عنوان الموضوع : عيادة اوراس ؟؟ ساعدوني بليز لحياة صحية
مقدم من طرف منتديات الضمير العربي

بسم الله الرحمن الرحيم

شحالكم خواتي ؟

انا قصتي متزوجة من سنتين والله ما كتب لي الحمل ولله الحمد
وما خليت عيادة واتعالجت عشان التكيسات وبعد ما صار حمل
مع انه الحمدلله البويضات توصل 20 وفوق ،،
الحمدلله رب العالمين ،

المهم بسال احسن عيادة في الشارجة ..
اكثرهم يقولوا اوراس هل هي للحين شاطره ولا جديمة ...؟

وبعد مدحوا حقي عيادة ايفا .؟
بليز ردوا علي واللي جربت تقول التجربة ووين والمدة ،
بعد كم يوم بروح العيادة افيدوني يزاكم الله خير

ولا تنسون تدعولي وربي يرزق كل محرومة يارب ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حسنية قرقاش في مركز التعاون واااااااائد يمدحونها والله يرزقج يأاااارب وعليج بالاستعفار والدعاء وقيام الليل ..

__________________________________________________ __________

>>>> الرد الثاني :
تسلمين حبيبتي ،
ويزاج الله خير عالنصيحة ،
آمين يارب ،
يعطيج العافية ع الرد
واترياا ردود الباقين ..

__________________________________________________ __________

>>>> الرد الثالث :
أوراس شاطرة
أتوكلي ? الله

__________________________________________________ __________

>>>> الرد الرابع :
شوفي أنا اسمع عن أوراس من زمان أمي كانت تسير لها..لكن انا ما اسير لها..غيرت دكاترة وايد...أحسن ثنتين..وحدة في دبي: مركز الموسى الطبي إسمها أمل كحيل..وحدة في الشارجة..مركز الوسام الطبي إسمها سبأ زياد رشيد..كل ما أخير حد غني أسير عندها يمدحونها وايد في سوالف المساعدة على الحمل وهو هذا تخصصها...استخيري قبل تسيرين اي مكان

__________________________________________________ __________

>>>> الرد الخامس :
في الشارجة حرمت اخوي اتعالجت عنده واايد مدحتها وعندج بمنطقة مدحاء عيادة انجود اطلبي الدكتورة فردوس تراها بعض شاطره