عنوان الموضوع : ظروري هنا الحل
مقدم من طرف منتديات الضمير العربي

بنات ممكن تخبروني عن كريمات تبيض او خلطات ابي استخدمهم لان عريس بعد شهر بليز ساعدوني ......................

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اول شي استخدمي

صابونة البابايا الشفافة

ميزتها التبيض فيها البابايا مركز بتركيز عالي اتبيض وتعدل من بشرتج واتشل الدهون اللي تسويلج حبوب وتخرب منظر بشرتج وتنفع للجسم كامل للتبيض رررهيبه ررررررررررررررهيبة

ب 35 درهم


ثاني شي سويلج جدول فالاسبوع سوي حمام مغربي مره .. وبعد الحمام حطي خلطه (سدر+حليب نيدو البودره+ماي ورد ) اخلطيهم وحطيهم على جسمج 15 دقيقه او حطي كريم العروسه بعدين اغسلي جسمج .


خلطات تبييض الجسم:::::

1)الجلسرين+ اليمون+ شويت فكس+ ماء ورد .........اخلطيها مع بعض وادهني جسمك كله...لتبييض الجسم كله و الاماكن الحساسه

2)علبة جليسوليد متوسطة+نصف ليمونه+3 ملاعق كبيرة من بودرة الأطفال جونسون +3 ملاعق زيت الأطفال جونسون.......تخلط هذه المقادير ويحتفظ بها في علبة تستخدم ليلا بإستمرار فالنتائج مضمونة.......للجسم كله


وان شالله اكون افدتج

__________________________________________________ __________

>>>> الرد الثاني :
كريم اغادير مع الصابون روعة

__________________________________________________ __________

>>>> الرد الثالث :
استخدمي اسبوعيا الصابون المغربي والليفه وكريم العروسه بعد خلطه بالاعشاب لتفتيح لون جسمك وتنقيته وتوحيد لونه وبعدين استخدمي كريمات الترطيب.....اي مساعده لاتترددين ..كل المستلزمات النسائيه الخاصه متوفره عندي

__________________________________________________ __________

>>>> الرد الرابع :

__________________________________________________ __________

>>>> الرد الخامس :
اختي العزيزة

اللي أعرفه إن العروس أهم شي لجمالها ليلة الزفة مب البياض وإنما النضارة هي اللي تخليج متألقة وحلوة وفي قمة الروعة .. واسئلي مجرب.

المفروض كنتي بديتي قبل ست شهور بكورسات العناية ببشرتج في البيت.

عموماً .. راح أعطيج نصايح مختصرة خاصة بالعروس أتمنى إنها تفيدج.

اشربي أقل شي لترين ماي يومياً.. شرب الماي يعمل على تصفية البشرة وبالتالي راح يبرز المكياج بشكل رائع.

إذا تشربين جاهي وقهوة وغازيات مثل البيبسي والكولا وقفيها فوراً.. واستبدليها بكوب من الماء المخلوط معاه عسل طبيعي على الريق وقبل لا ترقدين.

كثري من أكل الفواكه وبالذات التفاح والبرتقال والكيوي.

استخدمي ماسك الفراولة ع ويهج وهو رائع للعرايس .. تهرسين فراولة وتضيفين لها ملعقة صغيرة عسل وبياض بيضة وقطرات من عصير الليمون وتضربينهم في الخلاط وتستخدمينه على الويه والرقبة.

تجنبي السهر .. والعبي رياضة أول ما تقومين من النوم عسب يتم جسمج مشدود ومتناسق.

تجنبي أشعة الشمس وحاولي ما تطلعين من البيت خلال هالشهر واذا مضطرة فعليج بالواقي.

لا تغامرين باستخدام أي خلطات أو كريمات جاهزة وغير طبيعية لنه مفعولها مؤقت ويمكن تتضرر بشرتج عقبها.. وبعدين أي خلطة هاي اللي تبيض البشرة في شهر إلا إذا كانت صناعية ولها أضرار.


ألف مبروك مقدماً.