عنوان الموضوع : خسي 5 كيلو باسبوعين أو بعشره ايام... لصحة الحمل
مقدم من طرف منتديات الضمير العربي


هلا خواتي


حبيت اعرض لكم رجيم وعن تجربه شخصيه والرجيم هذا لا واصفتنه دكتوره ولا غيره اروحي من نفسي سويته

وان شاء الله اللي بتسويه بتشوف النتائج

صراحه انا ما استمريت عليه لاني حملت والحمدالله اني نقصت 5 كيلو تقريبا في اسبوع يمكن عشره ايام وانا استمريت عليه تقريبا اسبوعين الى عشرين يوم بس عقب ودرت وللحين والله يشهد اني حامل في الشهر السادس واللي يشوفني يقول ضعفانه ووزني وانا حامل نفس ما هو قبل لا احمل والله انه ما تغير ابد


الرجيم لا يتعب ولا شي بالعكس كنت انش من الرقاد احس عمري فرش ومره مفعمه بالنشاط والحيويه ع قولتهم


كل السالفه وما فيها
انا حسيت عمري متنت حبتين وريلي تم لي متنتي متنتي خسي رغم اني مهب وايد متينه بالعكس وزني اقل من ما عرست

فقلت في نفسي انا لازم اسوي شي عسب هالمتن

ف شو سويت

هذي الخطوات

ع الريج كنت اشرب ماي يكون مسخن من الليل ويتخلى فيه شرائح ليمون وكمون يعني يتنقع من الليل وينشرب ع الريج طعمه حلو بس يكون احلى لو عصرتي الشرائح

حاربت كل المقالي أو استبدلتهن بمشاوي

حاربت العيش والمكرونه والخبز بالمره وماقربت صوبهن

وطبعا اكبر مسبب للسمنه الغازاااااااااااااااات ودرتهن من بيبسي وديو وغيره كله ودرته يعني فريته بالزباله عزكم الله

قمت امشي كل يوم ساعه الى نص ساعه

كثرت شوي من الماي والعصير الطبيعي والحليب عسب ما اخسر الفيتامينات يعني اعوض جسمي اللي بيفقده

حاربت تقريبا كل الحلاوة مره في الاسبوع واخذ قطعه صغيره

حاربت كل الملح

كثرت من الشوربات لان ما فيهن وايد سعرات حراريه

كثرت من الخضار والفواكه

وقمت العب مع الصغاريه واي شي ابغيه ما اطرش حد اييبه لي بالعكس انا انش اييبه بنفسي

قمت انام من وقت يعني ع الساعه 8_9 اكون نايمه

انش من وقت يعني 6_7 اكون ناشه

قبل الرقاد ب تقريبا 3 _4 ساعات ما اكل شي ابد ولا حتى اشرب الا اذا عطشت واشرب نص كوب ماي

كنت ما اكل اي شبس ولا عصير غير مره بالاسبوع

ع فكره ابتعدت عن الطماطم لانه يسبب احتباس سوائل في الجسم يعني يسبب المتن

وابتعدت عن العنب والموز لان فيهن سعرات حراريه وايد

قاطعت اكل المطاعم بالمره كنت اكل مره بالاسبوع وبالحيله

ولا عادي كنت اكل كل شي تقريبا آخر نصيحه لا تقيسين وزنج الا بعد مرور اسبوع وعاد نتريا النتائج اللي بتمشي عليه وبتلاحظ نتائج تكتب عسب الخوات يستفيدن,,,


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وايد حلو نظامج
و أنا مجربتنه لكن ماكنت أمشي يوميا ونزلت 3 كيلو
وبتم على هالنظام للمحافظة على الصحة و مب عشان الوزن بس

مشكورة فديتج الله يعطيج العافية

__________________________________________________ __________

>>>> الرد الثاني :
بالتوفيق يالغاليه .. ويرزقك الصحة والعافيه

بحوووووووووووووول اطبق << كسوله

__________________________________________________ __________

>>>> الرد الثالث :
تسلميين غناتي الموضوع

ان شاء الله يفييد

__________________________________________________ __________

>>>> الرد الرابع :
تهقين ينفع للمرضعات؟

__________________________________________________ __________

>>>> الرد الخامس :
فديتج والله يالغاليه

نصائحج صحيحة اميه بالميه...،، واللي ذكرتيه صحيح

وربيعتي متبعة هالنصائج وفاد معاها وهي كانت حامل والحين من بعد الحمال ضعفت وااااااايد

لأنه مستمرة على هالاسلوب

تسلمين الغاليه