عنوان الموضوع : ^ترهلات البطن بعد الولاده^ لصحة الجسم
مقدم من طرف منتديات الضمير العربي

السلام عليكم.....

خواتي الغاليات...كلنا نعرف عقب الولاده شو يستوي عالبطن...يترهل و يغمج لونه...ايتم ما يشاهد..طبعا اتمين مستحيه ما تبين ابو الشباب يشوف هالمناظر...لازم كله 10 على 10..:1 (57):
فانا حامل باول بيبي لي...وان شاء الله ولاادتي عقب اياام..(ادعوووولي)...وسمعت عن دكتوره في حمرعين-دبي تسوي ماسك وتحطه عالبطن..يتم من 8 الى 10 ساعات..يعني حطيه و سيري البيت..والنتيجه ما تظهر مره وحده..تبى وقت..بس هي مره وحده تحطينه..على قولتها يشد الجلد ويبيض ويخوز العلامات...كلامها مقنع..بس سعره ب2017...انا موب قادره اجازف و اسويه بهالجيمه وآخر شي مافي نتيجه...

فياريت اذا وحده منكم اتعرفه...او سامعه عنه..اتخبرني؟؟؟؟ بشو تنصحوووني..؟؟؟

تحياتي

:22 (4):


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماعمري سمعت عنه بس وايد غالي

اذا في نتيجه عادي بس بدون نتيجه حرام ماتضمنين

بس بفترة الاربعين استخدمي سكرب للجسم كل يوم ودلكي بطنج ودهنيها بزيت زيتون مع سكر

صح انه مايخوز الاسمرار كله بس منه فايده شوي يفتح

__________________________________________________ __________

>>>> الرد الثاني :
الغاليه انا ادري انه غالي انا موب قادره اجازف..بس اذا حد سمع عنه ويعرفه ممكن يفيدنا..اذا هو زين ويستاهل موب مشكله..بس اذا كلامها خرابيط هذا شي ثاني..وعن الزيت زيتون..انا وياج وااايد زيين بس انا بقولج الصدق..انا مالي وايد بارظ..يعني ما اواظب عالشي...يمكن يوم يومين وعقب طااف...عالعموم مششكوووووره عالاطلاله الحلوه....تسلميييييييييييييين

__________________________________________________ __________

>>>> الرد الثالث :
مرحبا الساع يالغلا

انا بصراحه ما جت سمعت عن هالخلطه

بس انا عندي ربيعتيه امريكيه

وسألتها عن سر بياض وشد البطن حتى بعد الولاده عكسنا طبعا

>>>>>>>>>>>>>>>>>قهر والله

فقالت لي انها بعد ما تولد تستخدم زيت فيتامين E وهاي موجود في امريكا بس

وقالت لي ان ما حصلت الزيت اروم اييب كبسولات هالفيتامين واكسرها وامسح فيها على البطن


جربي هالطريقه وشوفي وان شالله ينفع

وخبريني ان فادج

__________________________________________________ __________

>>>> الرد الرابع :
الغاليه الصراحه ما في شي معجزه واحس هالكريم مب صحيح والا كريم بالفين ومره وحده تخلينه وخلاص تنتهي الشكله


الغاليه انا اول ما احمل اتبع برنامج خاص لترطيب البطن والارداف وفي كريم خاص بالصدر من عند اي دكتورة جلديه اوكيه بتكتبه لج وانا استخدمت ماركة فيجي والحين استخدم بالمرز ما اقولج انه استويت مره بيضه وما شي تشققات بس وايد اقل واحسن من ناس ما يستخدمون اي شي

والسموحه

__________________________________________________ __________

>>>> الرد الخامس :
اليازي

أشكرج عالمرور الحلو..والله اذا هو زين جان زين يبيعونه هني...

ساسمو.ٍ.

الغاليه انا وايد متردده فيه..بس هو اذا شفتيه زين اتسوينه كل 6 -12 شهر...على حسب بطن الوحده..
وانا جبرت عمري واستخدمت الكوكو بتر من بودي شوب واتوزيت الريحه لكن انا خايفه من الترهلات..ف هذا يقكج من العباله..مره وحده بس..
المهم اشكرج عالمرور الحلو الغاليه..