عنوان الموضوع : استفسار عن الماسكارا
مقدم من طرف منتديات الضمير العربي






خواتي اللي متعودين يحطواالماسكارا بإستمرار .. هل الاستمرار على استخدامها يتعب الرموش و تبدي تتساقط و لا ماله علاقة ؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مم.. على ما اظن يتعب الرموش >< !

__________________________________________________ __________

>>>> الرد الثاني :
اذا ترقدين بالمسكارا اكيد اما اذا باستمرار لفتره محدده وعقب تمسحينه قبل الرقاد اتوقع لا بس الاحسن تخفيف استخدامها.

تكرار استخدام الماسكارا يجفف الرموش عشان جيه بسرعه اطيح لو تستخدمين الماسكارا يوميا لازم يكون عندج عناية برمووش مثلا تفضين علبة ماسكارا جديمة وتحطين فيها زيوت(افضل زيت جنين القمح اخف عن الخروع) او في وايد اشياء بتحصلينها لرموش باريج وصيدلية.

انا عندي سؤال وخل نخلي هالموضوع خاص باستفسارات الماسكارا والسموحه من صاحبة الموضوع^_^

شو احسن ماسكارااااااااا يعني من تحطينها تحسين كانج مركبة رمووووووووووش(لانها حرام تركيب الرموش) نبى البديييييييييييييييييييييل وماتجف بسرعه مع الوقت يعني اتم عندج فتره طويلة وتفرق الرموش بشكل حلو.

__________________________________________________ __________

>>>> الرد الثالث :
انا استخدم الماسكارا بشكل يومي تقريبا يعني يوم يكون عندي جامعه او طلعات السوق والزيارات وغيره

بس احس عااااااااااادي واذا طاح رمش ترى مب من المسكرا بس طبيعه رموش العين كل رمش دوره حياته 3 شهور

__________________________________________________ __________

>>>> الرد الرابع :
الغاليه مافيه ماسكرا تعطيج فعاليه مثل فعالية الرموش الصناعيه
ومدري انا ما بفتي بس الي سمعته من مفتوي كيتي انه الرمش لو كان شعر صناعي (موب طبيعي ) و و مو دائمه يعني تنحط كم ساعه وتنشال هذي عادي مو حرام ونفس الشي لوصلات الشعر عاد هذا الي سمعته كانوا ايبونه على قناة الكويت بشهر رمضان
وفيه نصهم يقولون عنه حرام ما خلوووا شي ما حرموه الله يهديهم حتى التشقير حرموه
كح كح طلعت عن الموضوع .... انزين فالمسكرا تعطيج رمش اكثف واطول بس هب تتعب الرمش ايه بس مو لدرجه خطيره يعني ما احس حتى في فرق بين الي يستخدمونها بشكل يومي والا لا
بس لو تبين تحافظين على رموشج قدر الامكان انصح انج تبتعدين عن الماسكرا الي ضد الماي لانها صعب تخوز من الرموش وصدق اليوم الثاني تشوفيني كمن رمشه تطيح بيدج يوم تحكين عيونج
^_^

__________________________________________________ __________

>>>> الرد الخامس :
اهم شيء تستخدمين مسكره عاديه مب ضد الماي

وتكون ماركه مب نوعيه عاديه
وصدقيني عن تجربه ابداًً ما لها اي تأثير عالرموش