عنوان الموضوع : ََ درس مكياج مفصـــــل بأنــــامــــــل المـــاكييره مـــريم النــــعيــمي َََ لشعر صحي
مقدم من طرف منتديات الضمير العربي

السلام عليكم يا بنات منتداي الغالي ... بعد مده طويله أنزل درس قلت يلا شوي انطلع من وقتنا حق منتداي الغالي و بناته .... و اليوم سويتلكم درس للميكب الراقي و الناعم و الألوان هي ((الأبيض اللؤلؤي و الذهبي و الوردي و التركواز و الأسود)) و إن شاء الله يعيبكم .... و هذا اللوك إلي بسويه ... ملاحظه أنا رسمت العين أول عقب وزعت الكونسيلر لأنه هاي طريقتي و يباله حد يعرف يمدج و ييحدد عدل فبتكون صعبه عليكم لأنه يمكن تمسحون او تغلطون عالرسمه و كل واحد و طريقته ....




نبدأ بالأغراض و كل غرض مرقم بالصوره بكتب شو أستعماله نبدأ :
1- قطن الأذون (لتنظيف الدموع و الأخطاء الصغيره و ممكن أستعمالها للمد و الدمج بعد)
2- ألوان البلشرات
3- كريم كريولاين الأكوا و أحب أستعمله لزبايني لأنه رووووووووعه
4- ألوان أنجلوت الفظييييييييعه
5- بودرة كلينك أستعملها للزباين لأنها تعطي لوك ناجرال و حلو بدون تبيض ولا تسمير اللون الطبيعي
6- قلم من بن ناي أزرق لداخل العين
7- مسكره برجوا حلووووووه لدمج الرموش الأصليه مع الرموش المركبه (جربوها)
8- الرموش
9- لزق الرموش و تقدرون أتلاقونه فماك و أنصح فيه لأنه ما يظر العين و يلصق أوكيه و ماتتعبين يوم اتشلينه
10- ألوان كريولاين المائيه (البيس تحت الشدو)
11- اللوز باودرمن كريولاين للتوزيع بعد البودره
12- فرشاه من سيفورا لتوزيع اللوز باودر روووعه فراشيهم أنصح فيها
13- شدو لمعه لؤلؤية من ميكب فور ايفر
14- أرواج الرول من كريولاين روووعه
15- لمعة ميكب فور ايفر الدايموند
16- خربطنا خخ
17- كيك لينر من بن ناي
18- و الفراشي الباجيه للأستعمال مثل ( الدمج,الرسم,المد و غيره)

و ألحين خلونا نبدأ بالخطوات للمكيب الاساسي أول شي مثل ما فالصوره نحط البيس المائي الأبيض اللؤلؤي تحت الحاجب عشان يعطينا لمعه و أضاءه و عقب عبداية العين وردي فاتح المائي



و عقب عالنهاية نحط الأزرق و ندمجهم و عقب نحط الذهبي تحت الأبيض(هاي الحركه حلوه على عيني لأنه في مساحه كبيره تسمح لتعدد الألوان بس ممكن غيري يشوفها صعبه و يكتفي بلونين)



و عقب ما نخلص من المائي نبدأ فالشدو العادي المظغوط و نحط لكل شدو نفس اللون عالعين ... و ندمج شوي ...





و عقب ما دمجنا نركب الرموش و عقبها نرسم بالفرشاه و نبدأ عبداية فتحة العين بشوية خط لبرع و عقب نطلع خط لبرع عالجفن فوق كيف الصوره عسب نحط شدو أسود





.. و عقب نبدأ تحت العين بعد و نوقف عند نهاية العين عقب هاي الخطوه و بعد ما خلصنا نيب الشدو الأسود العادي و ندمجه شوي شوي بالفرشاه أو بالصبع أو بالأسفنجه على راحتكم





و عقب ما خلصنا ... نمشط الحواجب و نيب الفرشاه الرقتانقل لأنها أوكي لتحدد الحواجب لتعريظها و تظعيفها أخر شي و أحب أستعمل فرشاة مكياجي و ناخذ لون بني مائي و نبدأ بالرسم الحواجب
... و عقب نحط اللمسات الأخيره المسكره





... و عقب اللمعه





.. و ترارتاتاتا أنتهينا ... أتمنى عيبكم الدرس و استفدتوا و حاولو أطبقونه ... و أي سؤل عالعام عسب الكل يستفيد ... و فديتكن دعواتكن لا تنسوني و تقدرون تنقلونه لمنتديات ثانيه بس مع ذكر المصدر و صاحب الموضوع ... بيباي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما شاءالله عليج

ابداع..


والله يوفقج ان شاءالله

__________________________________________________ __________

>>>> الرد الثاني :
يعطيج العافيه واااااااااااايد روووووووووعه شغلج مريوم

__________________________________________________ __________

>>>> الرد الثالث :
تسلمين اختي ع الدرس

__________________________________________________ __________

>>>> الرد الرابع :
يعطيج العافية أخت مريم

__________________________________________________ __________

>>>> الرد الخامس :
مشكــــورررة الغلا عالدرس الحــــلو..^^...
وربــي يعطيــج الصحة والعافيـــــة...