عنوان الموضوع : الله يسعدكن لصحتك
مقدم من طرف منتديات الضمير العربي

السلام عليكم .. شحالكم بنات .., الحمدلله الله رزقني .. وانا حامل وفشهر 3 اذا الله راد بربي ...


طبعا انا صغيره . وماعرف عن اي شي من الاام الولاده او ال40 يوم وشو اسوي ... وكيف اطهر .. وغيره ..
انا واااايد احاتي .. كل حد يخوفني ويقول الالم فظييع وانتي من النوع اللي مابيتحمل .. وعادي تسوين قيصيريه .. فيدوني بتجاربكم وشو اشرب عسب اسهل الولاده وغيره .. للععلم انا بجريه ..

اذا بتساعدوني يزاكم الله خير ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

المشاركة الأصلية كتبت بواسطة برستيج راكـ
السلام عليكم .. شحالكم بنات .., الحمدلله الله رزقني .. وانا حامل وفشهر 3 اذا الله راد بربي ...



طبعا انا صغيره . وماعرف عن اي شي من الاام الولاده او ال40 يوم وشو اسوي ... وكيف اطهر .. وغيره ..
انا واااايد احاتي .. كل حد يخوفني ويقول الالم فظييع وانتي من النوع اللي مابيتحمل .. وعادي تسوين قيصيريه .. فيدوني بتجاربكم وشو اشرب عسب اسهل الولاده وغيره .. للععلم انا بجريه ..

اذا بتساعدوني يزاكم الله خير ..



لا تخافين وتخوفين عمرج انا والله ما كنت أخاف بالصبر والعزيمه والتحمل ان شاءالله الله بيسهل عليج ادعي واقرائي سوره الزالزل ومريم كل يوم ولا تسمعين كلام حد وتحملي ولا تروحين المستشفي اذا حسيت بالم روحي اذا الألم ما قدرتي عليه خلاص تعبتي واذا نزل عليج الماي روحي ما تصبير الله يسهل عليج حبيبيتي

__________________________________________________ __________

>>>> الرد الثاني :
حبيبتي مآعليج من كلام النآس ان شاء الله الولادة بتكون سهله وميسرة ادعي دوم ف كل صلاة

وحطي ف بالج انهآ ساعات وبتشوفين احلى نونو بينور عليج دنيآج مافي وحده ماتتحمل كلنا نتحمل ونتعب لآن هاذي شغلتنآ ف الحيآة ومن بعد ماتربين سبحان الله الله ينسيج كل شي ويكون شي عآدي عندج ومدام انتي بكرية بتجربين هالشي وبتعيشين لحظات وااااايد حلوهه مع اول بيبي من بداية حملج فيه لين تربين شعوور جممميل

طبعا بكرية ف بتطولين يمكن تاخذين شهرج كله من تدخلين التاسع كثري من المشي وكلي تمر عسب يعطيج طاقه وسوي القرفصآء اللي هيه كنج قاعدة ف حمام عربي والجماع له دور وآيد يفتح الرحم ويحفز


واذا ع الاربعين ترى لانج بكرية ف اكيد بيسوون لج خياطه وف هالاربعين يوم هاذي تغسلين تحت باي صابون مطهر وتحطين كريم فيسودين الاحمر ع الخياطه لانه مضاد ويمنع الالتهاب ونصهن يقولن ميبو بس انا ماتميت عليه وايد لانه كان يحرقني وعقب اسبوع تبدين تستخدمين غسول بيتادين للمنطقة وتنشفين عددل بعد كل دخلة حمام الله يعزج وحاولي ف اليوم مرتين تيلسين ف بانيو دافي عشان ترتاحين من الشد وحاولي ماتتحركين وايد اخصن اول اسبوع رتاحي ..تغذيتج لازم تكون اوكي تجنبي البارد بتاتا وحطي مع اكلج شوية فلفل اسود وشربي اشيا دافيه


هاذآ اللي اذكره واذا بغيتي شي نحن موجودين ^^

__________________________________________________ __________

>>>> الرد الثالث :
اختي وكليها لرب العالمين
عادي الولاده كل الحريم بتربي وتقوم بعدها
وجعها يختلف من حرمة للثانيه يعني ما يهمج كلام الناس
اشربي قرفه وكلي بلح وتمر بتساعد بالولاده والله يقومج بالسلامه يارب

__________________________________________________ __________

>>>> الرد الرابع :
اول شي مبروك وربي يسهل عليج
انا مثلج بعد بجرية وموعدي شهر 3 ان شالله


كلام الحريم اغلبه تهويل
ربعي كله كلامهن مبالغ ويقولن اخس شي الحمال والربا وعادي صح اييني عوار فالحمل بس ماحس بالي كانو يقولونه وان النفسيه زفت وماتبين تسوين شي ومن هالكلام واصلا ما اسالهن خخخخخ ربعي واعرفهن

لو الالم فظيع لهالدرجة ترا محد كان حمل مرة ثانية وثالثة ورابعه والالم يحتمل ان شالله
وترا بالمستشفى الحريم يصارخن بس جي يتعبن نفسهن
من اييج الويع سوي تمرين تنفس من حلجج نفس الاجانب ولا تحاولين تصارخين تحتاجين طاقتج عشان تربين مب تروحين الطاقه بالصريخ
وانتي بتطلعين روح منج مب تطلع روحج الله يهداهن الحريم ومبالغتهن
انا بجرية شراتج بس اعرف ان كلام الناس خرابيط ويبالغون
وياما سمعت وسمعت وطلعت من الاذن الثانية
وها انا اول وحده اعرس ومالي خبرة باي شي واي شي ماعرفه عندي رقم الدكتورة ادق لها اسالها
مالهن حق يقولن انج مابتتحملين ويمكن تولدين قيصري !!!
على اي اساس يحكمون؟
اسمحيلي بس ها كلام قليلي خبرة والمفروض مايخوفون اصلا

انا من صوبي مب ناوية اشرب شي وابي كل شي طبيعي بس بمشي
الدكتورة قالت لي امشي من ربع لنص ساعه يوميا فالتاسع
ويوم اييني الويع باكل لي سح وبقرا سورة الزلزلة وبشرب ماي زمزم والتساهيل من رب العالمين

وروحي ماعرف شي فالاربعين بس الي عرفته من بعض المربيات
بيتادين وميبو واحاول مافتح ريلي واخليها مصكرة قد ماقدر
والميبو قالولي احطه عالفوطة قبل لا البسها

وماعرف شي ثاني ان شالله يفيدونج الباجيات
ولا تحاتين ان شالله ولادتج سهله ونصيحة لا تسمعين كلام الحريم عن الولادة وحطي فبالج كل الحريم ولاداتهن مختلفه

__________________________________________________ __________

>>>> الرد الخامس :
إختي لا تفكرين بالولاده لإنج بتتعبين نفسيا واكثر بتتعبين وقت الولاده من التفكير
خليج عادي ولأ تحاتين والتساهيل من الله
أنا عن نفسي من أحمل لين أربي ما أحب اتشكى ؤاهل ريلي محطين فبالهم أني ما أتعب لكن حرمة حميي من النوع اللي ما يسكت وريلها يكبر الموضوع وكله يحاتونها ؤما يبونها تسوي شيء فالبيت لكن من تربي ما شاء الله عليها ما تكمل سنه وتحمل بالثاني وانا أكمل سنتين وثلاث بعد الولاده لين أحمل بالثاني. ويقولوا لي ليس تتأخرين بالحمل قلت لهم الصراحه جسمي ما يتحمل وحام و ولاده ورا بعض واذا حرمة حميي تتعب وايد تراها بتريح بس هي ما شاء الله عليها الله يعطيها الصحة والعافية عادي عندها وهم من النوع اللي يهوول الموضوع فما عليج لا تحاتي
لالن أغلبية اللي يكبرون السالفه عادي عندهم الولادات ورا بعض