عنوان الموضوع : طوفت موعدي. لصحة الجسم
مقدم من طرف منتديات الضمير العربي
السلام عليك ورحمة الله وبركاته
شحالكم كروشات؟
بنات والله انا محتاره انا اخر دوره لي كانت 4 شهر 8
وعلى هالاساس موعدي يكون 11 تقريبا.
بس لين رحت مستشفى دبي وبديت اراجع اول سونار قالولي موعد ولادتج 19
وخلاص حطيت في بالي هالشي...
وكنت ماشيه صح بمراجعاتي وياهم. ليما دخلت الثامن وقفت وما راجعت بسبب ظروفي.
وبالتاسع رجعت اراجع وتفاجاءت الدكتوره تقول انا بالأسبوع الفلاني_يعني عطتني اسبوع غير عن حسابي او غير عن حسابهم اللي اخذوه اخر شي.
المهم احين ع حسابهم اليديد انا خلصت التاسع لاني مطوفه موعدي.
وقمو يعطونس موعد كل يومين اسوي تخطيط وسونار واجيك ع الضغط.
وقبل كم يوم دكتوره سوت لس زوبعه ضغطج مرتفع وخلاص لازم احين ادخلج طلق صناعي.
عفستني عفاس. واونه البييي مادري شو بيصير فيه ووووو.
ورقدت يوم كامل بالمستشفى وضغطي كان طبيعي وكل شي تمام على اخر الليل وقعت وضهرت.
ف البدايه مارضو يضهروني والبييي ما ادري شو بيستوي فيه.
المهم خلوني اتوتر لدرجه ماتتصورونها قعدت اصيح.
بس ع اخر الليل سويت طاف وتوكلت على الله.
وقميت اراجع كل يومين. ع اساس مطوفه موعدي احين من 5 او 6 ايام.
بس اليوم بنات لين قمت ورحت الحمام وانتو بكرامه نزلت لي افرازات بشكل فيضع
واستغربت والله. حد استواله جي؟ على شكل قطعه جي. سوري بس ابا اوصل المعلومه عسب تفيدوني.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لاتسوين لهم سالفه توكلي على الله واتريي الطلق الطبيعي دام كل شي زين حمدلله لازم يسوون لنا هالاكشن هالدكاتره مادري متى بيبطلون حركاتهم انا وايد اطوف وحريم وايد يطوفن عادي نحن كلنا عيال تسعه بس سبحان الله التاريخ يخطي ويصيب والله وحده يعلم بساعة الولاده
__________________________________________________ __________
>>>> الرد الثاني :
المشاركة الأصلية كتبت بواسطة محرومه حبه
السلام عليك ورحمة الله
بس اليوم بنات لين قمت ورحت الحمام وانتو بكرامه نزلت لي افرازات بشكل فيضع
واستغربت والله. حد استواله جي؟ على شكل قطعه جي. سوري بس ابا اوصل المعلومه عسب تفيدوني.
وعليكم السلام ورحمه الله وبركاته
عشان الإفرازات أنا أعاني منها وقالتلي الدكتورة هذي طبيعيه تساهيل الولاده
قبل لا تربي الوحده سبحان الله الرحم يلين عندها وتنزل هالافرازات
ربي يسهل عليج يارب وعلى كل حامل يارب العالمين
__________________________________________________ __________
>>>> الرد الثالث :
أختي صح انتي طوفتي الموعد بس يمكن الحمل كان متأخر
بس راجعي المستشفى عشان ترتاحين والطلق الصناعي مافيه شئ
__________________________________________________ __________
>>>> الرد الرابع :
حبيبتي لأولاده الطبيعية أحسن. الإفرازات عاديه بس لما تراجعي المستشفى خبريهم عنها
والله يسهل عليج يا رب
__________________________________________________ __________
>>>> الرد الخامس :
اوكي ضح كلامكم حبيباتي.
وانا الافرازات عندي من زمان بس اليوم نزلت لي بشكل فضيع ومررره وحده.
شرات الدوره لين تنزل مره وحده وهي متأخرة.
وعن الدكاترة مسويه لهم طاف كثر ما وتروني.
وموكله امري لله سبحانه
رد مع اقتباس
