عنوان الموضوع : بعدج ماقررتي وين بتسوين عرسج؟............................. اتفضلي
مقدم من طرف منتديات الضمير العربي

بنات من فتره كنت معزومه على عرس مسوينه في حوي البيت، والحوي متوسط لا بصغير ولابكبير بس كان الترتيب والفكره من الاساس خياااااااااااال وخصوصا هالايام الجو روعه يعني لااستبردنا ولا حرينا، المهم كانوا حاطين طاولات مستطيله مثل اللي بالصوره تقريبا والترتيب رومانسي وكله اوف وايت بأوف وايت حتى الورود اللي عالطاولات اوف وايت وكلشي تقريبا كان بسيط بس في نفس الوقت فخم وكانوا حاطين فوق الطاولات شكل سقف الخيم بس بالشيفون ونازل عالجوانب رووووعه ومعلقين منه ثريات.



بعدين بين الطاولاات موزعين عواميد صغيره ملفوف عليها نبات وورد وليتات بس بشكل فظيع نفس اللي في هالصوره بالضبط.



وبعدين دخلت العروس في ممر مليان ورد في فازات يعني مغطي جوانب الممر كامله بشكل متدرج مادري اذا فهمتوني والا لا لأني دورت صوره مقاربه للي شفته ومالقيت، المهم وراحت يلست في طاوله زجاج شفاف وكرسيها زجاج شفاف وعليها باقه صغيره روعه تحت خيمه صغيره مثل هالصوره تقريبا مع فارق الطاوله .




وهالخيمه كانت مزينه بورود على جميع جوانبها وخصوصا من ورا بشكل عجيب وبعدين دخل المعرس بروحه وسلم عليها ويلس عدالها وتم يسولفون مع بعض كول ويضحكون وكانو مرتاحين ولاتحسين ان فيهم سترس العرس ويابو لهم العشا وتعشوا وتمو يسولفون وصوروا وايد طبعا وبعدين قاموا يتمشون في الحديقه مع بعض والمصوره تصورهم وخذت صور بصراحه كانت روعه وراحو على طاوله الحريم الكبار "اليدات" وسلمو عليهم وصوروا معاهم وبعدين راحو طاولة خواته وخواتها وسلمو وصوروا معاهم وهكذا لحد ما ردوا على طاولتهم مره ثانيه ويابو لهم السويت وكلوا وأكلو بعض بعدين اعزفو موسيقى حلوه وراقيه ومسكو يد بعض ومشو عالممر لحد مادخلو البيت، بنات بصراحه في اشياء وايد ماقدرت اوصفها لكم كانت رووووعه بس اللي عيبني اكثر شي، انهم كانو وايد مرتاحين لأنهم تصرفو على طبيعتهم لانهم كانو في البيت وثاني شي عيبتني فكرت ال outdoor wedding لأنها مب منتشره عندنا وايد بسبت الجو، وثالث شيء ترى حلو العرس في البيت من جميع النواحي لأن تقدرين تتحكمين في تاريخ العرس "ماراح تضطرين تحجزين قاعه" والفلوس اللي كنتي بتصرفينها على تزيين القاعه راح تزينين فيها بيتج، تتحكمين اكثر في الضيافه واسلوبها، البوفيه نفسه ممكن تتحكمين فيه اكثر في البيت بعد مايخلصون المعازيم ممكن يتوزع الاكل على الفقراء بدل ما ينكب، وبالتوفيق حبيباتي.

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هي والله أحلى شي العرس يوم يكون في حوي البيت



الله يعطيج العافية

__________________________________________________ __________

>>>> الرد الثاني :
وااااااااااو وايد حلو .. ربي يسعدهم إن شاء الله ..


__________________________________________________ __________

>>>> الرد الثالث :
مشكورة __ وايد حلو

__________________________________________________ __________

>>>> الرد الرابع :
+
::::






روووووووعة الفكرة


باسويها بأذن الله لعرس بنتي خخخخخخخخخخخخ


بعد 20 سنة...






::::
+

__________________________________________________ __________

>>>> الرد الخامس :
وااااااايد روعه الصراحه

بس نحن عندنا يعايبون اذا العرس كان في البيت.....وفي منهم ما يسيرون اعراس البيوت ....ما ادري شو السبب

حجز الفندق يكلف 70000 واكثر ...........الله يعين بس