عنوان الموضوع : كيف استخدم القسط الهندي؟؟ للحم الصحي
مقدم من طرف منتديات الضمير العربي

السلام عليكم بناات

انا عندي تكيس مبايض فالمبيضين واعاني من اعراضه اللي هي زيادة وزن وحب شباب وتساقط شعر والدورة عندي ملخبطة الحمدلله على كل حال

راجعت عند دكتورة وعطتني جلوكوفاج وقالتلي نزلي وزنج حاولت بس اشوفه يزيد ماينقص اشك ان الغدة فيها كسل

قريت عن القسط الهندي وفوايده واحمست اني استخدمه رحت شريت المطحون من القرية وبكل حماس ابا اجربه واتمنا يكون فيه علاجي

بس شو اقولكم طعمه ذبحني يلوع بالجبد استغفر الله قد ما اشرب ماي الطعم مب طايع يخوز

حطيت مقدار ملعقة في كوب ماي وشربته بس


ابا تشجيييع واللي مجربتنه او تعرف حد جربه واستفاد تقولي كتحفيزز


المهم فالموضوع اني ابا اعرف شو احسن طريقة لاستخدام القسط الهندي او العود الهندي اذا في طريقة تخفف الطعم المر اسعفووووني فيهاا بليييزز

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اااااااااب لعيونج

__________________________________________________ __________

>>>> الرد الثاني :
ان شاء الله البنات يفيدونج

للرفع

__________________________________________________ __________

>>>> الرد الثالث :
بلقولك طريقه سهله تجيين القسط وتعجنيته بمويه وتكورينه صغار حبوب قد حبتين النادول عدين تحطينه الفريزر وتشرينه مثل الدواء مع ماء خمس مرات اليوم بعد كل فرض صلاه وادعيلي ييسر اموري

__________________________________________________ __________

>>>> الرد الرابع :
اختي وين حصلتيه انا أدوره

__________________________________________________ __________

>>>> الرد الخامس :
إختي بقولج أنا كنت أستخدمة أكثر شي كنت أظايق من ريحته مب من طعمة

المهم

معلقة منه على ماء مغلي في كوب الشاي و تحطين عليه صحن صغير تسكرينه عشان ما تلوع جبدج من الريحة لين يستوي دااااافي يعني ترومين تشربينه على ثلاث مرات فقط ,, و أول ما تفتحينه تسكرين خشمج بيد و باليد الثانية تشربينه على ثلاث مرات بدون ما تشمين ريحته ... وعقب تكوني محضره موزة وتاكلينها وراه على طول تنسيج الطعم المر ...


كنت أكرر هالشي مرتين في اليوم مرة على الريق الصبح و مرة المساء قبل النوم ...

الله يوفقج