عنوان الموضوع : تجربتب مع كريم كويتيات حل المشكلة
مقدم من طرف منتديات الضمير العربي

مرحبا يابنات
من زمان وانا اقرا عن كريم كويتيات انه سحري يخلي الوجه ينور ويبيض ويقضي ع البقع وحتى راسلت التاجره اللي اتبيعه بالكويت اسالها عنه وعن الشحن .....المهم

انا ما ابغي ابيض ولا اغير لوني لكن عندي مشكلة الكلف والبقع بويهي مخبلتبي
قلت اجربه وفعلا اشتريته وجربته لمدة عشرة ايام واليكم النتيجه

خرطي

عشرة ايام وانا استخدمه ولا خفت البقع ولاشي ولا حتى زاغت وقالت امييييييييييييييي
مع ان في بنات كانوا كاتبين ان مفعوله يبان من اول اسبوع
ريحته مقبوله (تشبه ريحة كريم كان ينباع عندنا من زمان لونه اخضر ومرسوم عليه طير وعلبته صغيره ومدوره+نفس ريحة علب الكريم الصغيره اللي مصنعه في الصين او تايلند ومرسوع عليها حرمه وتنباع بالجمعيات)


طبعا انا ما ابغي الوم التاجره اللي وفرته لنا هي مالها خص ابدا نحن طلبنا وهي يابت لنا اياه وقالت لي انها ماجربته بنفسها ....يعني انا مب كاتبه الموضوع اتهمها او احرض البنات ضدها لا والله وربي العالم هي ما لها اي خص بالعكس والله كلها ذوق وامانه تنبه ع البنات انها ماجربته واللي حامل اتقول لها عشان ما تستخدمه خصوصا انه يحتوي على نسبه من الكورتيزون
يعني مب تقولون ام عفرا قالت وام عفرا طرت ...لا ..استريحوا

والحين دوركم يابنات ....منو جرب هالكريم ياب ويا نتيجه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا الغاليــة
انا طلبت كمية وبتوصلني بعد 10 أيام يعني اكنسل الطلبية؟؟؟؟
غريبة والله مع انه وايد مدحوه ... لازم نشوف الكويتيات ونسألهن مع انه ربيعتي كويتية ومدحته حقي
إن شاءالله البنات بفيدونا ومشكورة حياتي على الموضوع

__________________________________________________ __________

>>>> الرد الثاني :
ما ادري الغاليه يمكن هو ينفع للتبييض عشان جي ما فتح بقع الكلف وانا مب محتاجه تبييض
ويمكن لاني انا اصلا وايد اهتم ببشرتي وكريمات وتقشير وماسكات يعني انا اصلا مب محتاجتله الا عشان البقع عشان جي ما حسيت بمفعوله ابدا
مب معقوله تكنسلين عشان تجربتب انا بس ويا الكريم كانت فاشله (مع اني التزمت حرفيا بالطريقه)
اصبري وشوفي باقي البنات وعقب قرري

__________________________________________________ __________

>>>> الرد الثالث :
والله يالغلا انا قريت عنه ف كل المنتديات وقلت مابدفع شحن وخرابيط من الكويت واخر شي ما ينفعني لا اكيد بيوصل المنتدى وفعلا وصل المنتدى وشريته من تاجرة نسيت اسمها المهم.. صارلي اسبوعين الحين استخدمه لبااطي لانه فيهن بقع والنتيجة مثل ما قلتي خرطي خخخخ مادري هالضجة كلها على شو.. وع فكرة اول ما شميت ريحته عرفت هو اي كريم.. كريم ينباع بالجمعية مدور لون الغطا ذهبي والغرشة على بيج بس نسيت اسمه متأكدة مليييييون بالمية لانه اختي كانت تستخدمه حق ويها والله نفس الريحة بس هي خالطة معاه شي ثاني بس الريحة طاغية خخخخ المهم الكريم بالجمعيات يمكن جيمته 10 دراهم وانا شريته كويتيات من عندها ب 120 تقريبا بدون التوصيل ..
الله كريم..

__________________________________________________ __________

>>>> الرد الرابع :
وانا الغالية بيضا والحمدالله بشرتي ما تحتاي اي شي غير كريمات التنظيف بس تعرفين الطمع ابي اكون بيضا اكثر خخخخخخ وفترات وخاصة هالايام مسوية برونز ولاني اصبغ شعري الوان فاتحة فقلت ليش ما استخدم هالكريم وعلى قولة اختي ((دلع بسنع)) هالكريم مسوي ضجة فقلت بجربه!!
يالله بنشوف البنات شو يقولون

__________________________________________________ __________

>>>> الرد الخامس :
غرييه انا كملت اسبوع الحيين واااااااااااااايد واايد فتحت بشرتي وخفت البقعع حتى خواتي يقولون شو مسويه وشو حاطه يمكن تختلف النتيجه من بشره لبشره