عنوان الموضوع : افكار ايام الملجة جمال الامرات
مقدم من طرف منتديات الضمير العربي

السلام عليكم

هلا بنات شحالكم

بنات انا مالجة من فترة بسيطة و ابا اعامل ريلي احسن معاملة اباه يتعلق فيني قولولي شو اسوي

شو عندكم من افكار حلوة لايام الملجة او شي سويتوه حق رياييلكم و استانسو عليه لو شي بسيط او طريقة كلامج فالتلفون اي شي لو بسيط انا باخذ افكار و بغير لا تقولون كل شي بيطلع بروحه .. اوكي كل شي بيطلع بروحه بس مرات تكون في افكار بسيطة غايبة عن بالي انا بقرا و باخذ افكار و بغير و جي يعني

مثلا قريت هالموضوع و حسيته حلو و استفدت منه

https://forum.uaewomen.net/showthread.php?t=947180

اباكم تساعدوني و مب بس انا الي بستفيد كل الموجودين

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
53 مشاهدة و ولا رد

__________________________________________________ __________

>>>> الرد الثاني :
اول نصيحه اقدمها لج، ابتعدي عن المثاليه !

لا تحاولين ابدا انج تتصنعين جدام ريلج، خلي كل شي بينكم
يكون عفوي والاهم انج تكونين على طبيعتج، الانسان ممكن
انه يغير من اطباعه لفتره لكن شخصيته هي نفسها، ف التصنع
بيكون لج قناع مؤقت ومن تزيلينه ترا ريلج ما بتعيبه شخصيتج
اللي انتي متعوده عليها لكنها يديده عليه، ف فتره الملجه انتي
ما تبين ريلج يحبج من اول يوم، تبين الاحترام يكون متبادل بينكم
بحيث انكم تقدرون تتفاهمون ع امور حياتكم والحب بتلقينه مع الايام
والعشره، انتي كـ زوجه اكيد بتحسين باحساس الحب من اول يوم
يخطبج فيه لكن هو بيكون موقفه موقف معجب فقط لا اكثر لانه الريال
يكون فيه فضول انه يعرف زوجته اكثر، يعجب بشخصيتها اطباعها واسلوبها
وعقبها يبدا يحبها ويحترمها ف نفس الوقت، ف خلي الوقت هو اللي يتحكم
ف علاقتكم لكن اللي عليج ف فتره الملجه انج تعرفين ريلج اكثر، شو يحب ؟
شو يكره؟ كيف شخصيته؟ كيف اسلوبه ؟ وابتعدي عن الزعل ف بدايه فتره الملجه
لانه الريال اذا شاف الحرمه زعوله ف بيتعود ع هالشي وممكن يتجنبج ف اخر
فتره الملجه وهالشي ما بيخليه يستانس للعرس والحياه عقب الزواج، اعرفي
شخصيته وعقب بتعرفين كيف تتعاملين وياه، متى تزعلين ومتى تراضينه ومتى
تكلمينه وكيف تقنعينه، والخطأ اللي اشوف الكثيرات يقعن فيه هو انهن يتجنبن
المشاكل، يعني اذا غلط الريال ف حقها او يسوي اشيا ما تعيبها تسكت وبالتالي
يتعود الريال ع هالشي وعقب الزواج تطلع مشاكل ثانيه لكن تصبح الزوجه غير
قادره ع المواجهه لانها عودت ريلها انها تسكت عن الحق، ف انتي دايما قيسي
الامور وعقب شوفي الحل المناسب وهل المشكله تستاهل انج تناقشينها ويا ريلج
ولا، وهني اذكرج بـ هالنقطه لانه الحياه الزوجيه لا تخلو من المشاكل حتى لو كانت
بسيطه ف اتداركيها اول بأول عشان ما تتراكم عليج، ونرد لكلامج ف السطر الاول
انج تبين تعاملين ريلج احسن معامله، وهني اقولج طيعيه فيما يرضي الله وبتشوفين
انه همه بيكون رضاج بعد رضا ربه وامه عليه، دايما الزوجه المطيعه تدخل قلب الزوج
وتمتلكه، واي ريال يستانس يوم يشوف حرمته تاخذ بشوره وتناقشه فالمواضيع وتعطيه
افكار سواء لشغله او ترتيب اولويات حياته


الله يوفقج ويتمم لج ع خير يارب

__________________________________________________ __________

>>>> الرد الثالث :
الله يوفقك ويكتب لك كل خير

بوجهي نظري ما يخرج من القلب يصل للقلب

__________________________________________________ __________

>>>> الرد الرابع :
عليكم بالاستغفار: {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً}

__________________________________________________ __________

>>>> الرد الخامس :
مشكووورة حبيبتي مراسيل الوفا

و اتمنى باقي البنات بعد يفيدونا