عنوان الموضوع : لتغطية عيوب البشره تماما لصحة شعرك
مقدم من طرف منتديات الضمير العربي

بنات أنا جربت كونسيلر فور أيفر احطه تحت البودره من جيرلان يتم مغطيلي العيوب ساعه تقريبا بعدين تطلع العيوب تبين للعلم بشرتي جافه وبيضه وفيها شوية شحوب فياريت اللي عندهن خبره يردن علي بلييييز لاني خلصت فلوسي على هالميكاب ولين الحين مالقيت اللي يناسبني؟؟؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ان شاء الله الخبيـــرات يساعدوونج ^^

__________________________________________________ __________

>>>> الرد الثاني :
حبيبتي مكسي نقطة من كريم ماكس فاكتو مع نقطة من استيلودر المعصار وشوي من كريم كومباكت سوبرا كريولاين يوم كامل تغطية بس لا تكثري من الكمية

__________________________________________________ __________

>>>> الرد الثالث :
انا ما أشجع التمكيس صراحة
انا يعيبني الكونسيلر مال RED EARTH اللي يكون 4 الوان مع بعض،، أظني ب 49 أو 59 ما اذكر ومادري جان زادوا الحين

خذي منتجات البشرة الجافه من كريم اساس وبودر وغيره
أو جربي تستخدمين المات matte mouse فنااااااان للبشرة الجافة يعطيج لوك طبيعي ويغطي القشور والعيوب ويتوزع بالاصابع

واهم شي انه ايدج تكون خفيفه عالبشره لا توزعين الاساس او البودر بشكل قاسي وتمسحين بالاسفنجه
وزعيهم بشكل الضربات الخفيفه عالويه
او باستخذام فرشاه خذي من البودر (انا أفضّل ماك) ووزعيه بنفس الطريقه يعني مب تنثريه وبس ، لا ، جربي تحطينه بضربات خفيفه على ويهج وان شاء الله النتيجه بتكون مُرضية

واهم شي خذي لون يناسب ويهج يعني لا تاخذين الالوان الودرية، خذي الوان طبيعيه اللي يايه على درجات البيج
تقولين ويهج شاحب؟؟ وتحطين اللون البيج يمكن يزيده شحوووب؟ لا ما عليج،، لانه عقب ما تغطين العيوب كلها وتوحدين لون بشرتج انثري بلشر بشكل خفيف، وهو بيعطيج تورّد خفيف، اذا البودر لونه على وردي والبلشر لونه على وردي وانتي بيضه؟...........؟؟ عارفة النتيجه

ومعلومة لكل بنت تعاني من وجود عيوب او نمش وهي بشرتها فاتحه او بيضة ، أنصحها تجرب تحط درجة أغمج عن لونها
وهاذي معلومه معروفة في عالم المكياج يعني مش من عندي ولكن عن تجربة بعد، جربي اليوم حطي لون اغمج بدرجة عن لونج وشوفي كيف بشرتج بتكون صافيه كنه مافيها عيوب..
وان شاء الله النتايج تكون مُرضية

واسمحولي عالاطاااااله

__________________________________________________ __________

>>>> الرد الرابع :
Bronzya نجمة المساءمشكورين عالردود
أخت برونزيه شو هالمات ؟

__________________________________________________ __________

>>>> الرد الخامس :
كاريولاين مخفي العيوب تبعهم جنان انصحكم فيه