عنوان الموضوع : الاهتمام بالجسم للصحة
مقدم من طرف منتديات الضمير العربي

مرااحب الغاليات
عندي كم سؤال ياليت احصل اجوبتهم عندكم خواتي
كيف اقدر احافظ علي مرونت جسسمي في بداية الحمل ولا يزيد وزني كثير
وافضل الكريمات استخدمها للحفاظ علي جسسمي وماتكثر فيه الخطوط اللي تصير مع كبر البطن

وثااانكس اووي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مرحبا اختي بخصوص اند اتحافضين على مرونه جسمج اشربي سوائل مثل الحليب والماي والعصاير الطازجه لانها وايد اتحافظ على مرونه الجسم وبعد فركي جسمج بزيت زيتون او بيبي جونسن بعد الاستحمام والجسم ايكون رطب لانه يحتفظ بالسوائل اكثر ومايسبب لها الجفاف وبالنسبة لزيادة الوزن وكيف تقدرين اتحافظين عليه اعتقد هالشي ماتقدرين عليه انتي وشهيتج للاكل ومب زين تحرمين البيبي من الاكل احسن لج واحسن له انج تاكلين اللي تبينه بس ماتكثرين منه وهاي فتره وبتعدي اهم شي بعد الولاده انج اتسوين رياضة عشان الجسم يرجع مثل ماكان وعن الكريمات اللي اتحافظ على الجسم مااستتخدم غير كريم بالمرز للتمدات يعني استريش مارك لازم قبل وبعد الولاده لان الجسم محتاج كريم وهو يتمدد وكريم وهو يضعف انتبهي دايما مب بس حق الولاده انا استخدمه اذا شفت عمري في مرحله ان جسمي يضعف او يمتن يعني اذا كان نفس ماهو عليه من الوزن مايحتاي اني استخدمه وسلامتج اتمنى اكون فدتج ولاتنسين تدعي لي مابقى شي على ولادتي الله يسهل علي وعليج وعلى كل حامل يارب

__________________________________________________ __________

>>>> الرد الثاني :
اول شي شلي من بالج انج تاكلين حق 2 مثل ما بعض الخوات يقولن
اكلي الوجبات موزعه على 5 حصص في اليوم بدل 3 عشان المعده تكون مرتاحه ومتنشطه طول اليوم بالتالي ما اييج امساك وحاولي تاكلين وتشربين بس ثلثين المعده يعني لاتدبينها كلها هههه
ثاني شي اتحركي لاتظلين يالسه او متمدده طول اليوم عشان تضخين الدم بجسمج بالتالي الاكسجين ما ينقص عنج او عن البيبي وعشان العضلات تقوى وما تتهدل عقب الولاده
ثالث شي اخذي حبوب الفوليك اسيد اللي يعطونج اياه في المستشفى لانها وايد ضروريه حق بناء جسم وعقل البيبي وتحميه من اي عدوى
رابع شي ادهني جسمج كل يوم مره او مرتين بزيت طبيعي عشان يجمي الجلد من الخطوط ويخليه يتمدد بدون مشاكل وانا افضل في هالمرحله زيت الزيتون لانه يظل ع الجلد فتره اطول من باقي الزيوت الخفيفه والامر راجع لج طبعا

خامس شي اسمحيلي انقل الموضوع الى قسم الحمل والولاده لانه هو المكان المناسب وان شاءالله الخوات بهاك القسم بيفيدونج اكثر واكثر

__________________________________________________ __________

>>>> الرد الثالث :
بخصوص الـ stretch marks فيه كريم يبيعونه في الصيدليات وحتى في الجمعية
مصنوع من زبدة الكاكاو يقلل من خطوط الحمل

وبخصوص زيادة الوزن حسب اللي سمعته من الدكتورة انج تقللين من تناول الحلويات والمقالي
وتركزين على الاغذية الصحية واهمها الحليب

__________________________________________________ __________

>>>> الرد الرابع :
اختي جان غيرج اشطر المتن والوزن الي تكتسبينه يكون بطبيعة جسمج يعني في بعض الاوقات انا اشوف وايد حوامل ضعاف اساسا واكلهم قليل بس على الحمل يتنفخون بسبب الهرمونات

__________________________________________________ __________

>>>> الرد الخامس :
اختي جان غيرج اشطر المتن والوزن الي تكتسبينه يكون بطبيعة جسمج يعني في بعض الاوقات انا اشوف وايد حوامل ضعاف اساسا واكلهم قليل بس على الحمل يتنفخون بسبب الهرمونات