عنوان الموضوع : ملابس و مستلزمات نيوبورن للصحة
مقدم من طرف منتديات الضمير العربي

مرحبا كروشات اشحالكم

حبيت افتح ها الموضوع لاني جريب بجهز حق النونو الله يحفظلي اياه ان شاء الله وبما اني بجريه فبغيت اعرف اول شي المستلزمات الضروريه للنيو بورن من ملابس و مهادات و...الخ و المحلات المناسبه من حيث الأسعار و النوعيه . و الكل يشارك عشان نساعد ونفيد بعض .

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مرحبا حبيبتي
اول شي الله يتمم حملج على خير ويسهل عليج
عن نفسي اشتري للنيو بورن من كارترز ومذركير و بيبي شوب احسن ٣ اماكن لتجهيز النونو من كل شي وبتشوفي كل شي عندهم من الالف الى الياء وكل المستلزمات
وموفقة

__________________________________________________ __________

>>>> الرد الثاني :
اختي تقريبا بيبي شوب و مذكر كير بتلاقين فيه كللللللل مستلزمات البيبي من الالف للياء

و نصيحه لا تتشرين واااااااااااااايد ملابس ،، اشتري للاربعين 4 اوفرولات نيوبورن و 5 من 0 ل 3 شهور لا تكثرين لان بتييج هدايا لانج بجر.
و بشكل عام البيبي يفضل تلبسينه من الولاده ل 6 شهور اوفرول. نصيحه لا تشتري له بناطيل او غيره لانه بتضايقه مع الحفاضه و القعده و النومه..
و الافرولات لا تشترينهم كلهم مع ريول لان فليل ما يصير تلبسينه افرول مغطي الريول و لا زلاغ.
انصحج تشترين اكثر شي افرول بدون غطا ريول.. اتمنى تكونين فهمتيني !!

اهم الاغراض 3 مراضع و اداة التنظيف مالتهم ، عضاضه وحده لانه يمكن ما يتقبل و العضاضات فيها اعمار خي له منذ الولاده ، جهاز تسخين للحليب ها اهم شي ، ان حبيتي جهاز تعقيم ، ملابس و قماطات و صابون اطفال و شامبو و زيت اطفال (العدة مالتهم يعني) و مقص اظافر و مقياس حرارة طبي و منز و اهم شي خذي له لحاف يدفيييييه خاص به وقت النوم و حوض سبوح و فوط و انتي بروحج لو سرتي المحلات بتلاقين وااايد اشياء ها اللي تذكرته احين و اتمنى باجي الخوات يفيدونج اكثر ،،، و اغراض العافيه فديتج

__________________________________________________ __________

>>>> الرد الثالث :
ماقصرو البنات ، الله يسهل عليج

__________________________________________________ __________

>>>> الرد الرابع :
الاخت عنيدة مشكورة وايد انا بعد بجرية وحابة اعرف شو لازم اتشرى وشو اللي مب ضروري وعن الافرولات سمعت انه نكست افرولاتهم زينه من ناحية غسيل ولبس

بس سؤال متى تبدا الحامل تتشرى؟ انا توني دخلت الخامس بس لين الحين ماخذت شي للبيبي ولا لي!

__________________________________________________ __________

>>>> الرد الخامس :
الله يسهل عليج وعلينا يارب
ومبارك الحمل الله يتمملج على خير
البيبي شوب فيه كل مستلزمات البيبي
لكن نصيحة لا تكثرين ملابس خاصه للشهور الاولى لانه وزن البيبي بي تضاعف شهر عن شهر