عنوان الموضوع : هنا تجمع أعراس "بدون موسيقى" لتكوني انيقة
مقدم من طرف منتديات الضمير العربي

السلام عليكم ورحمة الله وبركاته،

خواتي انا اعرف انه وايد يبون يسون اعراسهن بدون شبوهات ومحرمات لتمم بركة العرس بإذن الله تعالى. بس طبعاً مع قلة التكاليف والمهور والتركز على انه "اقلهن مهوراً اكثرهن بركة" ومن هنا فكرت وقلت انزين ليش مانحط موضوع شامل للعروس الأمورة اللي تبى ترتب عرسها بشكل لامبالغ فيه ولا مكلف فيه ولاموسيقى فيها.

في بنات تعتقد انه خلاص هذا يوم فالعمر وخلاص ابى استانس واربش الحضور ومايحسوون بملل فلازم موسيقى. وأنا استغرب من هذا التفكير مافكرتي ببركة عرسج وفكرتي بنظرة الناس فقط؟!

الاجازات تقترب يوماً بعد يوم ومواسم الأعراس في تزايد إن شاءالله فنحتاج هذا التجمع عشان يكون فيه كل الامور اللي فيها منفعه للعروس.والتجمع هذا بيكون بهدف مساعدة العرايس الامورات اللي يبون أعراسهن "بدون موسيقى"<<<التركيز على هالنقطه لانه هي الأساس بعد المهور والتكاليف وغيره ولانه شفنا وايد مواضيع عن الكوش والمكياج بس ماشفنا موضوع مشابه لهذا.

انا ادري انه كل وحده تبى عرسها يكون أرقى وأحلى عرس بس مب معناها هالشي بيكون بموسيقى لابالعكس في وايد دي جي وفرق ومطربات الحين بدون موسيقى وشغلهم ربشة وراقي. وطبعاً لانه يوم بالعمر ومثل مايقولون ليلة العمر هو يوم زفاف كل بنت فلازم نتعاون بكل شي يكون بإذن الله جميل ومرتب وراقي بعيداً عن المحرمات والشبوهات.


بنبدأ التركيز أولاً على:

1-الفرق اللي ماتستخدم الموسيقى (مع ذكر الامارة والسعر اذا توفرت هذه المعلومات)
2-مطربات مع فرقتها بدون موسيقى(مع ذكر الإمارة والسعر إذا توفرت هذه المعلومات)
3-دي جي إسلامي(مع ذكر الإمارة والسعر إذا توفرت هذه المعلومات)
4-زفة عروس بدون موسيقى راقية وبدون موسيقى(مع ذكر الإمارة والسعر إذا توفرت)


وأتمنى التجمع هذا يكون فعااااااااااااال لتعم الفايده وعدم تكرار نفس السؤال في هذا القسم


ملاحظه مهمه: يجب ذكر فرق وغيره تم مشاهدتها سابقاً أو تم التعامل مسبقاً بدون دعايات(وطبعاً لازم تكون ربششششششششششة وتسعد الحضور.

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ببدأ أنا

الفرقة: الأشواق
الإمارة أبوظبي
السعر تقريبا 4000 ماعرف عاد اذا زاد سعرها الحين

****

المطربة وفاء وفرقتها بدون موسيقى
الإمارة ابوظبي
السعر تقريباً 25000

__________________________________________________ __________

>>>> الرد الثاني :
فعرس اختي ريلها ياااب فرقة وااااااااااايد كانت حلوووه وربشة وكانت طيران الكل استانس عليها

ماعرف شنو اسم الفرقة بسال اختي لكم

من امارة عجمان
وسعرهم اعتقد 5500

واحتمااااااااااااااااااااال ليبها فعرسي ان شاء الله

__________________________________________________ __________

>>>> الرد الثالث :

المشاركة الأصلية كتبت بواسطة حبك الم
فعرس اختي ريلها ياااب فرقة وااااااااااايد كانت حلوووه وربشة وكانت طيران الكل استانس عليها

ماعرف شنو اسم الفرقة بسال اختي لكم

من امارة عجمان
وسعرهم اعتقد 5500

واحتمااااااااااااااااااااال ليبها فعرسي ان شاء الله



ربي يوفقج ياااااااارب

اسعدني مرورج وافادتج لنا بالموضوع ان شاءالله تردين لنا وتحطين اسم الفرقة

__________________________________________________ __________

>>>> الرد الرابع :
نحن تعودنا نييب أحلام دبي دي جي بدون موسيقى ب 2000 بس ألحين بطلو شغلة الدي جي وندور على دي جي ثاني

__________________________________________________ __________

>>>> الرد الخامس :

المشاركة الأصلية كتبت بواسطة أم الريان1999
نحن تعودنا نييب أحلام دبي دي جي بدون موسيقى ب 2000 بس ألحين بطلو شغلة الدي جي وندور على دي جي ثاني



ربي يوفقج وتحصلين دي جي ممتاز بدون موسيقى بس اشوف وايد البنات يمدحون دي جي الافراح العامرة اظني من دبي او الشارجة بس ماعرف عنهم ولاسمعت لهم نهائياً