عنوان الموضوع : دعواتكم خواتي لحياة صحية
مقدم من طرف منتديات الضمير العربي
هلا خواتي شحالكم ان شاء الله بخير
بغيت دعواتكم ان الله يشفيني ويعافيني من الأمراض الي
من دخلت الثامن وهي تطلع وأقول الحمد لله علىكل حال
بس تعبت اول شي عوار ضرس العقل و ثاني
شي عوار الجهة الثانية من الأسنان و ثالث شي تعاديت و ياني
رمد و آخر شي ولله الحمد بلاعيم و أعرف انه هالأشياء
طبيعية ان الحرمة الحامل تنقص مناعتها و الياهل ياخذ من
الأم عشان هالشهور الأخيرة يكون النمو أسرع و الله يآجرنا
و يسهل حملنا و ولادتنا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يعافيج ويسهل عليج وعلى كل الحوامل .. ومثل ماقلتي اجرر ان شاء الله .. تحملي الحمدلله هانت انتي فالثامن ..
__________________________________________________ __________
>>>> الرد الثاني :
الله يعافيج ويشفيج أختي الغالية ويتمملج حملج على خير وسلامة
والله يتمم حمل كل حامل على خير يارب
وأدعيلي أنا بعد الله يحفظلي جنيني هالمرة
واتشافى من هالالتهابات ولا أرجع أشوفها يارب
__________________________________________________ __________
>>>> الرد الثالث :
الله يتمملج على خير و تقومين بالسلامه ان شاء الله
__________________________________________________ __________
>>>> الرد الرابع :
أنا من بداية حملي وكله تعبانه وفي المستشفى.... فقلت لازم ارقي نفسي.... عندي أوراق محو من ناس ثقة ... وهي عبارة عن المعوذات مكتوبه بماي الزعفران ..... وأعتقد إنهم جهه مرخصه في دبي... المهم حطيت المحو في دبة ماي زمزم وتميت أشرب منه..... الحمدلله مشاني بطني وحسيت بتحسن وقدرت أرقد بدون ما تنمل ريولي.... الحمدلله بديت أصلي النوافل عقب ما تركتها فترة الوحام بسبب الكآبه اللي صابتني.... بديت أستغفر وأقول الأذكار عقب ما تركتها..... بدخل الخامس بإذن الله وحسيت إن بطني خفيف عقب ما كان ثقيل وبصعوبة أتحرك وأحس الجنين كان وايد نازل....
الحمدلله راح أداوم على ماي زمزم وأتحصن بالأذكار والقرآن......
اختي زيدي مناعه جسمج بالزنجبيل تراه وااايد مفيد للحامل ومول ما يضر.... ييبي غرشة ماي زمزم وابشري فيه زنجبيل طري وخليه في الثلاجه طول الليل وعقب تمي اشربي منه يوميا.... وتقدرين تقرين عن فوائد الزنجبيل للحامل في قوقل..... وترا طريقة وضع الزنجبيل في الماي طول الليل في الثلاجه أفضل من انج تغلينه وتشربينه....
ربي يسهل عليج وباجر بتربين إن شاءالله بسهولة ويسر وبتنسين كل التعب يوم يحطون طفلج على صدرج أول ما يطلع للدنيا.....
__________________________________________________ __________
>>>> الرد الخامس :
سبحان الله فعلا الرقيه مهمة ولو بسورة الفاتحه والنفث
الله يعافيج ويسهل عليج
رد مع اقتباس
