عنوان الموضوع : يومياتي متداول مهم (ابغي اضعف وراي سفر)
مقدم من طرف منتديات الضمير العربي
السلام عليكم ورحمة الله وبركاته
الصراحه وااااااااااااااااااااااااااااااااايد تشجعت يوم قريت مواضيع البنات وحبيت انا بعد احط مشاركتي علشان اتشجعوني واتشجع منكم
ويزاها الله خير اللي بدت بالموضوع
فطوري أمس:
لبن المراعي
نص شوربة عدس
حبة ورق عنب
حبة بروكلي ويا الجبن
ملعقة هريس
ورياضة قبل الفطور
وسباحه بعد الفطور مال ساعه
والساعه 1:00 كلت اشوية خبز رقاق ولبن
بس شورايكم بأكلي
اتمنى اتشجعوني عالرجيم
السموحه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يلا حبيبتى شدى الهمه واحنا معاك
بس مقتيش كم وزنك ؟؟؟؟
وشو خطتك ؟؟؟؟؟
__________________________________________________ __________
>>>> الرد الثاني :
مرحبا اختي ومشكورة على ردج
انا وزني 62 وصارلي شهر مب وازنة
طولي 154
الهدف ان شاء الله: 50
ابغي اخسر 5 كيلو قبل العيد وراي سفر وعرس أخوي
فطوري اليوم:
3 حبات ورق عنب
غلاس ماي
حبة رطب
نص شوربة ما شربتها كلها وبس
شربت كوب يانسون دافي
الرياضة:سويت رياضة قبل الفطور مال 10 دقايق وتمارين شد البطن(وساعتين وانا امشي في مول الامارات قبل الفطور )
عقب الفطور سويت سباحه لمدة ساعه
الساعه وحده كلت خبز اسمر وصالونة بيضاء وشربت شاي أخضر
ها شورايكم خبصت أو لأ
اتمنى اتشاركوني
السموحه
ما اعرف انزل صور الفطور
__________________________________________________ __________
>>>> الرد الثالث :
بالعافيه عليج اختي
شدي حيلج
اهم شي انج تلتزمين
والله يوفقج ان شاء الله
__________________________________________________ __________
>>>> الرد الرابع :
شطوووره حبيبتي ان شاء الله تنزلي الخمسه كيلو وتستانسي بالسفر وعرس اخوج
شدي حيلك ونحن كلنا نعاج دايت ورياضه والله كريم
__________________________________________________ __________
>>>> الرد الخامس :
هلا اختي يومج حلو
وطريقة اكلج منظمه
استمري وان شاء الله بتوصلين للوزن المطلووووووب
عليج بالاتزام اهم شي ^_^
رد مع اقتباس
