ما كتبلي الحمل والحمد لله على كل حال
اللي مضايقني أني سويت كل الفحوصات وقالتلي الدكتوره ما فيج شي يمنع الحمل كل الفحوصات زينه وريلي بعد فديته راح وسوى فحوصات وكل شي زين عنده
وانا ما اعرف شو سبب التأخير ف الحمل لو اعرف شو السبب برتاح
وكل شهر بعد ايام التبويض اشوف حلم واعرف انه خلاص ماشي حمل هذا الشهر يعني افقد الأمل من البدايه
سامحني على الاطاله بس حبيت افضفض شوي يمكن ردودكن تخفف علي شوي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يرزقج الذرية الصالحة فالقريب العاجل اللهم امين
__________________________________________________ __________
>>>> الرد الثاني :
الله يرزقج الذرية الصالحة فالقريب العاجل اللهم امين
__________________________________________________ __________
>>>> الرد الثالث :
ربي يرزقج بالذرية الصالحة في القريب العاجل
الحمد لله ان كل فحوصاتكم سليمة
اختي اكثري من الاستغفار والدعاء والصدقة وعليج بالرقية الشرعية وقراءة سورة البقرة
ولو تسيرين تمسحين عند حرمة يكون أحسن
وعلى فكره يمكن الي مأخر حملج كثرة التفكير في الحمل
حاولي تنسين الموضوع وتعيشين حياتج ويا ريلج .. تطلعون تتمشون وتسافرون
__________________________________________________ __________
>>>> الرد الرابع :
فديتج اسمحيليه اقولج ايمانج بالله ضعيف ... وكأنج تقولين لـ رب العالمين ليش ؟؟؟؟؟
غلايه ترى كل تأخيرة فيها خيرة ... وعسى ان تحبوا شيئا وهو شر لكم ...!!!
عليج باستغفار والدعاء والصدقة وعليج بالرقية الشرعية وقراءة سورة البقرة شرى ما قالت ختيه دلوعة قلبها عسب نفسج ترتاح وتطمن ووكلي أمرج لـ رب العالمين وعيشي حياتج ... ومتى ما ربج يأمر بالحمل يأمر ...!!!
وعسانيه ما ثقلت عليج برمستيه ...!!!
والسموحة ^___^
__________________________________________________ __________
>>>> الرد الخامس :
حبيبتي عليج بالاستغفار ماشي غيره يفتع الاقفال
الاستغفار سبب للرزق سواء المال او الولد
وعليج بقيام الليل وتابعي التبويض عند دكتورة وان شالله تحملين عاجلا غير آجل
رد مع اقتباس
