عنوان الموضوع : ابا شل الحنة من شعري لعوزتني ابا غير اللون لبرة صحية
مقدم من طرف منتديات الضمير العربي

السلام عليكم أخواتي من شهرين صبغت فصالون وماعيبني اللون طلع مب اللون الي طلبته
ومن قهري رجعت البيت وحطيت فشعري حنة سودة والحين أبا غير عن الاسود سرت صوالين كثيرة
هنا في العين لكن مابصالون عرف يحل مشكلتي وين أسير؟ أرجوكم الي كان عندها نفس مشكلتي تساعدني أريد أصبغ قبل العيد

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اختي لو مسويه حنه سودا ماينفع انا مره سويت وسالتني قالت لو مسويه وقلتلها لا نسيت هههههه ويوم صبغتلي ماطلعت لون الصبغه وتندمت دفعت فلوس ع الفاضي

__________________________________________________ __________

>>>> الرد الثاني :
من مدة وحدة من بنات المنتدى كانت عندها نفس المشكلة ودليتها صالون غاردينيا ويوم سوته كانت وايد مستانسة وأهم شي مايخربون الشعر يسوون تست على خصلة وبعد يقررون شو يحطون فشعرك
أنصحج تجربينهم شغلهم وايد أوكيه

__________________________________________________ __________

>>>> الرد الثالث :
الحنا ما تنشال ابدا لانها طبيعية ، في الصوالين يرومون يتحكمون بالصبغات
والاشياء الكيميائية فقط ، يعني مالج الا تخلين شعرج لانه مستحيل يطلع لون الصبغ

انا كنت جيه مثلج وسرت اكثر من صالون قالولي مايستوي مايستوي
وترييت الحنه لين نزلت وتميت اقص اقص اقص لين افتكيت منها ..

__________________________________________________ __________

>>>> الرد الرابع :
السلام عليكم

أعرف أن استخدام البلسم بكثرة يسحّل الحناء !!!
جربي استخدامه عدة مرات وبكثافة ... وأخبرينا بالنتائج


والسلام عليكم ورحمة الله

__________________________________________________ __________

>>>> الرد الخامس :
معقولة أتوقع كل وحدة هني جربت الحنة فشعرها ولو ماشي حل لشلها من الشعر ماكد شفنا ولا وحدة شعرها مصبوغ بكل الاحوال مشكورات حبيباتي عالاهتمام ومشكورة أختي عيناوية مررة بتصل عليهم انشالله وبجرب ادعووووووووووووووووووووووولي