عنوان الموضوع : الشق والخياطه ضروريات ؟!؟ لحياة صحية
مقدم من طرف منتديات الضمير العربي
هلا خواتتي حبيت اسالكم عن شق العجان والخياطه ؟ هالشي لاازم ؟ وشو الاشيا الي تجبر القابله تسوي شق وخياطه لاني اشوف في بنات يتلعوزون عقب ويا الخياطه والتهاب وغيره ... جربت سالت امي قالت مش لازم وهيه ماشالله يابت 3 طبيعي ولا سوولها خياطه او شي ...
خبروني الي ولدت عادي بدون خياطه وحتى الي سوون الخياطه شو الي جبر القابله تقص العجان ! واذا ع الخياطه التجميليه يمكن عقب افكر اسويها لو احتجت ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هلا فيج اختي،، اذا انتي اول مرة بتربين لابد من الشق لان الفتحة بتكون صغيرة بالنسبة ل راس البيبي،، وبالتالي تتسهل عليج الولادة و يطلع بسرعة،، اما اذا ثاني مرة احيانا ما يسوون شق،، و عن تجربتي الحمدالله ماحسيت لما شقوني و خاطوني لانهم يحطون بنج،، و الخياطة عورتني شي لمدة اسبوع تقريبا و لازم كل كا ادشين الحمام تتغسلين بصابون ديتول ،، و ها كلام الدكتورة بروحها ماي و صابون بسسس،،
__________________________________________________ __________
>>>> الرد الثاني :
بالنسبه لي لما ربيت وكنت بجر حسيت اللي ولدتني ماعطتني فرصه على طول من بدا البوش
حسيت بالابره اللي تخدر وقصت لي وهالشيء يخلي البيبي بسرعه يطلع
هم مايتريون اذا انتي بحاجه او لا والصراحه حزه الولاده كنت اباها تقص المهم اربي بسرعه
__________________________________________________ __________
>>>> الرد الثالث :
حبيبتي مب ضروري القص انا الحمد لله ربيت طبيعي مرتين ماشاء الله بدون شق عجان وادا ماتبين خياطة لازم تخبرين الدكتورة انها ماتقص الا للضرورة وادا على الخياطة التجميلية مايحتاج اذا انت تمارسين رياضة وتسوين تمارين جيجل بتردين بكر بدون جراحات
__________________________________________________ __________
>>>> الرد الرابع :
في البكر انا قصو و خاطو اما الثانيه لا بدون قص و لا خياطه و الحمدلله عقب ترومين تسوين تجميل اذا تبين عادي
__________________________________________________ __________
>>>> الرد الخامس :
مشكووورات خواتي ع الردود شكلي بقولها الدكتورة ماتسوي شي الا للضرورة وبعدين احس احسن طبيعي لانه بالتمارين مال كيجل يشد المنطقه ومع الوقت ترد ليش خياطه وتعذيب ؟
رد مع اقتباس
