مرحبا بنات ... اشحالكن عساكن بخير وسهالة وكل اموركن طيبة ....
طبعا انا عرسي بيكون بداية شهر 3-2016 وفرحتي ماتنوصف هههه ماقدر اعبر
من الحين متوترة ورقادي مستوي خفيف وافكر افكر افكر ههههههههههه الله يعيني
المهم .... انا حاطة في بالي انه عرسي يكون بمستوى فخم وراقي يعني حاسبة حساب كل صغيرة وكبيرة
1- نبدأ بالقاعة ... الحمدلله حجزت القاعة لعدد 800 شخص وبيعطوني 50 كرسي اضافي ...
المنيو اخترته ... ويلست مع مسؤول القاعة شهر كااامل ونحن انرتب المنيو هههه اتعقد الريال مني ..
طبعا حبيت فكرة انه كل ضيف يدخل يكون جدامه صحن المقبلات الخاص فيه احس شكله ارتب وارقى
وغير المقبلات الثانية اللي بتكون عاالطاولة
بالاضافة الى المقبلات الساخنة هذه في نص الوقت قبل ما انزل بينزلونها عالطاولة علشان الضيوف ما يملون
بعدها الوجبة الرئيسية والحلويات ....
اما الكيكة انا سويتها من 5 طوابق الكيكة فيها طول خذتها من النت بيسولي اياها طبعا كلها فيك
ماعدا قسم معين اللي بقصها وبس .... والكيكات اوريدي بيجهزون 600 قطعة داخل ومن اقص الكيكة
بيتم توزيع القطع على كل الضيوف ... احس جي ارتب وانظف بدال ما يتريون لين ما يقصولهم ووو ..
اخاف اطيح عليه ههههههههههههههههههههههههههههه ..... وطبعا الكيكة مابخليها فوق على طرف الكوشة لا .... بخليها في النص على انه ننزل انا والمعرس وانقصها ...
2- لون القاعة والديكور ... انا حاطة في بالي الابيض والفضي او الابيض والذهبي ... الكراسي راح
اتكون تيفاني احس تعطي فخامة اكثر للعرس ...
طبعا تصميم القاعة حاليا انا اخترت لي اكثر من مصمم .... وشفتهم كلهم لكن 2 هم اللي اكثر شي عيبني
شغلهم واحسبهم فهمو الافكار اللي في راسي ... وهم وعدوني انهم راح يرسمون الديكور وغيره
وبنشوف خلال نهاية هالشهر شو اللي بيعيبني ... انا عطيتهم طريقة الكوشة والاستاندات .. وكل شي
والحلو في هالشخصين انهم يرسمون القاعة ويلونونها وبعدين يراونج القاعة عالكمبيوتر مع تصميمهم
بالالوان يعني يكون عندج صورة 80% واضحة .... انا ضفت التاثيرات الضوئية والليزر ..
3- الفستان .. انا بصممه عند هاني البحيري.. .. واباه يكون فخم وفيه ذيل طويل
والسبب اني اخترت هاني.. صح اسعاره غالية ولكن شغلهم روعة بمعنى الكلمة وفيه ابداع
اما المسكة ما اباها بس ورد ... ولكن اباها كلها شغل بالكرستال ..
4- التصوير .. انا حجزت لي مصورة خاصة هذه اتصور بالساعات هي اجنبية واتصور المشاهير
والشيوخ وانا يبتها عن طريق وحدة لانها نحسة وايد وما اتسير للكل ... بس الحمدلله هههههههه
هي استايلها اتصور العروس من البداية يوم يحطولها الميك اب + فستانها + نعالها تجهيزها يوم
يلبسونها وبكل التفاصيل ومب تصوير عادي تصويرها جد عجيب .. وبعد ما اطلع الصور
تتلاقى وياج تختارين الصور اتعدلهم اكثر واتحطهم في سي دي وبعدين انتي كيفج اتسوين فيهم
البوم او غيره ....
والمصورة الثانية حجزتها من الاستوديو وهم اللي بيسوولي البوم العرس + اخراج فيديو العرس
5- الميك اب حجزت انا عند ريحانه .... احب مكياجها مع انه البعض يذمها والبعض يمدحها بالنسبة
لي مكيجت خواتي في اعراسهن وكل وحدة كانت احلى من الثانية ... اللي احبه في ريحانه انها متمرسة
مكياجها نظيف .. اسلوبها جدا حلو وراقي ... اتحسين انها يوم اتحط للعروس تطلع بالفعل عروس مب
ميك اب عادي وماتحسين بفرق او اتخسفج بالعكس وايد تبرز مالمحج بشكل حلو
6- الفرقة ...
XXXXX
مابخبركم منو ... اللي تبا لازم تحظر عرسي هههههههههههههههه ..... وبرتب معاهم بعدين
عن التايم ومتى يدخلون .
لنا عودة ....
بتفاصيل اكثر ... واللي حابة تستفسر عن اي شي اتخبرني وفالها طيب ...
رد مع اقتباس
