عنوان الموضوع : معقــــــوله انتي حــــامل وما يبين في فحص الدم..؟؟؟!!!!!! لصحتك
مقدم من طرف منتديات الضمير العربي

هلا وغلا لكل وحده حدرت موضوعي...



بنااااااااااات...انا وااااااااااااايد اقرا في ردووود بعض البنات اشيا تخليني اشوف علامه استفهام كبيره جدامي..وحابه اني استفسر اكثر عن هالموضوع...


مثلا من الردود:

(وحده تقول): انا تميت فتره اسوي فحص بول (عزكم الله) وفحص دم بس ما بيين اني حامل الا بعد ماكملت شهرين من الحمل..!!!!!!

(والثانيه تقول): انا كان فيني اعراض حمل وكل ما اروح اسوي تحليل دم يقولون لي انتي مش حامل..بس بعد ما مر على حملي اكثر عن 3 شهور بيين الحمل..!!!!!

(والثالثه تقول): سويت فحص الدم ومابين اني حامل ..عقب رحت وسويت سونار (مادري جهاز ثاني المهم اللي يظهر الرحم والمبايض) وبين انه في حمل..!!!!

وغيرهن واااايد من اللي يقولوا مابين الحمل في فحص الدم الا بعد مده طويله وهن اصلا كانوا حمل...

وانا سؤالي الحينه..
هل يستوي هالشي عادي.. اني اكون حامل ومايبين الحمل في فحص الدم من اول مره او من بدايه الحمل ..؟
وانا اللي اعرفه انه فحص الدم دقيق بنسبة 100% وحتى لو صار على الحمل بس يومين..

فكيييف اللي تقول انها هي حامل بس مابين في الدم الا بعد فتره...؟!!!!

بنااااااااااااااات انتوا شورايكم ممكن يستوي هالشي..؟!!!

ياليت اللي يعرف عن هالموضوع يخبرنا ويفيدنا اكثر..

واذا حد صار له نفس هالمواقف ياليت يخبرنا..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا صار لي نفس الشي..
كنت حامل وعدى ع الدورة 3-4 ايام..
سويت فحص دم وما بين الا عقب بفترة ما اذكر كم..
والله يعوضني عن حملي اللي فقدته بحمل سليم وثااابت ياااا رب..

__________________________________________________ __________

>>>> الرد الثاني :
يمكن يكون حمل متاخر علشان جي ما يبين في الدم بسرعه
في مثل هالحالات بس نادرة

__________________________________________________ __________

>>>> الرد الثالث :
صح هذا ناااااااادر جدا انه مابيبن في الدم . . بس معروف ان الدم دقيق ...

احيد انا ف حملي الاخير والله ان نفس اليوم اللي لازم تنزل فيه الدوره حللت بول عزكم الله ماظهر لي شي .. وعقيته ف الزباله ... عقب كم ساعه سرت الحمام عزكم الله وطلعت التست من الزباله << حلفي
كان فيي فضووول اقول يمكن احينه بين وبالفعل بين خط لكن كاااااااااااان خفيييييييف مايبين الا اذا حطيت التست تحت الليت ...

المهم قلت بصبر كم يوم وعقب بسير احلل في المستشفى ... سرت حللت قالت لي الدكتوره هيه شي حمل بس نسبة الهرمون جدا بسيطه .. تعالي عقب يومين بنرد نحلل .. وسرت عقب يومين ونفس الكلام نسبة الهرمون المفروض تتضاعف بس هي كان ارتفاعها بسيط ... وبعد تعالي عقب يومين .. اذا نسبة الهرمون مثل ماهي بنعطيج حبوب تنزل الدوره .. او احتمال هو حمل خارج الرحم ..

عااااد ريلي هنيه قاااااال بـــــــــــــــــــــــــــــــــــس اســــــتوب ... مابنرد بنسير الكورنيش ...
وكااااان نفس الكلام .. بـــــــس صبرو علي شوي ,, عقب الاسبوعين بين الكيس وقلب البيبي وطلع الحمل مستوي متأخر عسب جي مايبين ..
واحينه بنوتي كملت 3 سنوات ...
ادعو اي الله يرزقني عااااااجل غير اجل ..

__________________________________________________ __________

>>>> الرد الرابع :
للرفع للرفع للرفع

__________________________________________________ __________

>>>> الرد الخامس :
UP UP
UP