عنوان الموضوع : قصه ولادتي للصحة
مقدم من طرف منتديات الضمير العربي

بسم الله الرحمن الرحيم
السلام عليكم ومثل ماوعدتكم اني اكتب قصه ولادتي بشيخه
اول شي كانت اخر دوره 21_7 والولاده المتوقعه كانت 28 _4

المهم كان يوم الثلاثاء 17 _4 عندي موعد في مستشفى صقر عشان التصوير اشعاعي كنت سايره س 8 ودخلت س11 وكان زحمه وايد وكل شي اوكيه المهم رديت البيت دقيت حق كافتريا شمس اصيل وطلبت ليمون بنعناع وسندويشات المهم وقلت بخلي حق ريلي العصير يوم بيجي الفليل وتغديت وماحسيت بشي س 5 زقرت الشغاله وقلتها بسير امشي صوب عزبه ريلي مسافه نص ساعه من بيتي لين العزبه وانا طالعته شفت حرمه اخوي ريلي وسلمت عليها وقالت خلي سعيد وعمره سنتين يمشي وياج واخته والمهم مشينا لين العزبه كنت امشي وارد مع السايق المهم مشيت لين العزبه معهم ويوم وصلت العزبه محد الدرويل كان موصل عمتي فلج المعلا عند اختها المهم رديت البيت مشي كنت تعبانه س 7وصلت بيتي سبحت وصليت المغرب يلست استغفر بمسباح مال بو الف حبه وقريت قران وسرت عند عمتيه عشان نتعشى المهم تعشيت ويلست ويا حرمه اخوي ريلي ساكنه عدال بيتي كنا يالسين في الحوش انسولف عن ولدها امسمنه مهند لانه يحب بنت عمته ويت عمتي عقب ماصلت العشاء يلست ويانا قعدنا انسولف وش10 قلت لهن بسير اصلي العشاء ويت حرمه اخوه قلتها ياربي متى بربي جان تضحك قالت لا تربين باجر ربي يوم اي المعاش عشان اخذ لج هديه ههههه دخلت بيتي وصليت وتذكرت العصير دقيت حق ريلي قلتها بتي البيت قال لا مشغول ويا الشباب وخلي بشكاره ترقد عندج المهم قفلت الباب وفرشت الدوشق في صاله ويلست اطالع الرسوم وفلم هندي ورقدت في صاله المهم س 12 حسيت شي ينجب مني حطيت ايدي تحت اشوف الماي قلت ياربي ريلي جامعني شو وانا ماتغسلت نشيت ومشيت صوب الحمام اشوف الماي ينزل
ياربي ليش ياني تبول لا ارادي هههههههههههههه واتصلت حق حرمه اخوه 10 مرات ماردت قديت حق ريلي قالي بلاج مارقدتي قلت له الماي يصب ضحك علي قالي مب مشكله رقدي وباجر دقي حق الكهربجي وبيصلحه قلته ماي البيبي انصدم قال دقي حق حرمه اخويه قلته ماترد قال الحين ياي والمهم سرت سبحت وحطيت الويز عشان الماي وسرت مستشفى صقر وبدلت ثيابي وشيكوا قاله باجر المغرب بتربين قلتهم عيل برجع البيت بس رفضوا وسرت الدور الثاني ونمت بس كان الماي يصب وماخبرت حد س 10 الصبح يتني دختوره قالت بعطيج تحمليه طلق صناعي عورتني يوم حطت ايدها وماياني ويع يلست اتغداء المهم الدرويل خبرت عمتي مدام فيه ولاده وطواري دقت لي واحتشرت ليش سرتي ليش استعيلتي والحين بي شافتني طايحه علا السرير ويا ريلي عادي سوالف وضحك وماشي ولاده تغديت يلست امشي كل اشوي ايون الدخاتره قالوا النفس عندج 3 بعدج مطوله س 3 بعطيج تحمليه طلق صناعي وحطوا لي تخطيط القلب وس 5 ياني ويع كنت اصيح ويع كل 5 دقايق وتعبت من س 5 وانا اصيح عمتيه وريلي يقرون عليه وكان س 9 يتني ممرضه وقالت سولي ابره شرجيه عشان ييني اسهال و 5 دقايق كنت اصيح في الحمام من اسهال وريلي يصيح 9 ونص يتني الدكتوره 7 فاتح النفس يسلت اصيح وريلي لوى عليه قالي غناتي اتحملي فديتج ادا تحبيني قلتها مابا انا تعبانه وضمني لصدره ويابو كرسي المتحرك نزلت الدور اول يا يدامي غناتي تحملي وقلبي داعيلج كنت اشوف الدموع في عينه باسني علا خدي وسرت بدلت ثيابي وسرت الحمام وسرت الغرفه محد كان في غرف ولادي غيري المهم حطوا الجهاز يشوفون نبضات البيبي وحطوا لي بخار وكل ماتيني الويعه السترات يقولون خذي نفس كنت اصيح وادعي وادعي ربي ودخلت عمتيه وكلمت الدكتوره وحلفت عليهن ان مايسون لي جراحه وقالت لي سوي بوش بوش ادفعي ادفعي قلتها ماروم ماروم نعبت تعبت يتني الدكتوره السودانيه وكلمتني ماباقي شي عشان ريلج ادفعي يا الله يا مشمش واخر دفعه يلا يلا ياشاطره والحمد الله طلعت بنتي وحطوها علا صدري قلت اول ماشفتها بسم الله الرحمن الرحيم ماسوا لي جراحه بس4 عرزات عشان راسي البيبي شق اشوي وارتحت نسيت الم والعذاب كانت السترات وايد طيبات ويايه ويت شيخه ودخلت عمتيه وامي وريلي الحمد الله نصيحه لا تستعيلون شراتي لاني بجر سرت من اول ما نزل الماي والحمد الله الله يسهل علا جميع الحوامل كان 18 _4_2016
يوم ميلاد شواخي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الحمدلله و بالبركه عليج شوـواخي ربي يحفظها لج .. ^^

__________________________________________________ __________

>>>> الرد الثاني :
ألف مبروك عليكي والحمدالله قومتك بالسلامه وتتربى في عزكم

__________________________________________________ __________

>>>> الرد الثالث :
الف الف مبروووك وتتربي في عزك وعز ابوها ان شاء الله

__________________________________________________ __________

>>>> الرد الرابع :
الحمدالله على سلامتكم ..^^

ضحكني ريلج لمن قال بييب الكهربجي

__________________________________________________ __________

>>>> الرد الخامس :
الف مبروووووووووووووك ماياج حبوبه
ياربي تتربي فعزكم