عنوان الموضوع : |؛¤ّ,¸¸,ّ¤؛| تجمع للامهات الي ولدت طفل خديج |؛¤ّ,¸¸,ّ¤؛| لصحتك
مقدم من طرف منتديات الضمير العربي
حبيت افتح هالموضوع علشان كل الي عندها طفل خديج تستفيد منه
وفي نفس الوقت نسولف عن الاشياء الي تشغل بالنا فيهم ونتناقش فيها
وكل من عندها خبره او معلومه عنهم تضيفها لنا يعني الموضوع لكل وحده
عندها طفل خديج مازال فالشيشه او طلع بالسلامه وكبر
دورت فالمنتدى مواضيع تخصهم ماحصلت وقلت فرصه افتح موضوع عام عنهم
دام اني محتاجه لاحد يواسيني ويعطيني صوره واضحه عنهم وشو الاشياء الي لازم نعرفها عنهم
خلونا نتعرف على بعض اكثر ونجاوب على هالاسئله الي يت في بالي
بأي أسبوع ولدتيه ؟
سبب الولاده المبكره ؟
كم كان وزنه ؟
هل تعرض لتنفس صناعي وهل أثر عليه او على نموه ؟
هل اخذتي ابرة الكورتيزون (الي تساعد على سرعة اكتمال رئة الجنين) ؟
كم عمره الان ؟ وكم وزنه ؟
شو الاثار الصحيه الي صابته بسبب الولاده المبكره ؟ وكيف تتعاملين معاها؟
هل تحسين انه في فرق بينه وبين الطفل الكامل (الي نولد فالتاسع) ؟
كيف كانت عنايتج له بعد ماطلع من الشيشه او المستشفى ؟
والي في بالها اي سؤال تطرحه
وياليت كل ام مرت بهالتجربه او اي وحده تعرف حد مر فيها تخبرنا عنها
يعني لاطنشون الموضوع ويستوي مهجور الله يخليكميعني غصب عطونا ويه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا اول وحده بتبدي ادريبكم تبون دز بس وبتنطقون فالسوالف<<واثقه وايد احم
بأي أسبوع ولدتيه ؟
فالاسبوع الـ26 يعني اخر السادس بداية السابع تقريبا
سبب الولاده المبكره ؟
كنت اعاني من الضغط من قبل الحمل ويوم حملت اتخبل وزاد ومثل ماتعرفون يزيد الضغط فالحامل
خصوصا من الشهر السادس وانا من دخلته وهو كله فوق واذا تم مرتفع وايد معناته يصير خلل في وظائف المشيمه
يعني ماتوصل للجنين احتياجاته مثل الاوكسجين والغذا والدم << حسيت كأني في حصت احياء
كم كان وزنه ؟
كان وزنه تقريبا 800 غرام بسسسس
هل تعرض لتنفس صناعي وهل أثر عليه او على نموه ؟
هيه اول مانزل كان يحتاج لجهاز يساعده على التنفس وينظمه له
اما الحين فمحتاج للاوكسجين لين ما يقدر يعتمد على نفسه فالتنفس
هل اخذتي ابرة الكورتيزون (الي تساعد على سرعة اكتمال رئة الجنين) ؟
خذتها وهم ابرتين عطوني اياها اول ماشافوا ضغطي دومه فوق كإحتياط للولاده المبكره
كم عمره الان ؟ وكم وزنه ؟
الحين من انولد كمل شهر يعني خلص السابع والحين في بداية الشهر الثامن
يعني بعده ماخلص التسع شهور الي المفروض يخلصها في بطن الام
ووزنه الحين كيلو وشوي وان شاء الله يزيد بسرعه لانه مايطلعونه من المستشفى الا عقب الكيلوين
شو الاثار الصحيه الي صابته بسبب الولاده المبكره ؟ وكيف تتعاملين معاها؟
في بداية ولادته اكتشفوا انه عنده فتحه في القلب وهاذي الفتحه موجوده في كل جنين في البطن
وتتسكر من ينولد وهيه وظيفتها تزويد الرئه بالدم وتتسكر بعد الولاده لإكتمال عملية التنفس الطبيعيه
عطوه كورس ابر فالبدايه الفتحه صغرت وصار تأثيرها اقل وبعدين الحمدالله اختفت وان شاء الله ماترجع
وغيره زيادة وزنه وايد بطئه يمكن لانه حليبي قليل والحليب الصناعي مايفيده وايد
هل تحسين انه في فرق بينه وبين الطفل الكامل (الي نولد فالتاسع) ؟
هالسؤال للي عيالهم كبروا ربي يحفظهم
كيف كانت عنايتج له بعد ماطلع من الشيشه او المستشفى ؟
وهذا بعد للي عيالهم كملوا ال9 شهور وطلعوا من الشيشه وان شاء الله يفيدونا اذا كانت العنايه نفس عناية اي طفل عادي والا لا
__________________________________________________ __________
>>>> الرد الثاني :
مشكووووووره اختي الورده على هالموضوع ..
انا كنت اقول خاطري في موضوع يكون الاطفال الخدج
انا توني مربيه من اسبوع ..
بأي أسبوع ولدتيه ؟
فالاسبوع الـ27 .. أول السابع ..
سبب الولاده المبكره ؟
ما في اي سبب .. ستوت عندي تقلصات ولاده .. و رحت الطواري طلع الرحم فاتح 6 سانتي
كم كان وزنه ؟
كان وزنه كيلو .. و نزل لين 960 جرام .. و اللحين رجع وزنه كيلو ^^
هل تعرض لتنفس صناعي وهل أثر عليه او على نموه ؟
هيه اول مانزل كان يحتاج لجهاز يساعده على التنفس وينظمه له
اما الحين يحطوله الأكسجين بس يوم يشوفونه تعب من التنفس بروحه
هل اخذتي ابرة الكورتيزون (الي تساعد على سرعة اكتمال رئة الجنين) ؟
خذت إبرتين .. إبره أول ما شافوا ان الرحم فاتح .. و الابره الثانيه خذتها بعد 12 ساعه
كم عمره الان ؟ وكم وزنه ؟
اللحين عمره إسبوع و يوم .. بعده في السابع
شو الاثار الصحيه الي صابته بسبب الولاده المبكره ؟ وكيف تتعاملين معاها؟
قالوا لي مرتفع عنده السكر .. لانهم يعطونه جلكوز
ساعات ينزل و ساعات يرتفع ... الله كريم
يزيدوله جرعات الحليب .. عشان يخفون من الجلكوز عنه ...
و اللحين فيه بوصفار و حاطينه تحت الليت النيون الازرق ...
الله يفرحناااااا فيهم يااااااا رب ...
__________________________________________________ __________
>>>> الرد الثالث :
ياسلام فيه حد عبرني ورد عليي
ينت سلطان الحمدالله على السلامه ومبروك عليج البيبي
الله يعافيه ان شاء الله البصفار عادي وايد من اليهال اييهم من ينولدون وعقب عادي
والسكر ان شاء الله يكون مؤقت بس لين مايستقر حاله
تعرفين هو بعده ولد اسبوع يباله 3 اسابيع لين مايستقر حاله ها الي عرفته من قرايتي عنهم فالنت
والنفس طبيعي يكون بعده لانه الرئه بعدها صغيره
انا ولدي نفسه سريع واحيانا احسبه يوقف اتم خايفه بس يرد يتنفس >< الله يعينا بس
قبل يوم كنت اروحله اشوفهم مرقدينه على بطنه انقهر واقول مب مرتاح وارد اعدله
عقب شافتني النيرس قالتلي الاحسن لنفسه انه يكون على بطنه حتى الجهاز مايعطي انذار وايد عشان نفسه
اوني انا العبقريه ابا اريحه ومادري شو السالفه
__________________________________________________ __________
>>>> الرد الرابع :
الله يعينكم يارب ادري الموقف اللي انتو فيه وااااااايد صعب
بس ان شاء الله انه عيالكم يكونون بخير وعافيه ويعدون هالمرحله بيسر
ولاتخافون وااااايدين انولدو فالسادس وفالسابع والحمدلله عاشو طبيعين
طمنونا ع الابطال دووووووم ^^
__________________________________________________ __________
>>>> الرد الخامس :
المشاركة الأصلية كتبت بواسطة الــــورده
ياسلام فيه حد عبرني ورد عليي
ينت سلطان الحمدالله على السلامه ومبروك عليج البيبي
الله يعافيه ان شاء الله البصفار عادي وايد من اليهال اييهم من ينولدون وعقب عادي
والسكر ان شاء الله يكون مؤقت بس لين مايستقر حاله
تعرفين هو بعده ولد اسبوع يباله 3 اسابيع لين مايستقر حاله ها الي عرفته من قرايتي عنهم فالنت
والنفس طبيعي يكون بعده لانه الرئه بعدها صغيره
انا ولدي نفسه سريع واحيانا احسبه يوقف اتم خايفه بس يرد يتنفس >< الله يعينا بس
قبل يوم كنت اروحله اشوفهم مرقدينه على بطنه انقهر واقول مب مرتاح وارد اعدله
عقب شافتني النيرس قالتلي الاحسن لنفسه انه يكون على بطنه حتى الجهاز مايعطي انذار وايد عشان نفسه
اوني انا العبقريه ابا اريحه ومادري شو السالفه
الله يسلمج و يبارك فيج ^^
أنا نفس الشي لاحظت في ولدي .. ساعات يتنفس بسرعه .. وساعات يوقف ..
>< يخوفني ...
بس ولا مره رقدوه على بطنه ...
اللحين يبوني اتعلم ابدله بامبرز و هو في الشيشه .. ما اعرف كيف ؟!
هو بروحه بوايراته .. كيف ببدله ؟!
واااااااايد استانس يوم اعطيه الحليب بالابره ^^
اللحين من يومين كل ما اروح عنده .. انا اعطيه
الله يعينكم يارب ادري الموقف اللي انتو فيه وااااااايد صعب
بس ان شاء الله انه عيالكم يكونون بخير وعافيه ويعدون هالمرحله بيسر
ولاتخافون وااااايدين انولدو فالسادس وفالسابع والحمدلله عاشو طبيعين
طمنونا ع الابطال دووووووم ^^
آآآآمييييييين فديتج ..
الله يتمملج على خير ^^
.gif)
.gif)
رد مع اقتباس
