عنوان الموضوع : استخدام بودرة سوبر كلر؟
مقدم من طرف منتديات الضمير العربي

مرحبا

انا عندي بودرو سوبر كلر بس يوم استخدمها احسها ثقيله علبشره ويطلعلي مثل لخطوط معنى احط مرطب قبل ما استخدمها!!

بليز لتعرف كيف طريقة استخدامها اتفيدني!!


وهاي صورتها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الغاليه..هالاساس واسمه كارولاين اذا كان الاصلي مب التقليد
عالعموم..تراه يتوزع بالاسفنجه او الفرشاه ومايحتاي انج اتحطين قبله اي شي لنه كريمي..ويوم بتوزعينه حطي منه طبقه خفيفه..بس مب خفيفه مره..وعشان لا تظهرلج الخطوط حطي فوقه بودره ..
انا استعملها للمناسبات ..احسها مب عمليه للايام العاديه..
اتمنى ان اكون فدتج

__________________________________________________ __________

>>>> الرد الثاني :
اااااااب

__________________________________________________ __________

>>>> الرد الثالث :

المشاركة الأصلية كتبت بواسطة غنتوووت
الغاليه..هالاساس واسمه كارولاين اذا كان الاصلي مب التقليد
عالعموم..تراه يتوزع بالاسفنجه او الفرشاه ومايحتاي انج اتحطين قبله اي شي لنه كريمي..ويوم بتوزعينه حطي منه طبقه خفيفه..بس مب خفيفه مره..وعشان لا تظهرلج الخطوط حطي فوقه بودره ..
انا استعملها للمناسبات ..احسها مب عمليه للايام العاديه..
اتمنى ان اكون فدتج




لا مالي اصلي بس سمعت لازم ابلل الاسفنجة بماي!! انا اابا استعملها للمناسبات!!

بس احس خبيرات التجميل ايحطن شي زيادة وياها!!

__________________________________________________ __________

>>>> الرد الرابع :
الحين اللي اعرفه انه شي نوعين من هالاساس..كريمي ومائي..بس اللي اعرفه بعد انه لكريمي هو اللي يسوي خطوط عالبشره بس المائي ماحيد..
المائي يوم بتيين تستخدمينه يكون ملمسه في العلبه يابس وجاف..ماترومين تستخدمينه بدون ماي..بس مادري احس انه اللي عندج من الصوره شكله كريمي
واللي اعرفه انه خبيرات التجميل يستخدمون لكريمي..الاغلبيه..لانه يخفي كل كل كل شي فالويه شرات الكونسيلر
احس عمري وايد تفلسفت اوني..خخ سوري طولت عليج

__________________________________________________ __________

>>>> الرد الخامس :
مب اي وحده يناسبها الاساس اللي عندج ...
يستعملون بالفرشاه او الاسفنجه حتى لو مبلله شوي عادي ... وحطي فوقها اللوس باودر