عنوان الموضوع : بنآت + حرمآتَ ‘ ، ، ( سآعدنًي بزهبتي ) زهآبَ تـــآيـــم خخخ جمال الامرات
مقدم من طرف منتديات الضمير العربي

السلامً عليكمً ورحمـه’ اللهَ وبركآتـه
،
إشحآلكنَ حجيآت

*
*
أدريَ أنيً إختفيتُ عنَ السآحـه الفنيـه
( بس والله مآشي وقت أدخل النتً )
يآلله إلي إتولهت عليـه إتقولي تولهت هههههـ،

،

عالعموم حبيبآتي ،
عرسي قررب ، والحآلـه كسيفه من نآحيه معرفتيه ( بالسوق ، والمحلات ، المشتريآتَ )
لأني أكبر عيآزه في هالدولـه ههههـ، مآحب أحوط كله رقآد وتيفزون وحوآطه ويالبنآت ،
والحآله أكسف يوم مآعند خوآت يسآعدنك ويدلنك ،
عسب جيـه
إلي تقدر تسآعدني تمد ايدهآ ليه وتحطها بإيدي
ونشد الرحآل ، ، ،


،

منو الكريمـه وأنآ أستآهل . . ؟

يالله نبدأ ،

أنآ لين ألحين مآعطوني فلوسَ ولـآ أدري كم بيعطوني بس أكيد مآبيقل عن ميـه ألف
وتدرن ميـه ألف هالأيآم مآيسونَ شي وأنآ بحآول بكل مآ أقدر أني أصرف على قد حآجتيه
لأني أكيد بعد العرس بشهر بيكون لي زهآب ثآني خخخ ( يعينك الله من ريل )
فمآ بستلغث أبدآ ، وأبآ مشورتك من هالنآحيـه ،

إنززين كذآ خلصنآ من المقدمه ،
أدخل بالموضوع دغري


الحمدلله وأخيرا بترمس ،


ألحين وهالفتره رآح أتزهب من بيزات اشيبه يعني الأشيآ البسيطه
مثل : الملابس اداخليه ، المكياج ، وكريمآت ، وزيارتي لعيادات الأسنآن , , !
وغيره وغيره ، ، ، !


أنآ سويت لي جدول لكل شي أبآه ،
وسجلت شو أحتآج وكم المبلغ المتوقع الي راح اصرفه
وراح احط هالفلوس في ظرف والصق عليه الجدول ، واشطب على كل شي خلصته مع تسجيل سعره الأصلي
أنآ بعطيكن الفكره للي تبآ ،

*


إنززين ~> أحسني وآيد أرمسَ

أبآكن إدلني على محلات حلوه وراقيه وبنفس الوقت أسعآرها مب نآر أو حتى لو غآلي مب مشكله بس يعني يكون شي شي رآقي بالفعل ومآ أندم اني طيرت فلوسي عليهن ،

*أبآ محلات أو موآقع ( لـ قمصان النوم + الملابس اداخليه )


*محلات أو موآقع ( لـ الإكسسوارات البسيطه والراقيه )


*أفضل ماركه مكياج استخدمتيها ومازلتي عليها من ناحيه( الفاونديشن ، كونسيلر ، الباودر ، الأيشدو ، الكحل ( القلم + السائل ) ، البيس ، الروجآت ، التاتو المؤقت ، الرموش ، البلشر ، كل شي كللل شي ، )
ولا تنسن في اي مركز تسوق اقدر القاه ، لا تقولن في كل مكان لاني يوم اروح ادور ما احصل ، ؟


*أبآ بعد محلات لبيع القطع الملابس ( حق المخور ) أفضضل وأحسن المحلات أهم أهم شي القطع عندي لاني بعيش ويآ أهله مب بيت اروحي ولازم اكشخ في المخور اهم شي مهما كان سعر القطع دلني وين ؟


*وبعد أبآ محل لببع قطع اشيفون المشير والساده والراقيات ، وكل أنوآع القطع اساده نوعيتها 100 بالميه ؟


* أبآ خيآييط للمخور ، أحسن الخياييط فالعين لأني مآحب خياييط الشآرجه ودبي ؟


* أبآ حريم معروفات ومشهورات بخياطه الجلابيات من ( فخمه ، وعآديه ، وبسيطه ) وأكيد مع شيلهن وبليز ارقامهن لو سمحتن مآبآ وحده تدخل موضوعي وتقول عندي اذا تبين خبريني خخخ ومآيهمني وين مكانهن يرومن يكونن موجودات فالغويفات مروحه يعني مروحه ههههـ، بس راقيات وحلوات ؟


* وكمآن بدي ، خياطين وخياطات للفستاتين الخفيه لين الفخمات ، ( استرجات ، شيفونات ، وحرير ، والخ ) ؟



* وبعد أبآ شسمه ( محلات للعبايا ) أبآ من فخمه يآلين العاديات ، أهم شي عبايا للعرس لاني في هالامور اضيع وعآدي اي اماره أنآ مستعده أسوي جولات لاماراتي الحبيبه واكتشفها بس اهم شي ساعدني ؟



* xxxx


* حبيباتي من وين تنصحني آخذ نعالي واكيد اسحيتي مب الكعب لاني انا والريل بنفس اطول خخخخ مافيه اطلع اطول عنه ، وابا نعال يكرمكن الله كعب وفخمات للمناسبات والحفلات ( هذا المكان الوحيد الي اظمنه انه مابيكون ويايه هههههه ) ؟



* فستان عرسي وشو دراكن بفستان عرسي من وين ااجر وتنصحني تفصيل ولا تاجير ؟


* الميك أب وين أسوي ، ؟


* أبآ مليون محل للباقات خخخخخخخ عشان الفلف عليهن واختار لي الباقه ؟


* ابا بعد خخخخ من وين اسوي زفتيه ؟


* ابا بعد ( يآهاذي ابا الي ما تخلص ) امممم الاضاءات وين احجر ؟


* التصوير ابا مليون الف محل مضمون شغله لتصوير بشوف وبختار بعد ؟


* ورقم محنيات معروفات ونقشتهن خباااال ؟


وهاه الي يحضرني حاليا حبيباتي
يالله ساعدني فديتكن ادريبكن خوات شما وغبيشه وعشوب ومحينه و و و و
هههههـ، بليز لاا تقصرن بخويتكن، صح انه خواته ما بيقصرن ويايه بس بعد
ايديهن مرات ما يصفقن ويايه ، ابا يديكن يا بنات خخخخخخخخ
عرسي مادري متى يمكن فالصيف او بعد عيد الفطر او العيدين بعد مب متاكده مول
عشان جيه ارتب اموري وبراحتي وما اطير البيزات على الفاضي ، ومن ناحيه البشره انا اخصائيه بشره ماشاءالله عليه فاهتمامي للبشره نمبر ون ، حتى لو تبن مساعده بساعدكن ما بقصر وياكن مووول


هموسه : بنات يعل هالعمل الخيري ليه في ميزان حسناتك ويالله يااااارب يرزقكن بلي اتمننه وتفرحن وتستانسن والي مهمومه الله يفرج همها ، وصدقني الله ما ينسى عبده وان شاءالله الله بيجازيكن على هالعمل .



وأتريآ ردودكن

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يتمملك على خير حبوبة ويسر امرك

__________________________________________________ __________

>>>> الرد الثاني :

المشاركة الأصلية كتبت بواسطة mona yousef
الله يتمملك على خير حبوبة ويسر امرك



يزاج الله خير ويتمم لج

__________________________________________________ __________

>>>> الرد الثالث :
همم انتي من وين ؟؟

عشان اعرف لني ما ادل الا ف دبي

__________________________________________________ __________

>>>> الرد الرابع :
تابعي مواضيع العرايس وبتلقين كل فصفوصه عندهم

موفقه حبيبتي وربي يتمم لج على خير

__________________________________________________ __________

>>>> الرد الخامس :
ربي يتمم لج ع خيير وان شاءالله يفيدونج البنات
=)