عنوان الموضوع : بنات الحقوني؟؟
مقدم من طرف منتديات الضمير العربي
بنات الفترة الاخيرة قمت انا وعيالي الصغار اعمارهم 2و3 نحك فشعورنا بطريقة فضيعة قلت فالبداية من ماي الكلور بس اليوم الصدمة و انا امشط شعري شفت قمل
والله اني خفت واااااااااااااااااااااايد احنا ناس محافضين عالنظافة وانا بروحي اسبح عيالي بس بعدني ما شفت شعرهم اخاف نفسي والله يطلعوااااااااااااا يا ويلي بموت من الخوف اخاف من الخدامة الله يغربلها
شو اسوي بالضبط استحي اسير للدكتور واي دكتور اروح او اي احد يعرف دوا للقمل بليز يخبرني بسرعة ضروري الله يخليكم ؟؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
اختي القمل يوم ينتقل ما يعرف شعر نظيف وشعر وصخ
يتكون القمل في الشعر القذر لكن في العدوى ينتقل عادي لاصحاب الشعر النظيف
بنت ربيعتي مسكينة امها كل يوم تغسل شعرها ...وعقب انصدمت انه متروس قمل انتقلت لها العدوى من البنات في الصف ..ولانها بس تغسل شعرها وتمشطه ما انتبهت للقمل إلا عقب ما قامت البنت تحك شعرها من الخاطر
جربي خذي كوب خل ابيض ..ويا كوبين ماي وحطيه في شعركم لمدة ساعة تقريبا او نص ساعة وعقب مشطي الشعر بمشط القمل ..بتنزل الصيبان ..الخل يشيل المادة اللزجة اللي تخلي الصيبان تتعلق فيها بالشعر
(حصلت المعلومة في النت)
روحي الصيدلية وخذي شامبو للقمل
وشيكي على الخدامة ..وطلعي فراشكم في الشمس عشان القمل يموت..العاب الاطفال القماشية حطيها في اكياس لمدة يومين ..القمل لو ما حصل دم يتعذى عليه يموت
__________________________________________________ __________
>>>> الرد الثالث :
أول شي ييبي بودره البف باف وحطي عليها زيت وخل أبيض وحطيها على شعركم نص ساعه بعدين غسلي الشعر بشامبو القمل من الصيدليه وأخيرا مشطي الشعر بمشط رفيع جدا
كرري العمليه يوميا الى أن تتأكدي انكم تخلصتوا من القمل نهائيا
ولا تنسين تغسلين المشط يوميا وبدلي شراشف السرير وخاصه المخدات يوميا
__________________________________________________ __________
>>>> الرد الرابع :
نفس الكلام بس بدال الخل الابيض انا سمعت ان خل التفاح ولازم تخففينه بماي لانه قوي خصوصا عاليهال
وخلي الخدامه تحط في شعرها بعد يمكن منها ياكم ولازم تنظفين البيت كله عشان مايكون متعلق في مكان ويرجع لكم
خصوصا الفراش والالعاب القماشية
__________________________________________________ __________
>>>> الرد الخامس :
المشاركة الأصلية كتبت بواسطة roqaya99
أول شي ييبي بودره البف باف وحطي عليها زيت وخل أبيض وحطيها على شعركم نص ساعه بعدين غسلي الشعر بشامبو القمل من الصيدليه وأخيرا مشطي الشعر بمشط رفيع جدا
كرري العمليه يوميا الى أن تتأكدي انكم تخلصتوا من القمل نهائيا
ولا تنسين تغسلين المشط يوميا وبدلي شراشف السرير وخاصه المخدات يوميا
لاا بودرة البف باف خطيره .. وعيالج صغار خذيلهم من الصيدلية شامبو أو دوا أحسن عن تحطيلهم شي يظرهم ..
رد مع اقتباس
