عنوان الموضوع : هلب مي استخدمت كريم ع بشرتي منتهي !!! هنا الحل
مقدم من طرف منتديات الضمير العربي

السلام عليكم
شحالكن خواتي عساكن بخير ؟؟

بتضحكن ع سالفتي وبتتأسفن الصراحة
بما أن اليوم اول يوم لدوام التقنية وجيه قلت امس خل اصنفر ويهي وانظفه
حطيتله ماسكات وجيه قبل لا ارقد حطيت كريم تفتيح البشرة
رقدت وحسيته يحرقني بس ماهتميت قلت يمكن لان مساماتي مفتوحة من الماسكات وغير الحمام المغربي اللي سويته لعمري
طشنت السالفة قمت الصبح تروعت اول ماشفت عمري فالمراية عيوني منفخة وويهي احممممر مافيه اي حبوب بس صار تهيج فدم الويه بس عيوني بغيت اصيح ماطعت اداوم بس غصب عني شو اسوي
الحين اختفى تماماً النفخ الحمدالله بس ويهي للحين يحرقني ماروم اصحكه الا وحرقني
اخاف يصير تهيج مرة ثانية والله خايفة مانتبهت ان منتهي الا الصبح

فيدووووني خواتي !!
ولا تقولولي سيري عيادة جلدية نحن فمنطقة بعيدة عن هالعيادات الكبيرة ماقدر اروح فنص الاسبوع ؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
امسحي ماي زمزم في ويهج

__________________________________________________ __________

>>>> الرد الثاني :
الغلا لا تحاتين انشالله مافيج شي.. مرري قطعة ثلج ع ويهج وحطي ماسك الروب وبيروح الحمار واذا ماراح سيري اقرب صيدلية وقوليلهم ابا كريم يشل التهيج والحمار الي ف الويه.. وسلامتج..

__________________________________________________ __________

>>>> الرد الثالث :

المشاركة الأصلية كتبت بواسطة دلع بسنع
الغلا لا تحاتين انشالله مافيج شي.. مرري قطعة ثلج ع ويهج وحطي ماسك الروب وبيروح الحمار واذا ماراح سيري اقرب صيدلية وقوليلهم ابا كريم يشل التهيج والحمار الي ف الويه.. وسلامتج..




استخدمي الثلج ..والروب ..مثل ما قالت الاخت

بينفعج وايد ..وإذا ما نفعج ما بيضرج ..

__________________________________________________ __________

>>>> الرد الرابع :
ياااالله الله يعينج كل ها علشان الكلية...


على العموم حطي كمادات روب وماي ورد بيبرد الحرقان

__________________________________________________ __________

>>>> الرد الخامس :