عنوان الموضوع : بليز سااااااااااعدوني ضروري ابعرف. تغذية صحية
مقدم من طرف منتديات الضمير العربي
السلام عليكم يا الغاليات شخباركم
انا متضاااايقه وابي خبرة كل وحده عرست او ام عيال لانه ما عندي احد من خوات عشان اسألهم .... واستحي اسأل ام ريلي.
يا بنات انا عرست وكملت شهرين من زواجي والحمد لله ...يتني التهابات وحرقة اكرمكم الله فالبول وكنت اتحمل وكل شوي اسير الحمام للأسف لاني كنت استحي من ريلي في فترة شهر العسل لما نتمشى كله ابي حمام ابي حمام...
المهم تعالجت والامر الحمد لله خف وانا عبالي ما بترد مره ثانيه ....احين يتني اعراض غريبه ...احس بعوار في ظهري واحس بدوخه ....والم في صدري واسفل بطني على الجوانب مرات ومرات مغص في اسفل بطني...
قبل هالاعراض كانت تنزل مني افرازات غريبه ريحتها كريهه اكرمكم الله مثل ريحة السمك....وما رحت اعالج لاني قمت اشرب ماي وراحت مني اختفت....بس الافرازات باقي بس بدون ريحه احين ...
باقي على دورتي 14 يوم ...وكنت حاجزة جلسة ليزر للجسم .... بعد هالاعراض ما رحت خفت يكون حمل....بس رحت وسويت فحص دم قبل دورتي ب 15 يوم تقريبا وقالوا لي ما في حمل .... وانا مستغربه من الاعراض الي فيني...
الي مرت بالي مريت فيه بليز تساعدني وتطمني....انا رحت عند دكتورة وقالت لي فيج التهاب وعطتني ادوية وتحاميل لانه من يومين يتني حكة على المنطقة الحميمه تحديدا على الجوانب ( الشفرتين ) مع انتفاخ شوي.
واحين ما اعرف اروح ليزر او هل في احتمال اكون حامل وفحص الدم ما ظهر النتيجة لانه بدري على وقت دورتي...والاعراض الي احس فيها شو ؟؟
- دوخة ولوعة مرات الصبح ومرات المسا .... اروح الحمام بوقت متكرر بس بدون الم وبدون حرقة ...الم في صدري خصوصا في الاطراف تحت الباط تقريبا ....مغص يجي ويروح ...احس بخمول وارهاق موب طبيعي احس بنهار. بليزززز خبروني وفيدوني....
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لا تسوين جلسة الليزر أضمن لين ما تييج الدورة... وهاي أعراض طبيعية نوعا ما بسبب دخول هرمونات ذكرية من ريلج لجسمج وأكيد بتحسين بتغير في الجسم خصوصا في الرحم والصدر.... سبحان الله ترا ماي الريل عبارة عن كائنات حية وأكيد بتسوي تغيير في جسمج حتى اذا ما استوا حمل.... وتحليل الدم عادة يكون دقيق وتطلع النتيجة حتى لو كان الحمل في بدايته .... وانا أشوف مدام في تغير في هرمونات جسمج احتمال يخرب على الليزر لان نمو الشعر يتأثر بالهرمونات طبعا.... اشربي زنجبيل خفيف عشان اتخف عنج هاي الاعراض والزنجبيل ما يأثر سلبيا عليج لو كنتي حامل ....
الله يرزقج الذرية الصالحة يارب وبشرينا اذا طلعتي حامل ان شاءالله...
__________________________________________________ __________
>>>> الرد الثاني :
لاتسوي ليزر أختي يمكن تكوني حامل والهرمونات مب سهلة
ربي يشافيج ويرزقج ذرية صالحة
__________________________________________________ __________
>>>> الرد الثالث :
لا تسوي اختي الأفضل تتري احسن تخافي يكون في حمل حتى لو مافي انتظري لحد ما تيجيكي الدوره للاحتياط وتابعي علاجك والله يشفكي
__________________________________________________ __________
>>>> الرد الرابع :
اتري لين تنزل الدوره وبعدين سوي جلسة الليزر بس انتي يوم رحتي تتعالجين من الالتهاب اتعالج ريلج وياج او لا لانه ياخذ العدوى فا يوم انتي اتخفين اترد العدوى من العلاقه لج........... فأضمن تتعالجين انتي وريلج وتروحي اتشيكي انه كل شي اوكي. بعد ما يخلص العلاج.
موفقه الغلا
__________________________________________________ __________
>>>> الرد الخامس :
احتمال كبير تكونين حامل
عشان تقطعين الشك باليقين ردي سوي فحص الدم لان أدق وشكلج فالمره الاولى استعيلتي
وربي يرزقج بالذريه الصالحة
رد مع اقتباس
