عنوان الموضوع : كيف اعتني بشعري من بعد الكيراتين ؟! لصحة بشرتك
مقدم من طرف منتديات الضمير العربي

السلام عليكم ،
انا من اسبوعين سويت كيراتين علاج فـ صالون معروف فـ دبي ،
انا يوم سرت ع اساس انه بصبغ ، و الاسبوع الي عقبه بسوي الكيراتين ،
بس مال الصالون قالتلي احسن اصبغ و اسوي كيراتين ف نفس الوقت ، اونـه ع كلامها
لانه عقب الصبغ، الشعره تتبطل فـ يوم بنحط الكيراتين ، بيدخل الدوا ف الشعره ، ف التاثير بيكون احسن ،، المهم وايد خربطت علـيه و انا سمعـت كلآمهـا !!!
،
،
هيه صح نسيت اخبركم ، الكيراتين اللي سوتلي اياه ، غسلتلي شعري نفس اليوم ، قالتلي ها نوع يديد و يخوز معفوله عقب 4 شهور!!
،
المهم ،
،
احينه شعري غاآدي متقصف و ناآشف بشكـل مايتشاهد ='( ،
و طبعا مب عارفه شقا اعتني فيه ، و مثل ماتشوفون فالتوقيع ، اني ع ويه زوآج ،
و مابقى شي ع عرسي ان شاء الله =( ،
شو اسوي !!
لا تقولولي اقص اطرآفه ، شعري روحه قصير لين تقريبا خط الـستيان ، و انا اباه يطول!!
،
،
معـآاناهـ والله =(

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
علاج البروتين حلو للشعر بعد الكيراتين وهو عباره عن بيض مع زيت الزيتون ويترك 15 دقيقة اواكثر ومره في الاسبوع وانشاء يفيدج وربنا يسهل عليك زواجك ويتمه علي خير

__________________________________________________ __________

>>>> الرد الثاني :

__________________________________________________ __________

>>>> الرد الثالث :
همس الاحبه ، ها علاج بروحي اسويه فالبيت ؟ ولا اشتريه ؟
و اذا اسويه فالبيت ، كم بيضه احط ؟ و شو مقدار الزيت ؟؟
مشكورة مقدما حبيبتي ، الله ايسرلج كل خير ^^

__________________________________________________ __________

>>>> الرد الرابع :
غريبة لأن الكيراتين الأصلي بينعم الشعر وبيعطيه لمعة رووووعة
عموما لازم تستخدمي شامبو وبلسم خصوصي لما بعد الكيراتين
موفقة

__________________________________________________ __________

>>>> الرد الخامس :
الله المستعان عليج بحمامات الزيت المكثفة وان شاء يرجع نفس الوالدة يا حليلها سارت على اساس تسوي كيراتين وبعدين سوتها تمليس كيراتين مع صبغة الشعر فصار شعرها ناشف ومحروق حتى فكرت تحلقه حسبي الله عليهن يشتغلن بدون ضمير بدل ما تسويلها كيراتين العلاج قصت عليها وسوتلها التمليس لا وماخذه عنها الف درهم
والصالون معروف في العين نصيحة والله من القلب اذا بتسيرون لا تخلون اي حد يضحك عليكم خصوصا ها اللبنانيات