بسم الله الرحمن الرحيم
1_الغموض.مطلوب..ويساعدك على تكوين شخصيه وتعامل على مستوى عالي من الجاذبيه والاحترام والهيبه والمحبه ايضا .لا تفكين شفرة شخصيتك لزوجك من اولها..اكثرية المتزوجات يقولون كذا...الا كلهم.. ..واللي اندلقت على رجلها من اولها وخرتّ كلبو الاشياء ..وصارت كتاب مفتوح..وافصحت سواء بالقول او الفعل عن نقاط ضعفها امام زوجها..عودت وتحسفت وقالت ليتني كنت ثقيله..ولكن ما ينفع الصوت الى فات الفوت .
ويجي سؤال هنيا..يعني كيف اصير ثقيله..ولا ابين نقاط ضعفي..للزوج او اهله..دلوني..نقول..هذا يرجع لكل وحده وشخصيتها وتكوينها..وثقافتها..وذكائها..اهم شيء..
2_ لا تستفزين من اية شيء...فعلا..لا تستغربين...كوني هادئه وضابطه ردات فعلك على الاخييير.. .هالكلمه قالتها لي وحده واعجبتني جدن..لا تتركين سواء للزوج او احد من اهله يستفزك..حتى لو ماكان يقصد..لان استجابتك للاستفزاز يكشف عن حساسيتك لامور ما..قد يتخذها الطرف الاخر نقطه يدق فيها على الوتر الحساس..كلما دق عودن حصاة ..مستقبلا..
3_ لاتعودين زوجك على شيء في اول مراحل الزواج.ثمين تهونين بعدين..لأية عذر...مثلا تكتشفين انك ما لقيتي اللي تتوقعينه منه.او حسيتي ان اللي سويتيه في البدايه ما جاب نتيجه..ترجعين وتغيرين طبعك وتقطعين طبع او شيء اتعود عليه منك..ترى هذا شيء مو سهل ويهدم كثير من العلاقات..افضل شيء...ترسمين خط في التعامل يبدأ بالتدريج مع زوجك..حبه حبه..يعني لاافراط ولاتفريط..عشان ما يلومك مستقبلا اذا اتخليتي عن بعض تصرفاتك او حركاتك اول الزواج... .وخلي هالتدرج مناسب لما تجدينه من زوجك وما يتلائم مع شخصيته..اريح لكم اثنينكم..
4_كوني من البدايه ذات شخصيه واضحه.وقويه...تقولين لأ وقت ما يلزم ينقال لا وتقولين نعم وقت مايلزم ينقال نعم..يعني بالعربي..المجامله مرفوضه في اي شيء يتعلق بشخصيتك او رغباتك.. ..في التعامل والاسلوب المفروض يكون هناك ذوق ونوع من المجامله..اما اذا جت على الشخصيه والاختيارات والرغبات..فاعلنيها دايما واضحه وصريحه..ولا تظنين ان المجامله على حسابك شخصيا ان هاذي سناعه. .لأن اذا كنتي من البدايه ذات شخصيه قويه وواضحه..راح يتعودون عليك ويحبونك كما انتي..لكن لو ادعيتي وجاملتي وسايرتي على حساب نفسك ..بيجي يوم وتزهقين..وتتخذين تصرف قد يشكل صدمه لزوجك او اهله ..فيحدث نوع من الجفاء او التحفظ .وتتوتر العلاقه مستقبلا....فمن البدايه كوني واضحه..صادقه..والكلمه اللي تستحين منها بديها على قولتهم..ترى والله الانسان الصريح والواضح وقوي الشخصيه واللي يفرض نفسه لاحظت هو المحبوب والمحترم والمهاب.. .لكن انتبهي مايعني هذا تكونين فظه..او ماعندك لباقه..فيه ناس تظن ان قوة الشخصيه او الوضوح هو السلاطه والتهجم على الناس..غلط....قوة الشخصيه ووضوح معالمها وتصرفاتها ورغباتها..ما يتنافى مع اللباقه وحسن الخلق والمنطوق..
5_ابتعدي عن تبرير اقوالك او تصرفاتك سواء لزوجك او اهله....ترى اسوأ شيء تواجه به ناس يعرفونك لاول مره..تقعد تبرر لهم تصرفاتك او كلامك حتى لو كان تصرف عفوي منك..لان هالتصرف يهزّ شخصيتك ويضعفها..ويعطي انطباع مو كويس.اضافه الى ان يجري الناس عليك.لا شعوريا ويجعلهم يتمادون..حتى لو بحسن نيه...ويسقط من مهابتك.. ..وخل اضرب مثال:
عروس انعزمت بمناسبه..مع حمولتها..زواج او عزيمه..المهم وصلت متأخره..وبدت تسلم..ممكن وحده من حمولتها _عن حسن نيه_ تسألها وهي توها تحبحب الحريم ..هو..وراتس صيفتي..قلنا عسا ماجاهم شيء الله يكفينا الشر..
انتبهي.تقعدين تجاوبين وتبررين وانتي مستمره في مسلسل الحبحبه.. ..منظر سيء ومهزيء لك على الاخير..ويخرب الشخصيه مرره..(لأني شفت هيك موقف لايف ) تقولين وش اسوي؟ ولاشيء.لاتردين وواصلي السلام بهدوء وابتسامه ناعمه..ولاكن احد يحاكيك وصدقيني هاللي تسأل بتشوفك سافهتها بتسكت ..
حتى لو جلستي وعاودت تسأل: ابتسمي..وقولي : ابد..راح علينا الوقت..واختميها بابتسامه ووجهي نظرك للجهه الثانيه ..طبعا هذا مثل عادي وبسيط.بس جبته لتقريب الفكره..
6_لا تنبهرين امام زوجك لأية شيء..اتقبلي كل شيء بشكل طبيعي..خلي عينك مليانه. .دايم ردة فعلك خليها تكون طبيعيه.مافيها مبالغه في الشكر والعرفان والفرح..ولا تكونين بارده.وفاتره ايضا....او تسوين فيها ماهمك..الاعتدال مطلوب..والذكاء الاجتماعي مطلوب هنيااا بالحيل
7_انتبهي ثم انتبهي ثم انتبهي.من الحوارات والجدل مع زوجك..صدقيني مامنها طائل...قلنا في البدايه هناك خطوط للتعامل المفروض ترسمونها مع بعض من الخطبه..واتعاملي من اول يوم باسلوب التدريج.لاتجين كلبوك...ومن هنا بتكون الامور واضحه ولا انتو بحاجه للجدل والحوارات الطويله..(حتى لو كانت وديه)..اللي تختلفون عليه وتحسين انك شديتي او هو شد..اقطعي الموضوع على طول..واجعلي حديثك فيه بعد فتره من الهدؤ..صدقيني تكون مكاسبك اكثر. .دايما اوحي لزوجك انك تكرهين النقاش والجدل..وتفضلين وضع نقاط محدده .للتصرف.بدل اسلوب( رده هاته) ..اذا كان فيه شد او وقفة نفس.خليها تعدي..ولا تحاولين تناقشينه بزعمك عشان تتفاهمون وانتو في عز المعمعه. .خلي فتره من الهدوء والتفكير تمر فيك وفيه..ومن بعدها بتتفاهمون بطريقة اكثر سلاسه وبدون جدل وكثرة حكي وقلبة رأس .
8_اذا تبّين لك ان زوجك من النوع العصبي اللي يطول لسانه ويصارخ عند الاختلاف والخلاف..لا تطاولينه ولاتردين..نصيحه اخويه مافيه شيء يروض الرجالّ..الا السفه وهو في عز غضبه. .لان الغضب زي النار..كلما جاريتيه يزيد استعار..خليه يبدأ يصارخ ..ولا تردين حتى لو طالبك بالرد..اسفهيه.وبتلاحظين انه تخف حدته ويضعف منطقه تدريجيا..منه اليه بدون بذل اية مجهود منك..واذا خلص.كلها فتره قصيره وبيندم ندم..ما تتصورين قد ايش..وبيجيك نادم ومعتذر عن مابدر منه..لا تقولين ارد عليه اخذ حقي..لالا..خليه هو اللي يجيب اقصى ماعنده.وانتي اطرقي بعيونك الحلوه الى لارض..ولو حصل كم دمعه صامته تمسحينها بسرعه..ترى تأثيرها يهد جبال ..
واذا قالك ليه ماتردين علي تو وانا احاكيك.قولي: ما اتعودت احد يحاكيني كذا او احاكي احد بهالحاله اللي كنت فيها..خليه اسلوبك اللي تعودينه عليه.. .بس لا اوصيك بعد ما ينفض كيسته من الصراخ ويجيك نادم..يعتذر..لا تفقين الكشره وتقولين سامحتك.هنا عاد لعبتك..عاتبيه..وأنبيهّ..وكوني واضحه وحطي النقط فوق الحروف..وطالبيه بعدم تكرار ماحدث ..والا راح يكون هالشيء في غير صالح علاقتكم واستمراركم مع بعض..(خوفّيه )هذا هو اللي يعدل الشخص النزق العصبي.ويروضه .
9_اصحي يبان عليك الزعل او كسرة الخاطر او الاهتمام لو زوجك بقصد او غير قصد انتقد شيء في شكلك او لبسك..او جسمك..اتقبلي الأمر بروح مرحه وابتسامه ولا كن انقالك شيء...ولا تعاتبينه او تسرعين من تعديل ما انتقده..ترى الرجل احيانا يقول كلام مايعنيه هذا اولا .ثانيا مو حلو يكتشف انك تنهزين لأية نقد لشكلك او حكيك او لبسك..الرجل يحب البنت الواثقه من نفسها.لانها بالتدريج تجعله يعجب بشخصيتها الواثقه ويؤمن بهالشيء وماعاد يشوف عيوبها ولا ينتقدها مستقبلا ويبدا يتشكل ذوقه حسب ذوقها هي ونظرتها للامور ولاشياء..وينطق بلسانها لاشعوريا(الله يسخر لنا يارب ).والعكس صحيح
لو قلتي مثلا له على سبيل الدلع المحمض <<<== كل شيء عندي محمض ..مثلا قلتي. بذمتك يا حوبي مو انا قمر وملكة جمال؟ ممكن يرد عليك : ايوالله ماعليك قاصر بس لوك اطول من كذا شوي كان كامله والكامل وجه الله .مو تمتقعين ويصوفر وجهك..وتبان فيك الشرهه ..ولا تقولين له: وش قصدك انا قصيره؟ عاد من طولك انت ولا زين جسمك..ولا تقولين بغباء: لا مانيب قصيره..حراام عليك..قل والله انا قصيره.؟. ..فيقعد عاد يرقع ويدور حكي يمين وشمال عشان يعدل من قسوة كلامه عليك .عادي..اتقبلي الكلام برحابة صدر .ولا تتوقفين عند هالنقطه...وقولي له مثلا: ياحبي لك..الله يحلينيّ بعيونك كمان وكمان.. ..ولو مستقبلا جات لك فرصه للكلام.بس بعد مده من هالموقف حاولي تبينين انك ما تحبين شكل البنت الطويله..وانك تحبين البنت الوسط..تكون اكثر انوثه واحلى(يعني كلي بعقله حلاوه ).وقولي: وع ما احب البنت تكون طويله.تعطي انطباع بالاسترجال عندي..حلاة البنت صغيرونه ولا وسط زي اللعبه..مهوب كنها لاعب سله الحمدلله والشكر .ترى فعلا بهالطريقه تعملين له غسيل مخ وبيتشكل ذوقه تدريجيا بذوقك..وبتعجبينه اكثر كونك واثقه من نفسك وكونك انسانه مرنه ولينة الجانب ومو نكديه كل كلمه عندها بألف معنى وتفسير
10_اصحي تدخلين حياتك وانتي فاهمه انو الزواج هو انك تكتمين نفس الرجل وتلزقين له..وتخضعينه للتحقيقات..وينك؟ ليه مادقيت عليّ؟.ليش تو تلفونك ويتينق ؟ ليه ما عزمتني برا نتعشى ؟ لا تطلع..لاتسهر..لاتخليني لحالي ..لاتتاخر..وان تاخر ربع ساعه عند الشله..قعدتي تدقدقين عليه.عييييب..عيب تبانين انسانه بغيضه ونكديه. .وغيارهّ .تمللينه منك..حتى لو ماقال..خليه يتصرف في هامش من الحريه ..هذا اللي يجذبه لك اكثر ويرغبه انه يجلس وياك.ويحب وقته اللي يقضيه وياك...لا تصدقين ان كثرة اللزقه والمقابل لبعضكم حب وسعاده وتفاهم..الا ملل ورتابه..وضيقة صدر...ترى بعض البنات توصي بعضها بوصايا دماار..كلها تصب في الالتصاق في الزوج وكتم انفاسه..ومراقبته...تحسب انها كذا مسكته وملت يدها منه وهاذي والله اول اشارات هروبه منها مستقبلا..
انتبهو يا بنات..لا افراط وتفريط..
يمكن هالنقاط وغيرها ..ترسم لك شخصيه ناجحه في ادارة حياتك الزوجيه..باذن الله
كثير آلآحظ عرآيس متأزمين نفسياً من الوضع الجديد الي هم فيه خصوصاً بعد الملكه ..
هالشيء طبيعي جداً أنآ أبي أخصص كلآمي لفئة معينه لأني حآسه فيهم كثير ..
فيه بنآت كثير تكون حآطه فبآلهآ شخص معين | قريبهآ أو حتى شخص تحلم إنه هو يكون شريكهآ وأبو عيآلهآ بالمستقبل ..
لكن الأقدآر مو بإيدينآ طبعاً !
لآ تكرهين الزوآج لأنك إنحرمتي من الإنسآن الي كنتي تعتقدين إن سعآدتك مربوطه فيه ..
ولآ تآخذين موقفك من الدنيآ لأنهآ حرمتك منه ..
ولآ تقصرين بترتيبآت زوآجك لأن مآلك خلق أو مصدومه بالشريك !
تيقني أن من إنولدنآ وربي كآتب من بنآخذ ع جبين كل وحده فينآ ~
الظروف + الأهل + الحيآه + المجتمع مآلهم ذنب بهالشيء !
ولآ تقولين خسآرة تعجلت ممكن فيه أمل تدرين ليه لأن نصيبك بتآخذينه طآل الزمن أو قصر وربي لمآ يعجل بنصيبك ييسره لك فلآزم تحسين بشعور الرضآ ..
وتوصلين لمرحله الحمد !
ربي مآ يختآر لك إلآ الشيء الصآلح والي ينآسبك حتى لمآ تدعين بأمور كثيرة تكون لهآ خيآرآت سبحآن الله بدون مآ تقولين يآرب إختآر لي الصآلح منهآ ربي يختآر لك أخيرهآ وأصلحهآ وأنفعهآ لك ~
لمآ تدخلين هالحيآة | إنثري المآضي ورآآآآآآآآآك !
لآ تقآرنين زوجك بأي شخص غيره ~
حآولي تصنعين أنتي زوجك بمعنى الشيء الي كآن يجذبك بغيره إسعي إنه يكون فيه علشآن يكبر بعينك ومع الأيآم بإذن الله يتسلل الحُب لقلوبكم وتضحكون على مآ مضى ..
لآ تفرطين بالأيآم الحلوة بزوآجك وملكتك وأنتي من دآخلك رآفضه ترى بيجيك يوم تندميييييييين وتقولين خسآرة مآ عشت اللحظة وحسيت فيهآ من قلب لأنك كنتي مشغوله بمآضيك ..
الرسول صلى الله عليه وسلم لمآ الله سبحآنه وتعآلى أمره يعدل بين زوجآته قآل ( لآ تلمني فيمآ تملك ولآ أملك ) !
يعني إنه رآح يعدل بكل حآجه إلآ قلبه وغلآه لأن القلب مو ملك للإنسآن أنآ جبت الحديث مُجرد شآهد علشآن أقولكم إن هالشيء أدري بتقولون خآرج نطآق إرآدتنآ لكن الي أبي أوصله لكم ..
حآولوآ مآ تدخلون الحيآة الجديد إلآ بعد فآصل عميييييق وهآآآآدي من أي شيء سآبق ممكن يكون عآلق بذهنك علشآن تستمتعين بالجآآي وتعيشين أحلى أيآآم عمرك ..
تذكري دآيم إن الشخص الي تتمنينه زوجك لمآ يكون ( غيره ) زوج هذآ معنآته إنه مآيصلح لك زوج ..
فلآزم تحمدين ربك ع رزقتك ونصيبك ولآ تسخطين علشآن مآ يبلآك ربي ويغضب عليك ويحرمك نعمته ..
أعرف كثير بنآت كآنوآ مخطوبين | مقرر إنهم لأشخآص معيين ومعروف عند الكل إنهم لبعض وسبحآن الله نصيبهم طلع مختلف وبالأخير إفترقوآ وكل وآحد رآح بحآآل سبيله ~
ومشت الحيآة ولآ توقفت بالعكس كثير منهم جلس يضحك ويحس إن تخيلآته وتصورآته فمآضيه كلهآ أوهآآآم وخيآآل بآطل ~
خليهآ تجربه تفيدك بحيآتك مو تقلب عليك الحيآة وتقرفك عيشتك وتكرهك بالجآي ..
ويآرب لآ تفرق بين أروآح متجآنسه وقلوب متفقه ~
موفقين جميعاً
يتبع
.gif)
رد مع اقتباس
