عنوان الموضوع : سرتـ صالون سوالي حمام مغربي عجيــــب هنا الحل
مقدم من طرف منتديات الضمير العربي

بسم الله الرحمن الرحيم

هلا و مرحبـــــا خواتي

قبل شهر سرتــ صالون يديد .. و خذتــ لفه فيه ..

و الحرمه مغربيه و قالتـ لي تعالي براويج المكان اللي نسوي فيه الحمام المغربي ..

فعلا مكان نظيـــفــ و يديد .. و شغل العاملاتــ فيه زين ...

و اختي سألت الحرمه عن الاسعار .. و قالتـ بسوي لج

الحمام ويا الخلطاتــ خمس مراتــ بالشهر بــ 1000 درهم بس ^^

اختي قالتـ لي خلاص يا غلا .. احجزي هنيــه

بس الحبيباتــ ما درن انه وصل لي مسج يقول ...



عن عاشة رضي الله عنها :
لعلكن من اللواتي يدخلن الحمامات
سمعت رسول الله صلى الله عليه وسلم يقول :
أيما امرأة وضعت ثيابها في غير بيت زوجها
فقد هتكت ستر ما بينها وبين الله

وثبت في صحيح مسلم من حديث أبي سعيد الخدري رضي الله عنه
أن رسول الله صلى الله عليه وسلم قال: ( لا ينظر الرجل إلى عورة الرجل ، ولا المرأة إلى عورة المرأة
،و لا يفضي الرجل إلى الرجل في ثوب واحد ، ولا تفضي المرأة إلى المرأة في الثوب الواحد).

خواتي صرنا نتساهل بالتعري و الرسول عليه الصلاة و السلام
قال "نهيتـ عن التعري "

الحرمه صارتـ تنسدح جدام الثانيه و تتعرى و تسوي لها حلاوه

و من غير المصيبه اللي صرتـ اقرءها هنيه بالمنتدى بكتابة البناتــ

معقوله وصل الحال انه البنيه تسوي ليزر في المنطقه الحساسه ..

استغفر الله العظيم ..

ليش ؟؟ شو عندج مبـ عند غيرج من الحريم ؟؟

الرياييل تقريبا بشبه يومي يحلقون اللحيه اللي هي

ظاهره للكل ..و لا قال بسوي لـ لحيتي ليزر ..( إلا السفهاء )

و نحن النبي اللي اوحى له الله وصانا بحلق العانه و هي منطقه مستوره

يا بناتــ اتقن الله في انفســكن .. الدنيا فانيــه ..

و استحــن يالساتــ تظاهرن بالمعصيه و تجاهرن

و تدعون غيركن وتجرنهن للمعصيه و كل وحده تقول انا سويت

ليزر فـ هالمكان و هالمكان .. و كأنه شي بسيط ..

خواتي ..

الي تبي النظافه كل شي موجود ..

حماماتـ السونا المتنقله موجوده بالسوق

و الصابون و الليفه المغربيه بالسوق

يلسي سويه بروحج و خلن الدلع و الكسل ..

باجر ربي بيحاســبج ع الاعمال اللي سويتيها

لو هي معصيه و اثم .. يمكن شي يكفر عنها

بس اذا وصل الحال إلى انج صرتي من الملعوناتـــ

وين بتشوفين الجنه ..

هذي نصيحه و ياليت الوحده تفكر اللحين انها بتموت و بتصير جثه

هامده فـ القبر قبل ماتصير عروس او نجمة الحفل باجر

و ادعو الله لي و اياكــن بالهدايه و المغفره

و يرحمنا و يعصمنا من فتــن الدنيا و الاخره ..

إذا الموضوع استفدتي منه انقليه لغيرج تاخذين أجره

و اذا الموضوع ثقيل عليج و مايهمج ..

راح يخفف عليج الشيطان بهمساته اللي تستلطفينها ..

اتمنى منكن خواتي دعوه طيبه

بظهر الغيبــ ..

اختـكن : غـــلا ملحــود

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يوفقج ويحقق اللي في بالج
انا دوم يوم اجوف وحده تسأل عن حمام المغربي اقول سوي حق عمرج في بيتج بس يطنشون يبون برع
ما ادري عيازة ولا انه لااااااااااااازم برع مال البيت يعتبرونه موب شي
الله يهديهم
انا حق عرسي سويت حق عمري والحمدالله كنت اوكي
الادوات متوفره
واذا الوحده خافت ربها وبعدت عن شي فيه معصيه الله بيعوضج بشي احسن

__________________________________________________ __________

>>>> الرد الثاني :
أختي النهي شيء واللعن شيء ثاني لا تخلطين الامور

الاحاديث اللي يبتيها فيها نهي موب لعن


موب من حقج تقولين الريال اللي يسوي ليزر سفيه .. اخواني يسوون للحاهم ليزر وما احب حد يغلط على اخواني

وبالنسبة للبنات اغلب العيادات الحين تعطيج الجهاز وتسوين لعمر وما اظن فيها شيء .. هذا جمال وسنع موب سفاهة .. مقاييس الجمال تغيرت .. وقبل الف سنة ما كان فيه فيديو كليبات يتميعن فيهن البنات ولا اعلانات في الشوارع ولا متبرجات يحوووطن ف المولات ..

الرياييل ذيج الايام ما يعرف من الحريم غير امه واخته وحرمته


اليوم الوضع تغير .. الرياييل يفهمون بكشخة الحريم اكثر عن الحرمة نفسها


يوم يخطب يباها قطوة مغمضة .. بس من يزف تلقينه ينقد عليها كل شيء .. ريحته .. لونها اللي موب متناسق .. شعر جسمها الناقز .. حتى لو فيها شامة ما تعجبه


رياييل قبل غير الحينه يا اختي .. والحريم قبل غير الحينه ..


الحين تشوفين ممثلة اتمين تبحلقين فيها .. الا كوعها أسود .. ويهها مبق .. اساسها معتفس ..


أختي قال حد من الصالحين واعتقد انه علي بن ابي طالب كرم الله وجهه: ( اعمل لدنياك كأنك تعيش أبدا، واعمل لأخرتك كأنك تموت غدا ) ..

موب صعب الانسان يعادل بين الدنيا والدين .. الدين نظام حياة نعيشه ونتعامل معاه


الحرام واضح بدون لا حد ايي يسفه بالناس .. والحلال واضح ومباااح للجميع

__________________________________________________ __________

>>>> الرد الثالث :

المشاركة الأصلية كتبت بواسطة الامل القريب
الله يوفقج ويحقق اللي في بالج
انا دوم يوم اجوف وحده تسأل عن حمام المغربي اقول سوي حق عمرج في بيتج بس يطنشون يبون برع
ما ادري عيازة ولا انه لااااااااااااازم برع مال البيت يعتبرونه موب شي
الله يهديهم
انا حق عرسي سويت حق عمري والحمدالله كنت اوكي
الادوات متوفره
واذا الوحده خافت ربها وبعدت عن شي فيه معصيه الله بيعوضج بشي احسن



تسلمين يالغاليه ..

و الله اللي تسوي حق روجها اضمن و استر ...

و ماظن النظافه تكنلوجيا صعبه .. ^^

خواتي ::

إن الله ، إذا أحب عبدا ، دعا جبريل فقال : إني أحب فلانا فأحبه . قال فيحبه جبريل . ثم ينادي في السماء فيقول : إن الله يحب فلانا فأحبوه . فيحبه أهل السماء . قال ثم يوضع له القبول في الأرض . وإذا أبغض عبدا دعا جبريل فيقول : إني أبغض فلانا فأبغضه . قال فيبغضه جبريل . ثم ينادي في أهل السماء : إن الله يبغض فلانا فأبغضوه . قال فيبغضونه . ثم توضع له البغضاء في الأرض


تأملن زيـــــن بالحديث .. و تعلمــــن درس

خلو حب الله قبل كل شي ..

عشان يكتب لنا القبول في الارض

__________________________________________________ __________

>>>> الرد الرابع :
صدقتي ف كلامج

ممكن حتى تشترين جهاز السونا تركبين ف حمامج وايد ررووووعه

__________________________________________________ __________

>>>> الرد الخامس :

المشاركة الأصلية كتبت بواسطة كيم كارداشيان
أختي النهي شيء واللعن شيء ثاني لا تخلطين الامور
المشاركة الأصلية كتبت بواسطة كيم كارداشيان

الاحاديث اللي يبتيها فيها نهي موب لعن


موب من حقج تقولين الريال اللي يسوي ليزر سفيه .. اخواني يسوون للحاهم ليزر وما احب حد يغلط على اخواني

وبالنسبة للبنات اغلب العيادات الحين تعطيج الجهاز وتسوين لعمر وما اظن فيها شيء .. هذا جمال وسنع موب سفاهة .. مقاييس الجمال تغيرت .. وقبل الف سنة ما كان فيه فيديو كليبات يتميعن فيهن البنات ولا اعلانات في الشوارع ولا متبرجات يحوووطن ف المولات ..

الرياييل ذيج الايام ما يعرف من الحريم غير امه واخته وحرمته


اليوم الوضع تغير .. الرياييل يفهمون بكشخة الحريم اكثر عن الحرمة نفسها


يوم يخطب يباها قطوة مغمضة .. بس من يزف تلقينه ينقد عليها كل شيء .. ريحته .. لونها اللي موب متناسق .. شعر جسمها الناقز .. حتى لو فيها شامة ما تعجبه


رياييل قبل غير الحينه يا اختي .. والحريم قبل غير الحينه ..


الحين تشوفين ممثلة اتمين تبحلقين فيها .. الا كوعها أسود .. ويهها مبق .. اساسها معتفس ..


أختي قال حد من الصالحين واعتقد انه علي بن ابي طالب كرم الله وجهه: ( اعمل لدنياك كأنك تعيش أبدا، واعمل لأخرتك كأنك تموت غدا ) ..

موب صعب الانسان يعادل بين الدنيا والدين .. الدين نظام حياة نعيشه ونتعامل معاه


الحرام واضح بدون لا حد ايي يسفه بالناس .. والحلال واضح ومباااح للجميع






اشكرج ع المشاركه يالغاليه ..

يالغاليه .. فعلا الرسول عليه الصلاة و السلام .. قال :

سيكون في آخر أمتي نساء كاسيات عاريات ، على رؤوسهن كأسنمة البخت ، العنوهن فإنهن ملعونات . زاد في حديث آخر : لا يدخلن الجنة ولا يجدن ريحها ، وإن ريحها لتوجد من مسيرة كذا وكذا .

اللعن للكاسيه العاريه .. فما بالج بالعاريه

و انتن ادرى بأن بعض الصوالين يصورون و لا تقولن نحن نسير

عند صالون ثقه ..

الرسول نبه و حـــذر و أمر و نحن علينا السمع و الطاعه ...

طاعة الله و رسوله قبل أي شي يا اختي ..

ما قلنا حرام الوحده تعتني بنفسها .. بالعكس ..

و انا ما قلت ان البنيه اللي تسوي ليزر حق روحها فـ بيتها

ملعونه ...

بس نحن ذكرنا هنيه مسألة التعري أما النسوه و اللي ممكن توصل للرجال ..

>>>>>> لأنه قد صارتــ فضايح و وصلتــ للملايــين ..


و اعتذر اذا غلطتــ على اخوانج ..

قال عليه الصلاة و السلام :
خالفوا المشركين : وفروا اللحى ، وأحفوا الشوارب . وكان ابن عمر : إذا حج أو اعتمر قبض على لحيته ، فما فضل أخذه .

الغاليه ::

نحن علينا السمع و الطاعه و انتي حره ..

قال عليه الصلاة و السلام : من أطاعني فقد أطاع الله ، ومن عصاني فقد عصى الله


و السموحه منج