عنوان الموضوع : مكياج من MAC لشعر صحي
مقدم من طرف منتديات الضمير العربي
مرحبااا يااا بناتت
بليـــــــــــــــز اذا في وحده من الماكيييرات وخبيرات التجميل تتعامل ويا ماركة ماك
اتساعدني
انا محطية ميزانية 2017 درهم عسب اخذ مكياج من ماك
لانه الكل يمدحها وحلوة بصراحة اغراضهم
ف اللي حابة اتساعدني يزاها الله الف خير
بس اتحط لي صور الادوات اللي المفروض اخذها من ماك وهل هالاميزانية اتكفي لانه اخذ كل اداوت المكياج من عندهم الا لا؟
وانا ف انتضار ردودكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هلا غناتي
اقول انا مب خبيرة ميك اب خخخخخخخخخخخ بس احب آخذ من ماك وما خذه حق عرسي من عدهم
انا بعد حاطه 2000 حق الميك اب بس ما خذت كل شي يعني خذت الاشياء اللي احتاجها مثل البودره والفاونديشن وبلاشرين وكمن ايشدو و3 ارواج وفرشات البلشر والايشدو وكمن شي طلع عليه 2000
فما ادري عنج انتي اذا انتي من النوع اللي وايد يستخدم الميك اب وتحتاجين ااااايد اشياء وبيطلع عليج اكثر من 2000
وان اشاء الله اكون ساعدتج
بالتوفيق غناتي
__________________________________________________ __________
>>>> الرد الثاني :
شوفي غناتي .. مب كل شي تاخذينه من مااااك .. احسن شي عندهم هو "فرش المكياج " خذي فرشاه للاساس + البودره والبلاشر+ فرشاه للشدو + فرشاه للدمج + فرشاه للكونسيلر وبس .. وخذي عندهم الشدو .. بس مب كل التدرجات .. خذي الاسود + البني + هايلايت +وردي+بنفسجي+ أخضر + أزرق ,, وبس , طبعا مع الايام بتمرين و بتاخذين من عندهم تدرجات لكل لون .. بس حاليا خذي الالوان اللي قلت لج عنها .. لانج مابتقدرين بالميزانيه اللي عندج تشترين كل شي لووول .. خصوصا فرش المكياج وايد غاليه عندهم .. و خذي من عندهم روجين+ قلوس واحد " معظم قلوساتهم لونها خفيف مايبيين بس يكون فيها لمعه حلوه ممكن تنحط فوق اي روج " وخذي بيس للشدو .. وخذي بلاشر واحد .. اظني جيه بيسدج كميزانيه لل starter kit ..
بيبقالج الاساس والبودره ... يوم بتتوفر عندج الميزانيه ردي خذيهن بس مب شرط من ماك .. ممكن تاخذينهن من اي ماركه .. عندج ديور الاساس مالهم حلو .. وبودره كانيبو بعد حلوه .. محد يمدح بودره ماك .. وايد اتضر البشره ههه ..
هيه صح غناتي بخبرج .. ال 2000 درهم مابتسدج وايد .. لانه مثل ما قلت لج الفرش وايد غاليه عندهم اظني لو بتاخذين الفرش اللي خبرتج عنهن بيكلفج حوالي 1000 .. الشدو الحبه الوحده كانت 48 الحينه اظني 54 درهم .. والروج كان ب75 والحينه اظني 84 .. والقلوس والبلاشر نفس سعر الروج تقريبا .. هذا غير الباليت مال الشدو بيكلفج حوالي 65 درهم .. شوفي اهم شي تاخذين الفرش .. اما الباقي لاحقه عليه .. شوفي في قسم العروض التجاريه وحد اسمها " ندى دبي " اتبيع ميكب ماك بسعر أقل شوي .. يفضل بعد تاخذين من المجموعات اللي تنزل .. لانها أوفر في السعر ههه .. اييج باليت فيه 5 شدوهات ب180 تقريبا ونفس الشي الروج .. انصحج تاخذين من ندى دبي الميكب لانه بيوفر عليج تقريبا 100 درهم لو خذتي وايد من عندها ..و موفقه الغلا ^_^
__________________________________________________ __________
>>>> الرد الثالث :
نصييحه لا تاخذين كل شي من عند ماك لان مب كل شي وااو..
شوفي مواضيع الاخت ظبيانيه بتلاقين بعض الاشياء تنصح فيها من ماك
مثل البيسك و المثبت..الخ..
اسأليها وان شاء الله بتاعدج
__________________________________________________ __________
>>>> الرد الرابع :
هيه صح حتى انا أنوع ما آخذ كل شي من ماك
غير الاساس والكومباكت باودر لنه عندهم الوان تناسبني واساسهم مريح في الاستعمال
والباقي كله من اماكن ثانيه
يعني اشوف شو احسن شي من كل محل واشتري
وبـ 2000 تقدرين تشترين وااااااااااااااااااااااااااايد اشيا من ماك وغير ماك
بس لو خذتي بس من ماك ما بتاخذين مثل الكمية اذا نوعتي
وخذي راحتج في الاختيار لا تستعيلين وتندمين عقب
__________________________________________________ __________
>>>> الرد الخامس :
هلا حبيبتي
اروااجهم و قلوساتهم روووعه
و عندج الفراشي و الشدو الاصفر و البرتقالي
رد مع اقتباس
