عنوان الموضوع : حريم العين....مستشفى الواحة لصحتك
مقدم من طرف منتديات الضمير العربي
مرحباً بكم...بغيت أسألكم عن مستشفى الواحة قررت إربي فيه يا ريت اللى مربيه فيه تخبرني متى افتح ملف عندهم انا في الشهر الثاني ومنو احسن دكتوره أراجع عندها وشو وقت الولاده عندهم زينين في التعامل ومنو اللي تولد دكتورة ولا ممرضه...ومشكورة للي بترد عليه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا تجربتي فيه خايسة سبحان الله ماي خيرة اتعالج فيه .. بس خواتي وبنات العايلة كلهم يتعالجون فيه
يقولون وايد زين للولادة .. روي افتحي ملف في الرابع او بداية الخامس اما عن الدكاترة شذى اوكي وايد والهنديات بعد .. بس في واحد دكتور هندي مول مايعرف شي
وان شاء الله البنات يفيدونج .. ربي يسهل عليج يارب ويثبت حملج حبيبتي
__________________________________________________ __________
>>>> الرد الثاني :
__________________________________________________ __________
>>>> الرد الثالث :
حاولي تفتحين ملف من البداية احسن
صارت معي ظروف في مستشفى الإمارات واضريت اسير افتح ملف بالواحة كنت بالتاسع ابدا ما رضيو, وقالو ان كل الدكاتره جدولهم فل وما لك مكان عنا ,وقالو تعالي بداية الشهر!!!
وعموما حسب ما سمعت انهم يعطون ابرة الظهر الي جدا ترتاحين معها في الولادة الطبيعية
هذا الي اعرفه وان شا الله تقومين بالسلامه
__________________________________________________ __________
>>>> الرد الرابع :
انا كل ولاداتي فيه والحمد لله عنايتهم وايد زينه انا وحريم العايله وامهاتنا كلهن ولادتهن فيه وفجي ملف من الشهور الاولى افضل
__________________________________________________ __________
>>>> الرد الخامس :
مرحبا الغالية انا ولدت مرتين عندهم بصراحة ماعليهم كلام من عناية و اهتمام بس مواعيدهم خايسه وزحمة وااااايد كنت ارجع في الشهور الاولى ف مستشفى الامارات لانه قريب مني و في السابع اروح افتح ملف في الواحه كنت اراجع عند سحر و كل مرة يحطولي موعد عند دكتورة غير مرة هندية و مرة اجنبية,,, هالمرة اراجع في كرومول عند صبوح متحيرة اربي عندهم او الواحة بستخير وبشوف الله شو كاتبلي و الله ايسر الامور ان شاء الله
رد مع اقتباس
