عنوان الموضوع : ولدي ويا الرضاعه
مقدم من طرف منتديات الضمير العربي

خواتي ولدي عمره شهر ونص من يومين يوم ارضعه يزوع الحليب كله على طول طمنوني
هو من ولدته وهو عنده تضخم فالكلى اليسار هل يخصه ولا اول ياهل وماعرف شي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماعندي فكره

الله يحفظه لج

__________________________________________________ __________

>>>> الرد الثاني :
الله يسمع منج اختي
ومشكوووره

__________________________________________________ __________

>>>> الرد الثالث :
هلا أختي
كلنا نعاني ويا الزواع لكن إن شاء الله ماعليه شر
ولدي عنده نفس المشكله بس الحمد لله الدكتوره طمنتني و قالت إن معظم اليهال بهالسن جي
و هالشي عادي لا تحاتين

إذا لاحظتي إن وزن ولدج يزيد ما ينقص فهذا معناته أنه ما يزوع الحليب كله و اللي يزوع يكون زايد عن حاجته
ربي يعافي ولدج و يخليلج إياه

__________________________________________________ __________

>>>> الرد الرابع :
مشكوووره اختي طمنتيني
دعواتكم له الله يشفي من تضخم الكلى*_*

__________________________________________________ __________

>>>> الرد الخامس :
ربي يشفي ولدج من تضخم الكلى ويطمن عليه, آميين.
أختي , الزواع بإذن الله بيروح, بس أنت دسعيه( كرعيه أو دشيه ) يعني طلعي الهواء من بطنه في نص الرضعة وبعد ما يخلص رضاعة بعد, في يهال يبلعو وايد هوا أثناء الرضاعة ,بعد الرضاعة يوم بتنيميه أرفعي راسه شوي,صح مهم دايماً حاولي تغيري له الحفاضات والملابس وأي نشاط ثاني يستدعي تحريكه كثير وشيله, حاولي تسوي هذا الأشياء قبل الرضاعة, لأنه الحركة تسبب الزواع. حاوي تباعدي بين الرضعات يعني ساعتين بينهن إذا ترضعيه طبيعي وثلاث إذا صناعي حتى تعطيه فرصه يهضم الحليب . إذا سويتي كل هذي ال اشياء واستمر بالزواع اولاحظتي إنه لاسمح الله ما نشيط وعلى طول نايم او مسخن ولا تنفسه سريع وديمه على طول لدكتور و ربي يطمنج عليه~~~~~