عنوان الموضوع : أبى حل للخطوط اللي تصير تحت العيون لعلاج السمنة و النحافة
مقدم من طرف منتديات الضمير العربي

السلام عليكم ورحمة الله وبركاته
صبحكم الله بالخير وجعله الله يوم خير عليكم

شخباركم

بغيت طلب صغيروني منكم انا من بديت اداوم استوى لي تحت عيوني خطوط مب تجاعيد لان بعدني صغيرونه ماكملت 24 ما استخدم الكمبيوتر وايد يعني ساعه بس او اقل
بغيت علاج طبيعي مب كريمات
وهل الكونسلر له دخل ولا ؟؟؟

ومشكورين

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا شراتج ان شاء الله انحصل حل بس انا من النوع الي يسهر ونا قالولي ماشي كريم يشل هاي الخطوط لازم شد اليلد لنه هاي المنطقه بدت اترهل عشان جي اتسبب الخطوط

__________________________________________________ __________

>>>> الرد الثاني :
حبوبة داومي على مسح المنطقة بثلج وحطي عليها شرائح الخيار

__________________________________________________ __________

>>>> الرد الثالث :
في البدايه حاولي تخلين بشرتج بشكل عام وعيونج بشكل خاص تتنفس.. تنظيف بمستحضرات خفيفه وعقب خففي استخدام المكياج والكونسيلر لانه وضعه ومسحه عالعين يجهد البشره هناك... استخدمي منظف ومزيل مكياج للعين ماركة نيتروجينا روووعه وحلو وخفيف عالبشره حول العين

حطي خيار في الثلاجه وعقب ما يبرد اضربيه في الخلاط او اعصريه وسويه كمادات على عيونج.. ولما تستخدمين الكمبيوتر ريحي عيونج كل ٢٠ دقيقه.. سكريهم.. سوي مساج عالحواجب والجفون بضربات خفيفه برؤوس الاصابع

طالما انتي في بداية شغلج فعيونج ما تعودت على كمية الاجهاد هذا .. ولا على كمية الاشعاعات اللي تطلع من الكمبيوتر او حتى من اضواء النيون في المكاتب.. مع مرور الوقت بتتعودين..

حطي كريم مرطب الصبح والليل.. الصبح في كريم مرطب اخذته من الصيدليه ما عندي اسمه الحين بس خبريهم وبيعطونج كريم حلو (اظن ماركة فرنسيه ويمكن اسمه افيني)

وكريم الليل انا اخذته من لوكسيتان في دبي.. حلو ما شاء الله

__________________________________________________ __________

>>>> الرد الرابع :
مشكورين على الردود وماتقصرون وانشااء الله بجرب الثلج والخيار whitecode,Anwaar

__________________________________________________ __________

>>>> الرد الخامس :
عليج بقطع الخيار والبطاطس