عنوان الموضوع : التقشير بالكرستال .. للقضاء على السمنة
مقدم من طرف منتديات الضمير العربي
السلام عليكم والرحمه ..
مرحبا خواتي ..
بغيت استفسر عن " التقشير بالكرستال "
وشو فوايده ؟ وشو سلبياته ؟
تنصوحني به ولاا لاا ؟
له سلبيات حاليه ولاا مستقبليه ؟
وللعلم انا بسويه لأزالة اثار حب الشباب .. وبشرتي دهنيه
وناويه اسويه فـ " مركز لامود للتجميل - راس الخيمه "
حابه اعرف الاجابه من حد مجرب عندهم او سامع عنهم ..
ياربيت تفييدوني .. ولا تبخلون علي بأي معلومات ..
يزاكم الله خير ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تقشير الكريستال من اامن وسائل التقشير
يتم تقشير الطبقة الخارجية بمستوى وايد خفيف
اذا البقع داكنة يعني يبالها وايد جلسات
انا جربت عند سعاد لطفي بس 3 جلسات و حسيت بالفرق على طول
و الحلو فيه انه عادي تطلعين بالشمس بدون ماتسبب لج حروق
__________________________________________________ __________
>>>> الرد الثاني :
المشاركة الأصلية كتبت بواسطة عود معطر 2007
تقشير الكريستال من اامن وسائل التقشير
يتم تقشير الطبقة الخارجية بمستوى وايد خفيف
اذا البقع داكنة يعني يبالها وايد جلسات
انا جربت عند سعاد لطفي بس 3 جلسات و حسيت بالفرق على طول
و الحلو فيه انه عادي تطلعين بالشمس بدون ماتسبب لج حروق
تسلمين على الرد ، يزاج الله خير
واتمنى اجوف ردود زياده
__________________________________________________ __________
>>>> الرد الثالث :
أنا جربته فترة طويلة حبيت النتيجة أول فترة بس على طول بعدها طفح جلدي و طلعتلي حبوب يديده مع اني كنت آخذ رواكيوتين. فالدكتورة نصحتني اوقف و قالتلي التقشير مايناسب الجميع.
__________________________________________________ __________
>>>> الرد الرابع :
انا اسوي تقشير الكريستال والله اوكي احس يشل الطبقه الميته الي على الويه
__________________________________________________ __________
>>>> الرد الخامس :
انصحج تسوينه عند دكتور جلدي احسن لج
رد مع اقتباس
