عنوان الموضوع : الفتاق السري بعد القيصرية وشد الترهل ؟
مقدم من طرف منتديات الضمير العربي

مرحبا خواتي عساكن بخير وسهاله

أنا مربيه من سنة قيصري واستوالي فتق فالسرة بعدها بفتره وطبعا هو من آثار العملية الجانبية وحصل لي ترهل بس في البطن أسفل السرة. ..

راجعت عند أكثر من دكتور قالولي لازم عملية واليوم سرت مستشفى برجيل عند بروفيسور طاهر وقالي ألفتق وأيد كبر من داخل ولازم أسوي العمليه بأقرب وقت عشان ماتصير مضإعفات

ونصحني اخلي علاج الترهل عقب مع أني قريت فالنت انه الأغلبية يسوونها مع بعض ..


سؤالي هو : هل فيه حد سوتها ياليت تخبرني تجربتها و عند أي دكتور. ولو أبا أسويها برع شو أحسن دولة فهالعلاجات
ومتى أقدر أحمل بعد العملية ، دار رأسي حد يقول 6 شهور وحد سنة وحد سنتين ، أتمنى إلي صارلها هالشي ماتبخل علي بتجربتها كامله حتى لو على الخاص

وادعولي آتوفق في اختيار الدكتور الأنسب والله يسهلها.

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
عسى الله ينور لج اللي فبالجً

__________________________________________________ __________

>>>> الرد الثاني :
للرفع

__________________________________________________ __________

>>>> الرد الثالث :
ما اعرف الله يسهلها عليج

__________________________________________________ __________

>>>> الرد الرابع :
انا مربيه طبيعي و استوالي فتق سري بعد .. السبب مب العمليه بس الوحده عقب ما تربي العضلات تكون مرتخيه وايد و نحن غلطنا انه ما نتحرك ولا نسوي تمارين و هالشي يخلي المصارين تظهر و يستوي الفتق ..

انا سرت عند دكتور هندي في البلاد مستشفى ويلكير وايد شاطر جراح و قالي ما تحتاجين حاليا صغير الا اذا حسييتي بأي الم تعالي الطواري على طول و بنسويلج العمليه .. و سرت عند دكتوره في المانيا كنت اسوي جيك اب و هي دكتورة عامة مش تخصص قالتلي الفتحه كبيره ولازم عملية .. الصراحه ماعرف شو اسوي استخرت وايد و للحين ما سويتها ..

اغلبهم قالولي اذا سويتها احتمال الفتق السري يرد بعد اي حمل و اي ولادة ثانيه .. فـ قالي الدكتور دام مافي الم و دام ما يكبر الافضل تحملين كثر ما تبين و اخر شي سوي العمليه ..

حبيت افيدج بس و حاله عن حاله تفرق .. شوفي انتي كذا دكتور و دكتورة .. الصراحه انا ودي اسوي و في نفس الوقت خايفه .. شكل السر عندي وايد بارز بس خايفه اذا سويت يردلي مره ثانيه و كأني ما سويت اي شي ..

اهم شي وزنج ما يزيد و ما تشلين اشياء ثقيله .. والله ييسرلج امورج ..

بالنسبة للحمل اعتقد ما تحملين لمدة 6 شهور .. بس احتياط خليه سنه ..

و ربيعتي استوالها بعد فتق سري بعد ولادتها الطبيعية و ما سوت العملية و ماشاء الله حملت مره ثانيه و ربت و كل شي تمام و الفتق موجود ما كبر ولا صغر ..

__________________________________________________ __________

>>>> الرد الخامس :
الله يشفيج يارب ماتشوفين شر