عنوان الموضوع : وايد محتاره.. جلابيات رمضان كيف تكون؟؟؟؟؟ بلييز ما اعرف شو اشتري T_T
مقدم من طرف منتديات الضمير العربي

السلام عليكم بنات..

وايد اشوف بالسوووق بس ما اعرف شو يناسب رمضان..

احب الدريسات .. بس احسهم بلا اكمام وعندي بوديات علشان يغطي الاكمام بس ما اعرف ....

شو تلبسون لرمضان؟؟؟ كيف الجلابيات تكون بسيطه؟؟
سرت الصيني ما عيبني وايد .. سرت مردف سيتي شفت كذا شغله في التنزيلات بس ما ادري والله.. ينفعن يكون بلا اكمام والا ما ينلبسن.؟

شو تلبسن؟؟؟
جلابيات فراشه؟
جلابيات الواسعه بالشيله؟؟ (احس عمري دبه فيهن... ما ادري ليش)
واذا تزورون ناس شو احسن شي؟؟

الايام العاديه سهل الواحد يشتري ويلبس بس .. وقت رمضان ويمعه الاهل احس ما اعرف شو يناسب..

بليييز باقي شوي عن رمضان وانا بعدني ما شريت شي...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا
ماعرف لاني ساكنه فبيت روحي

طبعاً صرت ما اهتم بشكلي وايد (بعدني مهتمه لكن مب شرات اول )
يعني مسكرا و جحال


و اللبس
فبيت عمتي ما احب اعق العباه

فبيتي البس بجامه ساتره ههه

ف بيت باباتي
البس جلابيات عاديه ولا بجامه

اذا حد بينا البس خوار
او عندي جلابيات بس فيهن حركه بسيطه

طبعاً من شهر وانا احاول اخفف من كشختي عشان يحسون شكلي تغير للعيد
لاني مابا احط مكياج جدام حمياني
لان بيت عمتي عادي نيلس مع حميي
ف انا اكتفي ب مسكرا وجحال وقلوس لونه ناتشورال

__________________________________________________ __________

>>>> الرد الثاني :
انا في الميكب احبه بسيط نفسج.. لكن احط بودره او ديلي فاونديشن ..
بس من ناحيه اللبس، ماعندي لبسات وايد..

ينفع البس جاكيتات البوي فريند على دريس؟؟ احس يطلعون احلى ع الجينز بس ما اقدر البس جيه للناس...
انا مول مش عارفه شو الوحده تلبس لرمضان غير المخاوير..

لو حد بعد يعطيني افكار بكون ممنونه او حتى محلات معينه فيها اشياء حلوه..

__________________________________________________ __________

>>>> الرد الثالث :
حبيبتي انتي اذا فبيتج بروحج لبسي اللي تبينه حتى لو رمضان المهم شي ساتر نوعا ما ومريح
اذا تقصدين بيت اهل ريلج وجذا ...سوي شراتي فصلي نظام الميني دراعه بس طويله . او درسات

__________________________________________________ __________

>>>> الرد الرابع :
اقصد الموديلات هذي اللي في موضوع الاخت بنتDXB

https://forum.uaewomen.net/showthread.php?t=1078200

__________________________________________________ __________

>>>> الرد الخامس :
احب كنادير السادة لون واحد ويا شيه صفوه نفس اللون مع او بدون فصوص...فصلت عشر كنادير مع شيلهن خفاف مخصرات