السلام عليكم
شحاالكن خوااتي ؟!
بغيت اساالكم عن المااكيراات
لان عرس اخوي بيكون شهر 5 او 7 او 9 << ماحددو للحين عشان بيكون عنده دوره تدريبيه بتكون خارج الدوله
اول شي نحن ماشالله مجموعه كبيره من البنات يعني انا وخواتي وحريم اخواني وبنات خوالي
وعندنا بنوتات صغار يعني حوالي 26 بنت اوو اكثر
بغيتكم تنصحووني منو احسن مااكيراات للمجموعات
قبل سنتين لما كان عرس اخوي حجزناا عند فاطمه سعيد
وخبيره تجميل من صالون من دبي << وع فكره ما تم حد ما مدحها لناا
لان خواتي 3 عندهن حب شباب وتصبغات ومستحيل يتخفن وبشرتنا دهنيه بشكل فضيع
طبعا خواتي اللي كانو حاجزاات عند فااطمه سعيد مااشالله طلع مكيااجهم رووعه
وماعرفتهن مطلعتنهن بلووك ثاني وحتى شعرهن " شعرنا غليض وصعب تسريحه بس مب الكل "
مسوتلهن تسريحاات روعه ومخليه ويهن باازر بس اختي وحده كانن الحبوب مبينات فيها
بس بصراحه شغلها رووعه ع خواتي الثانيات
اما الخبيره اللي قالولنا عنها بصراحه انا ما بذمها صح خفت الحبوب ووحدت لون الويه
بس ماتعرف ترسم العين ووايد تحط الواان وحتى الرمووش كانن مبينات تركيب لانها حطت
رمش رمش بس ما ثبتته عدل وتخيلو اقولها الفستان شوي صدره مفتوح تقولي بس المكياج
يتضمن الويه والرقبه يعني ما تحط كريم اساس او بودره ع الرقبه من ورا وع الصدر
والتسريحه شي ثاني خلت شعرنا منفووش وحطتله شبكه وقالت بس خلاص هاي تسريحه
واختي شوي وبتصيح قلتلها ماعليه اصبري بنشوف حل انا شعري طويل بس شوي غليض
والله يابنات قطعتلي شعري بس عشان تسوي بف وفالاخير سوتلي ذيل حصان وقالت بس
والله يومها فتحنا شعورنا وسويناهن بروحنا ونزلنا القاعه متاخرين
.gif)
المهم الحين بنات منو ترشحوولي احسن وحده للمكيااج تخفي العيوب والحبوب
وتكون بعد تسوي تسريحاات روعه وتتقبل المجموعات مثل فاطمه سعيد
لان مافينا نحجز عن اكثر من 2
انتظر ردكم
رد مع اقتباس
