المشاركة الأصلية كتبت بواسطة Um Shouq
السلام عليكم :هالموضوع حق كل وحده تتمنى توأم او ناويه عالحمل باذن الله عالتوأم .....وان شاء الله امهات التوااأم يفيدونا بالاجابه علي اسالتنا ...والمشاركه والنقاش للجميع..
وعليكم السلام ورحمه الله و بركاته...الله يرزقك كل محرومه و يتمم و يسهل ولاده كل حامل
المشاركة الأصلية كتبت بواسطة Um Shouq
1_حملج كان بادويه او طبيعي؟ شنو نوع الادويه ابر او حبوب؟
طبيعي ولله الحمد
المشاركة الأصلية كتبت بواسطة Um Shouq
2- عند اي دكتوره اذا بادويه ؟ وجم شهر مدة العلاج؟
مااتعالجت..كنت اراجع عادي مثل اي حمل و ادويه الحمل العاديه فوليك اسيد و فيتامينات كالسيوم و حديد
المشاركة الأصلية كتبت بواسطة Um Shouq
3- حملج بالتوام شنو كان ترتيب بين عيالج او البجر ؟؟
الثاني عندي بجري بنيه و عقب سنتين ونص حملت بالتوم
المشاركة الأصلية كتبت بواسطة Um Shouq
4- واذا طبيعي هل وراثه او صدفه؟؟
لا وراثه..الوالده يابت عندي اخواني توم و يدتي ام الوالدة يابت عندي خوالي توم
المشاركة الأصلية كتبت بواسطة Um Shouq
5- متى اكتشفتى بالسونار انهم توأم باي شهر ؟؟
كنت بالاسبوع العاشر وشفتهم بالسونار
المشاركة الأصلية كتبت بواسطة Um Shouq
6-اشلون النساة معاج ؟ والحمال ؟
بدت بسرعه و كانت دبلااااات مو نفس الحمل الاولي ماكنت استحمل اي ريحه و ما يظل شي ببطني الا نادر لدرجة اخذت حبوب لوعه عشان شوي اتقبل الاكل وكنت كله اكل ككاكاو اكلي ماكان صحي موليه لاني ماكنت استحمل اي ريحه بديت احس بثقل كبير من الشهر الخامس كاني بالشهر السابع و لمن كنت بالسابع نفسي كان ينقطع ماكنت اروم امشي وايد وصلت الثامن كنت خلاص هلكانه وكنت يوميا اصيح لاني ماكنت اقدر ارقد زين وريولي كانوا وايد يعوروني ......قبل لا اسوي التحليل المنزلي كنت كل ما اكون منسدحة و ابي اقوم احس ظهري يعورني يعني كانه في شي يمسك ظهري اني اقوم.. وريولي كانت تعن علي من فوق لين تحت..و عقب سويت تحليل منزلي طلع خطين واحد مبين واضح و الثاني خفيف ومارحت راجعت الا لمن صرت بالاسبوع العاشر لاني كنت حاسبه على دورتي
المشاركة الأصلية كتبت بواسطة Um Shouq
7-ولادتهم طبيعي او قيصري؟
طبيعي الحمدلله بابره ظهر من غير الم ..اول شي طلعت فطامي حياتي و عقب اخوها حمودي وولدت ثاني يوم بالتاسع كان وزنهم نفس الشي كيلوين و320 جرام
المشاركة الأصلية كتبت بواسطة Um Shouq
8-شنو نوعهم ؟مشيمه وحده ولالا؟
مو سيامين كل واحد كيس وكل واحد مشيمه منفصله لانه تلقحت بويضتين مو وحده
المشاركة الأصلية كتبت بواسطة Um Shouq
9- شنو نصيحتج للي ناويه عالحمل بتوام ؟؟والله يرزق كل وحده تتمنى حمل بالتوام ويزرق كل محرومه
كله من رب العالمين لكن انا كنت احسب ايام التبويض عندي و اي يوم اعلى خصوبه و الايام اللي كانت عندي الخصوبه عاليه صار فيها جماع و كانوا تقريبا 3 ايام ولازم يوم يكون اكثر شي خصوبه عاليه بس انا كنت يوميا خلال ها 3 ايام و الحمدلله صار حمل الله يرزقك كل وحده اللي تتمناه مادري شو انصح لاني بصراحة ماكنت مهتمه وايد في نفسي لكن شفت النتيجة من بعد الولادة لا تهملين الكالسيوم موووليه انا كانوا ينصحوني و ماكنت اخذهم ماداني طعمهم من الشهر الخامس لين ولدت وقفتهم و كان كل مايكبر بطني و يزيد الحمل عظامي يهلكوني لانه العيال كانوا يمتصون الكالسيوم من جسمي و اكلي ماكان صحي ولمن ولدت قالولي فيني فقر دم لا تهملين ابد ابد لا الكالسيوم ولا الحديد من بعد الولادة باسبوع حسيت جسمي و ريولي كانهم خيوط مفاصلي عذاب يعوروني وطلع عندي نقص حاااد كالسيومو الفيتامينات اخذوها لانكم بتتقرعون
من كثر ما يحت الشعر عقب الولادة وهي من دخلت السادس هلكت من الالتهابات تروح و ترجع لانه تزيد الافرازات اخر الاشهر والكاكاو بعد كان يزيدهم فاحرصوا على غسول المعقم وراجعوا اول ماتحسون فيكم التهاب والحمدلله رب العالمين صار لي ست شهور و قريب داشه ع 7 الشهور اللي تبي توام ترا تعب واايد تعب من حمال لين بعد ولادة اهتمام يبيلهم جهد مضاعف لازم حد يساعدج ولاتنسين عيالج الثانيين
رد مع اقتباس
