السلام عليكم ورحمة الله وبركاته
قبل كل شي !
ماراح أطوّل عليكم - أدري يا عرايس هالشهور القادمة انكن متوترات وتبون كل شي يستوي بسرعه بسرعه
اللي حابه أقوله بس - فكرو بعد موتكم شو اللي بينفعكم !!
فكرو وايد وايد وايد وايد بموضوع الأغاني
لا تستهينون !
قبل عرسي بشهور - قريت هالموضوع في نفس القسم هذا
https://forum.uaewomen.net/showthread.php?t=755637
وخفت !
خفت من وايد أشيا .. وأنتو أدرى فيها ..
المهم
أنا يبت لعرسي طقاقات - يدندنون عاادي كلام مش مفهوم حتى ههه وصوتهن واطي أهم شي ماكان ينسمع صوب الرياييل
كان كل شي هادي ولا همني كلام الناس وكلام فلانه وعلانه !
أهم شي نفسي وربي وديني .. وحياتي القادمة مع زوجي
أهلي تضايقو مني ويمكن زعلو لأني ما يبتلهم اغاني عشان يستانسون مثل ما يقولون
لكن .. ما همني هالشي ولا حتى هزني .. الله فوقهم كلهم
قالولي ما تحبين أهلج - لو تحبينهم بتسوين اللي يبونه
بس أنا أحبهم وأحبهم واايد وهم يدرون
وأقدر أثبتلهم لهم حبي بمليون طريقة مب أحط لهم أغاني شيطان وأقول تعالو رقصو
ولا نقص على أعمارنا، أناشيد هالأيام اللي يقولون عنها أناشيد إسلاميه (مصخره) كلها دق !
ويوم نسألهم يقولون (شعرفكم بالدف الإسلامي) !!!
والله إني مرتاااااحه فحياتي الحين ، الحياة الزوجية لازم تكون فيها صعوبات شويه ، الحمدلله نتخطاها بسهوله
والسبب .. البركه
فكروا فيها شويه - اتركو شي من هالدنيا .. وربي يعوضكم خييير صدقوني
ما بلف وأدور - نحن كبار وبالغين ..
أنا رفعت شعار هالحمله .. واللي ما حطت بعرسها أغاني تحط بوست فيه هالشعار
واللي ناوية إنها ما تحط فعرسها .. ترفع هالصورة بعد
عفواً يا سيدات الامارات
ما راح أقبل أي رد في هالموضوع ضد اللي كتبته
أنا مابي أي نقاش فيه وهذا طلبي ..
لأن هالشي مقرر من الدين ومافي نقاش فيه ..
أنا بس نزلت الموضوع عشان أذكر بعض الغافلات ، ويزاكم الله خير
رد مع اقتباس
