بنات المنتدى الحلوييين شحالكم اليوم يايبتلكم شي وايد حلو
اليوم حبيت أحط لكم أفضل المنتجات في صيديلة بووتس .. boots .. و طبعا إهي مو صيدلية مثل باجي الصيدليات .. ..
و طبعا تلاقون بوتس في الوحدة مول .. جمعية أبوظبي التعاونية اللي في المرور.. واعتقد بشارع الدفاع حذال كوستا كافيه..
و نبدي الحين :
1) ماسك الشعر بوتانيكس : botanics لتغذية الشعر بالرز و البروتين .. تحطونه مرة وحده بالشهر للشعر التالف و التعبان من الصبغ و الاستشوار .. مفعوله عجييييييييييب .. و معاه يبيعون الشامبو بالعسل .. و يبيعونهم بجيس مغلف يعني استخدام واحد بالشهر و مرة وحدة .
2) وايبز مزيل أظافر .. ماركة بوتس .. عملي و حلو و صغير و ينحط بالجنطة لمدمني صبغ الأظافر .. و ريحتة خطيييييييييرة و معاه زيت مرطب للأظافر لحمايتها من التقشر و التكسر ..
3) للحبوب المفاجئة اللي تطلع بالويه خصوصا قبل الدورة يبيعون مثل الجلوس gloss لكن على طريقة المطهر و المعقم witchhazel .. تحطينه على الحبة اللي طالعتلج و بالنهار و بالليل لمدة جم يوم بس و تختفي الحبة من دون لا تترك أثر و لا بقع .. و المنتج ماركة بوتس ..
4) يبيعون منتجات توني أند جاي للشعر .. tony and guy.. و هالماركة وايد مشهورة في لندن و أغلب الصالونات عندهم يستخدمونها .. كل منتجاتهم حلوة .. بس أنا شخصيا استخدم السبراي بالبروتين لحماية الشعر قبل الاستشوار .. و يبيعون بعد الواكس مال الشعر المتطاير عقب الاستشوار و التسريحات .. حلو و خفيف ..
5) أفضل كريم حماية للأطفال بما إن إحنا على ويه صيف إهو كريم سلطان sultan .. عجييييييييييب .. و كنا نوصي إختي يوم كانت تدرس ببريطانيا إنها تييبه معاها قبل لا يفتحون بوتس بالكويت .. حماية قوية و ألوان و نكهات مختلفة حق الاطفال .. و في على شكل سبراي و ستيك و كريم .. أكثر من نوع و أكثر من شكل و ممتاز ..
6) ما أستغني عن عاقصة الرموش eyelash curler .. أحطه بجنطة إيدي على طول .. بالسيارة .. بالبيت .. بالزوارة .. رموشي على طول طويلة و كيرلي و حلوة و مرتبة .. و حق اللي يبي شي سريع في عاقصة الرموش بس الحرارية ماركة نمبر 7 .. no7.. هم حلوة .. حق الناس العمليين ..
7) حق السفر .. بوتس بالخدمة .. كل شي صغير و لابج تلقونه عندهم .. و انا على طول من أسمع طاري سفرة على طول تلقوني أحوس في بوتس ألقط شامبواتي .. طبعا احلى شي شارلز وورثينجتون charles worthington .. الشامبو .. الكونديشنر .. السيروم .. السبراي .. كل شي .. و على حسب نوع الشعر .. و لا تطوفكم بخاخات الشعر عقب الشاور .. عجيبة ..
8) تحصلون عندهم أفضل الفيتامينات .. و أحسن ماركة و اللي ماخذة نمبر ون في بريطانيا إهي ماركة فيتابيوتيكس vitabiotics .. و أفضل شي للمرأة هو زهرة الربيع المسائية ..evening primerose oil
9) بناااااااااااااات .. أشوه إني ما نسيت .. كريم التشقير الخطير .. لا تقولين جولين .. مال بوتس عجيب و ما يهيج البشرة و يستخدم للبشرة الحساسة .. و سريع مفعوله .. و الله حتى رفيجتي كانت كله على جولين .. يوم جربت كريم التشقير مال بوتس ما قامت تشتري غيره .. فأنصحكم فيه ..
10) بيو أويل bio oil .. وايد حلو و عجيب مفعوله .. يستخدم هذا الزيت للبطن خصوصا بعد الحمل و تشققات ما بعد الولادة .. يخفي التشققات بنسبة كبيرة .. و حائز على جوائز كأفضل منتج .. و يتكون من زيوت طبيعية .
للأمانة حبايبي منقووووول
رد مع اقتباس
