عنوان الموضوع : تجهيزات العرس لجمالك
مقدم من طرف منتديات الضمير العربي
خواتي ممكن اتساعدوني في تجهيزات العرس كاملة+ الزهبة وممكن حد ايساعدني في تقسيم المهر 50ألف مب عارفه أرتب أموري يعني إذا في إمكانية عمل جدول شو الأشياء اللي آخذها
يا ليت خواتي اتساعدوني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ألف مبروك حبوبه مقدما
والله يتمم لج على خير
بالنسبه للزهبه انا زهبتي كانت شرات زهبتج
خليت النص حق الذهب والباقي قسمته بين
المخاوير والعبي وقمصان النوم والملابس الداخليه كثري منها
بدل 6 تقريبا
جلابيات بيت وشيل اذا بتسكنين مع اهل ريلج خفيفه
جلابيات راقيه
فساتين خفيفه 2 تقريبا
اكسسوارات
كل شيء يخص الشعر من( قباضات مشط فرشه استشوار ماكينه ابروان )
ادوات الجمعيه
نعول الله يكرمج وشنط نوعي
هذا اللي يحضرني الحين واي شيء ممكن تسألينا حبوبه
الله يتمم لج على خير
__________________________________________________ __________
>>>> الرد الثاني :
مبروك عليج غناتي وان شاء الله البنات مابيقصرن
__________________________________________________ __________
>>>> الرد الثالث :
ما شاء الله ما توقعت اني بحصل حد مهره جيه ...
يوم اقول حق اهلي ابا بس 100 الف يقولون شوي ... :S
ان شاء الله البنات بيفيدونج وبيفيدوني ..
واول شي اتسوينه اتبرعي بمبلغ بسيط من المهر عشان الله يباركلج فيه ^_^
والله يوفقج ومبروك مقدما
__________________________________________________ __________
>>>> الرد الرابع :
ما شاء الله الله يبارك لج بمهرج الغلا
بالنسبه لمهرج قسمييه عدل مدل وشرات ما قالت لج الاخت
ولا تنسين قمصان النوم وقميص نوم ليلة الدخله
والسمووحه منج ^^
__________________________________________________ __________
>>>> الرد الخامس :
مرحباااااااااااااا غلاي ولاتحاتين شي ان شالله كل شي بيسهل بس انتي ادعي ربج حبيبتي
غلاي ادخلي هاي رابطه يمكن اتفيدج بشي وانا حاطه هل موضوع مخصوص للعرايس للي يحاتن تجسيم بيزات الزهبه
ان شالله اتحصلين طلبج ابداخله
https://forum.uaewomen.net/showthread.php?t=352640
ها يالعروس لا تنسين عقب ماتجسميم بيزات الزهبه اتردين على موضوعي
عسب الكل يستفيد ومايدخلن بحيره .....
وبالأخير ربي يوفقج ان شالله ويسر امورج غناتي
رد مع اقتباس
