عنوان الموضوع : انا سمره اريد ابيض بياض الثلج..معقوووله...!!! (موضوع للنقاش) للقضاء على السمنة
مقدم من طرف منتديات الضمير العربي

السلام عليكم ورحمة الله وبركاته..



من خلال حوطاتي ف هالقسم و قرأت اكثر من موضوع ..عن خلطات التبييض و للاسف ان اغلب البنات يصدقوون وهاااك ياركييض تشتري المكونات..

انزين لحظه..


مافكرتوو شوي..


مالااحظتوو شي..


يمكن بشرتج حساسه عكس راعية الخلطه..

يمكن بشرتج جافه عكس راعية الخلط..


يمكن..

يمكن..

و و و و


بعدين سبحان الله ..الله خلق كل انسان بلون معين.يعني له صبغة لونيه معينه لو شو تسوين ما بتتغيرين عن لوونج..!!!

والاحظ البعض تهتم بتبييض ويها وتخلي الرقبه والجسم..وتعالي شو فيها عقب الجسم لونه مب موحد..!!


بعدين منو قالكم انه البيضه متهنيه ببياضها..!! حتى البيضه تعاني من السواد في بعض المناطق وبالعكس السواد او الكلف او اي اثر يتلاحظ في ويها اكثر من السمره.!!

يعني بختصار البيضه بيضه والسمره سمره..اتقبلووو..^.^..



الهدف من هالموضوع هو كالأتي :

بدال الركيض ورا خلطات مب مضمونه وماتنعرف شو نتايجها بعد الامد البعيد..!!

جربو تهتمون بتوحيط لون البشره وهالشي بينور ويهج وبتحسين انج ابيضيتي..هذا كله لانج وحدتي لون بشرتج..

واهم شي كريمات الترطيب عودي جسمج عالترطيب الدائم..!!

مع حترامي للبعض بس اللي اشوفه ان في وايد بنات من ينخطبن يبدون يهتمون في هالامور طبعا" حق الريل وبعد العرس اتم مواضبه عالروتين ..بس اخرتها توقف من هالاهتمام..

لازم البنت قبل المعرسه تعود نفسها وتسوي جدول..لا تقولين والله عباله وتعب خليه جدولج اليومي ..!!

لان لو عودتي نفسج على هالشي بتمين عليه طوول عمرج..!!


انا حناطاويه..>>واكره يوم ابيض او حد يقولي ابيضيتي..^.^..ههههههههه احب لون بشرتي سمار خليجي ياامحلااااه..!!

بس مع هذا اتحدى اي فلبينيه تتكرم شراتي لووووول..!!

قبل ما كنت جي بس دوم كنت اعاني من جفاف ببشرت جسمي وساعات ويهي..!!

وخذت بروداكت طبي من الصيدليه ست كامل للويه والجسم..

ومواضبه عليه صارلي فتره..!!


وغير السكراب و الحمام المغربي..!! وان شاء الله بنزل موضوع ثااني فيه جدول العنايه بالبشره ..!!



وبنتظار ارائكم على موضوعي..!!

بس هاااه مانباه ضرابه ومط شعوور..ههههههههههههههه



وحياكن الله حبيباااتي..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
فعلا أختي أنا معاج من باب تشجيع البنات ع الاهتمام ببشرتهن للأبد..

بالنسبة لللون أيا كان هذي الطبيعة ..

أم عن ناحية الجمال فالاهتمام والرعاية و الترطيب ومعالجة البثور والبقع يعطي بشرة نضرة وصحية..

وأنا أقول لأي بنت صعب انها تهتم ببشرتها لحقي عمرج قبل لا تندمي البشرة نفس الشجرة..

وعندج أرخص صيدلية ببينج وهي المطبخ ..

وهذي خلطة طبيعية من عند خبيرة مصرية..

ملعقين ترمس جاف مطحون ناعم..

كمية مناسبة من الزبادي(الروب) للعجن ..

ملعقة ليمون..

تخلط الى أن تتجانس وتصبح قابلة للفرد ع البشرة..

تفرد ع الوجه وتترك لتجف ..

تستعمل يوميا وبعد غسلها يمسح الوجه بماء الورد لغلق المسام..



وربي يسعدج الغالية ع اهتمامج ونشرج للموضوع..

__________________________________________________ __________

>>>> الرد الثاني :
أنا معاج أختي في كل اللي قلتيه وكلامج صحيح 100%

بس فيه نقطة اختلف معاج فيها واللي هي



بعدين سبحان الله ..الله خلق كل انسان بلون معين.يعني له صبغة لونيه معينه لو شو تسوين ما بتتغيرين عن لوونج..!!!

يا ما بنات كانوا سمر وعقب تغير لونهن وبيضن واااااااااايد,,

__________________________________________________ __________

>>>> الرد الثالث :
صادقه اختي ...

__________________________________________________ __________

>>>> الرد الرابع :

المشاركة الأصلية كتبت بواسطة ريـمـي
أنا معاج أختي في كل اللي قلتيه وكلامج صحيح 100%

بس فيه نقطة اختلف معاج فيها واللي هي



بعدين سبحان الله ..الله خلق كل انسان بلون معين.يعني له صبغة لونيه معينه لو شو تسوين ما بتتغيرين عن لوونج..!!!

يا ما بنات كانوا سمر وعقب تغير لونهن وبيضن واااااااااايد,,





عزيزتي الله خلق كل انسان بلون معين من ينزل من بطن امه بلونه بس عوامل الجو والشمس يسمر بس لو اهتم بنفسه بيرد بياضه شرات قبل..

يعني عندج اكبر مثال مايكل جكسن سوى عمليات عشان يغير لون بشرته..

تراه يقدر عيل يحط كريمات ويبين لو الكريمات اتبيض شرات ماتقولون.

__________________________________________________ __________

>>>> الرد الخامس :
صح

موحلو لون الرقبة شي والباقي شي

مشكورة