عنوان الموضوع : تبين تكونين انسانه يديده ونفسيتج ترتاح ... حياج مشاكل السمنة
مقدم من طرف منتديات الضمير العربي

السلام عليكم ورحمه الله وبركاته

انا عضوة من زمان مشاركه ادور واحوص في هالمنتدى اشوف الخلطات فقلت في خاطري خليني ايرب الخلطات الموجوده في هالمنتدى بما اني يالسه في البيت ما عندي لا شغله ولا مشغله لا ريل ولا عيال ولا شغل وخلاص تخرجت يعني ماشي دراسه

ترا البطاله تعور القلب ... فقلت خليني اشغل نفسي واعدل شيفتي اللي مهملتنها
كان شعري منتف ما خليت شي ما سويته فيه وطوله اقصر من الكاريه يعني اللي يشوفني يقول هذا صبي مب بنت عفانا الله ((واللي مساعد اني انا مافيني صدر)) .... وويهي محبب ومحترق من الشمس وغير اني العب بالحبوب ... وجسمي مبقع من الطيحات والحروق اللي تشوه جسمي وغير هذا جسمي كان ابد مب متناسق لانه كان وزني قبل 80 كيلو والحين 50 وما كنت مدوامه على الرياضه فالترهلات على كيف كيفكم
وغير هذا ريلي متشققه حتى البشكاره ريلها انعم عن ريلي


يعني بالمختصر المفيد (((( كنت انسانه ما اتشاهد )))

فسويت لي برنامج يضمن الشعر والريل والجسم والويه والايدين وقلت ما بكتب لكم شي قبل ما اجرب وتبين النتيجه وبعد شهر من الاستعمال صرت انسانه ثانيه والله شاهد اني ما اجذب عليكم بشي والخلطات اللي انا استخدمتها تراها من هالمنتدى بس انا زدت عليها شوي من عندي وابدعت

ويهي صاير ابيض وصافي انا نفسي مب مصدقه وشعري اللي منتف اللي مستحيل يطول صار اطول من الكاريه بشوي وتحول من شعر كشه لشعر مموج وناعم جني سايره صالون مسويه شعري رولات ولو تشوفون اللمعان والحيويه بتقولون انا اللي لازم اسوي دعايه بانتين لوووووووووول...

غير اني مشيت على رجيم وسويت رياضه يوميا وجسمي مشدود الحين وبان الخصر وغير بطني اللي لصق في ظهري والبقع اللي فجسمي والسواد كله راااااااااح خلاص بلا رجعه ان شاء الله

ربيعاتي انصدموا مني يوم شافوني واهلي كلهم تخبلوا...
ولا بعد من اعتدل حالي يووني 3 عرسااااااان ههههههههههههه

ادري اني وايد طولت عليكم بس شو اسوي من الوناسه مب مصدقه

نبدا بالبرنامج (( ترا هالبرنامج وايد زين حق العرياس بدال ما تعق بيزاتها على صوالين هالبرنامج يغنيها عنهم ))

نبدا بالويه:
كنت في النهار افور لي حبه بطاطا واهرسها مع موزة واخليها نص ساعه في ويهي (( للعلم من تغسلين ويهج تشوفين البياض يعني من اول استخدام ))
الموز ينعم البشره والبطاط يفتحها
وكنت قبل لا انام اييب 3 مراهم اللي هم رتن ايه ودريموفيد والدكوين تلقينهم في الصيدليه احط شوي من كل دوا واخلطهم واحطهم على ويهي وانام
ولا تنسين تستخدمين واقي للشمس يكون 100% اذا بتطلعين
ويفضل انج ما تتعرضين وايد للشمس

بقع الجسم والسواد
الله يسلمكم ويسلم غاليكم ومغليكم ... انا بخبركم شو سويت... سويت لي صنفره وصابون وكريم ليلي ... لا تقولون لي وايد وتعب انتي اذا بتتعبين يمكن تتعبين وانتي تسوين هالخلطات في البدايه بس في حزة الاستعمال عادي لا تعب ولاشياته لانه الكريم بتحطينه قبل لا تنامين وانتي يوم بتتسبحين بتسوين صنفره وبتتفركين بالصابون وكان الله غفور رحيما ولا تنسون انه هذا كله عشان نتيجه مضمونه 100% سوري تراني رديت اهذرب

خلطه الصنفره:
صنفره للجسم
المكونات:
علبه هردة (طحينيه) علبة كامله
ملح الليمون
زجاجه زيت جنين القمح كامله او زيت لوز حلو
3 ملاعق حليب بودرة
3ملاعق بودرة عصير تانج برتقال
3 ملاعق قهوه تركيه
3شوفان
3 ملاعق خميره
ملعقتين نشا
ملعقتين سكر خشن
ملعقتين حنا
ملعقتين مسمار مطحون
ملعقتين كركم
ملعقتين فكس
ملعقتين بوده اطفال
ملعقتين زيت خروع
ملعقتين سفيد اب

الطريقه:
نحضر العلبه الزجاجيه المحكمة الغلق للحفاظ على وصفتنا من الرطوبه
نفرغ كل علبة الطحينه او الهردة فى العلبه الزجاجيه
ناخذ ملح الليمون ونفرغه على الهردة مع التقليب حتى يتجانس
نخلط الجميع جيدا بملعقة بلاستيكيه غير مبلله
نضيف ملعقتين اكل نشا على المكونات
ونخلط مرة أخرى للتاكد من تجانس المكونات كلها
نضيف للمكونات 3ملاعق اكل تانج تم القهوه تم الشوفان المطحون والخميره والنشا والسمر والحنا والمسمار والكركم وبودره الاطفال والسفيد اب
نحضر زيت اللوز الحلو لاضافته على المكونات
نضيف الزيت كله مع التقليب ونتأكد من تجانس الكل بدون ظهور اى من المكونات بشكل واضح
أخيرا ناخذ زيت الخروع ونضيفه فى الآخر مع الفكس.


التعليمات:
يجب استحدام الوصفه و وجسمكم ناشف لا تستحمون قبل الوصفه بالمرة
لازم تاخذون كميه من الوصفه فى اناء حتى لا تبللوا الكميه كلها وتخرب,
توزعونه على كل الجسم والافخاذ مع تقشيره بحركات دائريه ولا تنسون المنطقه الحساسه والكتفين ومناطق الستيان والخلفيه والظهر والركب والكيعان والاقدام والثدى والابط وهذا الاهم.
قشروا الجسم بلا تجريح لبشرتكم بياخذ منكم يمكن
ربع ساعه لكل الجسم وبعدها اتركوا الوصفه على اجسامكم 5 دقايق بما انج بتستخدمينها يوميا
وبعد انتهاء الوقت شغلوا الماء الساخن واغسلوا كل الجسم باللوفه الناعمه والصابون
بعد ما تروح الخلطه من الجسم وهذا الحمام يكرر يوميا.

خلطه الصابون:
المقادير:
صابونه كركم
صابونه غار
الصابونه السحريه
صابونه زيت الزيتون
صابونه البابايا
صابونه RDL
ماء ورد علبه كامله
ربع ملعقه كركم
ربع ملعقه حنا للجسم
3 ملاعق شبه مطحونه
ملعقه ملح خشن
4 ملاعق سفيد اب مطحون
ملعقتين نشا

طريقه الاستخدام:
نبشر الصابون كله
نضع ماء ورد و كركم و الحنا والشبه المطحونه والملح الخشن و السفيد اب المطحون و النشا على نار ونقلبه الى ان يمتزج الخليط
عندما يمتزج الخليط و يسخن نضع عليه الصابون ونمزجه وعندما يتجانس نضعه في علبه زجاجيه
يستخدم اثناء الاستحمام بعد الصنفره ويوضع على الجسم لمده 5 دقائق ثم يغسل

بعد الاستحمام حطي زيت بيبي جونسن على كل جسمج على منطقه الباط تراه يغني عن الديودرنت انا من سويت جيه الحمدالله لا اعرق ولا اصنن خخخخخ واحط عطر الجسم بريحه الكمثرا ينباع في الجمعيات.

والحين خلطه كريم الجسم الليلي
المقادير:
كريم حيلوسيد
ماي ورد
زيت لوز
زيت خروع
نص ليمونه
زين زيتون
فير اند لوفلي
رتن ايه
دريموفيد
الديكوين
اكسترا ديرم 4

طريقه الاستخدام:
اخلطي المقادير الى ان يتكون لك مرهم ثقيل افركي جسمك به قبل النوم واحفظيه في الثلاجه ولاتنسين تحطينه في برطمان زجاج

والشعر
الغاليات انا كنت ادهن شعري يوميا وانام بالدهان وبصراحه من اول 6 ايام انا شعري المنتف اعتدل وبيدا ينبت لي الشعر وللامانه اني ماخذه هالخلطه من هالموقع واللي كتبت الموضوع قالت انها جربتها على عايلتها وانا ما اعرفها هالبنت ولا اني اسوي لها دعايه و بصراحه البنت ما جذبت وانا اشكرها لان هالخلطه الوحيده اللي عدلت لي شعري

وفي بنت ثانيه كتبت عن خلطه تسوونها كل 6 شهور وانا سويتها بعد وايد زينه نفعتني اشكرها من كل قلبي

خلطه الزيت هاي انا زدت فيها شوي
خلطه الزيوت:
المقادير:
كاس نواة التمر + كاس عين الجمل( الجوز)
استكانه ( فنجان الشاي ) حلبة + استكانه ( فنجان الشاي ) مسمار
بصلة مقطعة قطع كبيرة
حبتين ثوم مقطع قطع كبيرة
بصلة مفرومة فرم ناعم نعصر مائها باليد
حبه ثوم مفروم نعصر مائه باليد
كمية كافية من الجرجير(نعصره) مقدار كأس واحد
كمية كافية من البقدونس(نعصره) مقدار كأس واحد
كمية كافية من النعناع(نعصره) مقدار كأس واحد
كمية كافية من الصبار الطازج (نعصره) مقدار كأس واحد
علبة كاملة زيت زيتون اللي فيه خل التفاح اللي ينحط في السلطه ينباع في الجمعيه
علبة كاملة كبيرة زيت جوزالهند الاخضر القديم اللي ينفتح بفتاحه العلب
علبة كاملة كبيرة زيت دابر املا الاصلي (الاخضر)
علبة كاملة زيت الأس(من العطار)
علبة كاملة زيت ترشب(من العطار)
فنجان دهن الورد(من العطار)
فلفل حار 3 حبات كبار او 5 حبات صغار

طريقة عمل الوصفة :
ناخذ (نواة التمر+ عين الجمل) ويحرق على النار ثم يطحن جيدا ثم يعجن بدهن الورد
الى ان يصبح مثل المرهم
نطحن الحلبة والمسمار
نخلط كل الزيوت (في علبة كبيرة)
نضيف ماء البصل والثوم وماء الجرجير والصبار والبقدونس والنعناع (المعصور)
نضيف على الزيوت ( في نفس العلبة الكبيرة الي خلطنا فيها الزيوت) نضيف(نواة التمر+عين الجمل)المطحون+الحلبة المطحونة
نضيف على الزيوت قطع البصل والثوم والفلفل الحار في نفس العلبة
نرج العلبة حتى تختلط الزيوت المكونات مع بعض.
تترك ليلة كاملة قبل الاستخدام حتى يأخذ البصل والثوم و الفلفل مفعوله على الزيوت

طريقة الاستخدام هي :
تدلك فروة الرأس جييييييدا مع الاطراف
يغطى الشعر بالغلاف البلاستيك الخاص بالأطعمة
يترك على الشعر مدة تترواح بين ( ساعتين الى ثمان ساعات ) انا كنت انام بالزيت
يستخدم يوميا
بعد غسل الشعر يستحسن وضع زيت الحيه على الاطراف ومع الاستخدام بتستغنين عنه لانج بتشوفين كيف اعتدل شعرج
الزيت فيه ريحه بس من تغسلين شعرج ريحته تروح موليه يعني لا تحاتين الريحه ابد ما تعلق في الشعر

الخلطه اللي تستخدم كل 6 شهور:
ربطة لكل من:
جرجير
حبق(الريحان)
بقدونس
نعناع
حبة موزة
حبه كيوي
ملعقتين كبيرة عسل
ملعقة كبيرة خل التفاح
نص كاس موية
راس ثوم كامل
ملعقة كبيرة سبرتو المطهر تلقونه في الصيدليه

تخلط في الخلاط وتصفى وتستخدمي مويتها وتحطيها على شعرك وخصوصا فروة شعرك وتغطيه ببلاستيك وتتركيه نص ساعة وتغسليه زين بالشامبو

خلطه الاظافر:
ادهنيه اظافرك بزيت الخروع ثم افركيهم بالثوم قبل النوم

خلطه للاقدام:
المقادير:
علبه جيلوسيد كبيره
عصير 3 ليمونات
4 ملاعق بودره بيبي جونسن

طريقه الاستخدام:
عقب ما تعجين ريلج بالحصا او مبرد الريل (( انا استخدم مبشره الريل - شكلها مثل مبشره الخضره اللي نستخدمها حق السلطه تنباع في الصيدليات))
نخلط المقادير جيدا ونضعهم في الثلاجه
عند الاستخدام نظع الخليط على كامل القدم من دون اي استثناءات
ثم تثف القدم بالبلاستيك والفوطه الساخنه

الحلاوة لازاله الشعر نهائيا:
المقادير:
الحلاوة
كوب ماء
كوب سكر
فسوخ يقدر حبه البندق
ربع ملعقه مستكه مطحونه جيدا
3 ملاعق شبه مطحونه
نصف ليمونه

الكريم لازاله الشعر نهائيا
خميره فوريه
ماء ورد
طريقه الاستخدام:
نغلي المستكه المطحونه اولا الى ان تذوب في الماء المغلي
ثم نغلي الماء مع باقي المقادير ونصنع منها حلاوة لازاله شعر الجسم
بعد ما نزيل شعر الجسم بهذه الحلاوة نخلط ماء الورد مع الخميره الفوريه لتكون لنا عجينه متوسطه الغلظ
ثم ندهن بها الجسم يوميا (( للامانه انا استخدمتها مره وحده وبعدها نبت لي شعر خفيف بعد ما شليت بهالحلاوة اللي سويتها وحطيت الخميره وماي الورد))

اتمنى اني افيدكم مثل ما فدتوني وارد اقول هالخلطات منقوله من عندكم في هالمنتدى الغالي وارد اشكر البنات اللي كتبوا لنا عن هالخلطات لانه صدق غيرت لي حياتي وانا فعلا صرت انسانه ثانيه ونفسيتي ما تتصورون شكثر تغيرت ومن كل قلبي ادعي لكم كل ما استخدم خلطاتكم

تحياتي وعقبالكم يا بنات (( عقبال ما تصيرن حلوات شراتي هههههه ))

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مشكوووووره الغاليه ....يزاج الله خير....ان شاءالله الكل يستفيد...

__________________________________________________ __________

>>>> الرد الثاني :
مبرووووووووك اختي على الجمال والحلاوه صراحه خلطات الويهه سهله بس ما الجسم صعبه وما اروووووم اسويها بس بحاول ان شاءلله
وشكرا على ها التجارب الحلوه

__________________________________________________ __________

>>>> الرد الثالث :

المشاركة الأصلية كتبت بواسطة ام حمود...
مشكوووووره الغاليه ....يزاج الله خير....ان شاءالله الكل يستفيد...



مرحبا بج الغاليه ومشكوره على الرد الحلو

__________________________________________________ __________

>>>> الرد الرابع :

المشاركة الأصلية كتبت بواسطة قطعة ثلج
مبرووووووووك اختي على الجمال والحلاوه صراحه خلطات الويهه سهله بس ما الجسم صعبه وما اروووووم اسويها بس بحاول ان شاءلله
وشكرا على ها التجارب الحلوه



هلا قطعه ثلج


خل عنج العيازه ... انتي من تشوفين البياض والحلاه خلاص بتدمنين على هالخلطات وما بتستغنين عنهن

__________________________________________________ __________

>>>> الرد الخامس :
تسلمين الغاليه على هالوصفات العجيبه

وان شاء الله بنجرب شي منهن