عنوان الموضوع : ممكن تساعدوني ضروووري الله يعطيكم على قد نيتكم للحمل و الولادة
مقدم من طرف منتديات الضمير العربي

الســــلام عليكم ..
خواتي العزيزات ..
انا متزوجه من سنه و 7 شهور ومن عرست ف الشهر 7 حملت ,,
كملت شهرين .. والجنين طاح .. يعني عقيت .. ومنم عقبها لين اليوم ماحملت ,
انا وزني حاليـا فوق 100 .. وعمري 20 سنه .. وريلي اكبر عني ب 4 سنوات


بس بغيت اعرف الوزن ياثر .. للعلم مع اني اعرف وايد ناس امتن مني وماشالله الله رزقهم والله يحفظهم لهم . بس انا الحين وايد متعقده وكل حد يسالني عن الحمل .. واايد مضايجه رحت عند كذا دكتوره وقالت لي الرحم والمبايض عندي اوكي .. وكل شي زين .. بس مادري | شو السبب واخر مره .. رحت لدكتوره ثانيه وقالت لي .. وزنج وايد اووفر .. وعطتن دوا مال مرضى السكر اسمه كولجين ماعرف شي جذه بس .. وعقب قالتلي .. هذا للتكيس .. مع ان مافيني تكيس .. ومن هاك اليوم انا احااتي .. وايد افكر .. وانا دوام ريلي كله سفرات .. يعني دوامه تقريبا سفرات او دورات خارج الدوله . وقالتي الدكتوره انتي ايام التبويض ريلج يكون برع البلاد ف مايستوي تحملين .. استويت وايد حساسه هالموضوع ..... الحين تمنى اذا حد يقدر يفيدني بشي .. ووانا حاليا امارس الرياضه واسوي رجيم والحمدلله نزلت كم كيلو ..

فيدوني وانصحوني ..
واللي من راك .. واتعرف عيادات زينه تخبرني او اي دكتوره شاطره ف الامارات الثانيه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وبغيت اعرف عن الحريم اللي يمسحن .. وشو فايده المساح ..





اتريا ردككن

__________________________________________________ __________

>>>> الرد الثاني :
اختي انتي اذا مافيج شي ليش ادوري ددكتوره ..
اهم شي انتي نزلي من وزنج..
لان الوزن الزايد ياثر مرات..
وايام التبيض هي اللي يصير فيها الحمل..
يعني اذا كان مسافر في هالايام اكيد مابيصير حمل..
انتي حسبي وشوفي اذاورتج منتظمه حسبي لين اليوم 13 و 14 و15 هالاياام هي اللي يصير فيها حمل..
والله يرزقج بالذريه الصالحه..
واي استفسار انا حاضره

__________________________________________________ __________

>>>> الرد الثالث :
المسح اختي للي عندها ميلان بالرحم..
يمسحن عشان يرجع لمكانه..

__________________________________________________ __________

>>>> الرد الرابع :
مشكورات والله .. ريحتونيه .. واسم الدوا كلوفاج اعتقد هههه ماقدر احفظه .. بس يوم قريت عنه وتجارب البنات حسيت انه 80 بالميه .. فادهن .. والله يرزقني الذريه الصـالحه ..
ادعولي ..

__________________________________________________ __________

>>>> الرد الخامس :
هيه حبوبة الوزن له دور ..