عنوان الموضوع : أنا شبه صلعاء ...........منذ نعومة أظافري ..أنقذوني يا ناس من هذا العذاب لبشرة صحية
مقدم من طرف منتديات الضمير العربي

السلام عليكم ورحمة الله وبركاته

كيف حالكم خواتي ؟؟

بدخلكم في الموضوع على طول..

أنا شبه صلعاء من كنت صغيرة ..تقريبا من كنت طفلة اتذكر كل ما اسير مع امي اتقصلي شعري في الحلاق كلهم يقعدون يقولون شو هذا دوريلها حل و الصالون كله يقعدون يرمسون عليه
ولين الحين و انا بهالحال..

شعري خفيف وايد لدرجة انه فروة راسي تبين وايد..ووايد رحت عن دكاترة و سولي تحاليل كثيرة ..اخر شي قالولي وراااااااثي..

من اول ما بلغت (سن 12..) وانا احاول مع خلطات الشعر ..تخيلوا بنت عمرها 12 تقرى كتب وصفات شعر ..انتوا الحين تهتمون بهالأشياء ..انا من كنت ياهل اسوي و اجرب و اقرى ..عندي الحين خبرة من كثر ما جربت وحاولت ..ومع كل هذا ولا شي فادني..الحين عمري 28 .. وشعري من سيئ إلى أسوء .

قريب يمكن أعرس ..

من فترة اسوي ريجيم وعاد شعري يطيح دبل بسبته..
والله العظيم اليوم قعدت اصيح صياح ..ما اريد اغش إلي خطبوني .. ولو عرفوا شو بيقولون..ومنو بيقبلني لو هم ما بغوني عشان هالشي؟؟

والله تعبت يا بنات ..
لا تقولون زرع .. ما اريدهم يطرطرون راسي ...شفت صور لعملية الزرع والله تخرع


أفكر في اليزر لإنبات الشعر إلي في مركز الأمير الطبي.. ..ما ادري لو حد جربه ؟؟ هالحل إلي اقدر افكر فيه


خبروني بنات ..شوروا عليه شو الحل؟؟؟؟؟؟؟؟؟والله اني تعبت

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعيينج أنا في بداية الصلع أحيين وأدور علاج

__________________________________________________ __________

>>>> الرد الثاني :
الله يعينج اختيه

ماحبيت اطلع بدون ما اكتب شي وادعيلج

__________________________________________________ __________

>>>> الرد الثالث :
لكل داء دواء اختى حالتج احسن حل لها هو الزرع وانا وضعى مثل وضعج بس انا كان شعرى غليظ وطويل لكن بسبب الحمل والولادة واصبت بمرض الغدة الدرقية تلخبط الهرمون تساقط شعرى بصورة مش طبيعية وصرت صلعة وخصوصا من جدام وتعبت من العلاج والزيوت والله ما فادنى غير الزراعة زرعت شعرى والحمد لله اللحين صار لى شعر والعملية سهلة وما فيها كل ها التعقيد بنج موضعى ويحطون لج بصيلات فى الاماكن الفاضية وكلها 5 شهور ولا شعرج طالع والله كريم شوفى شو احسن دكتور عندكم فى الامارات لانى انا مش من الا مارات

__________________________________________________ __________

>>>> الرد الرابع :
انزين في علاج للصلع الوراثي ومصدق عليه من وزارة الصحه الامريكية وهو الدوا الوحيد المعترف فيه لعلاج حالات الصلع الوراثي،، هو بخاخ اسمه الطبي مينوكسديل minoxdil

ممكن يكون بعده اشكال تجارية منها الريجين ،، هير جين،، هيرباك،، الروجين،،

الدكاترة ما وصفولج هالدوا؟؟؟

__________________________________________________ __________

>>>> الرد الخامس :
سمعتهم يمدحون الليزر اللي في مركز الأمير الطبي..