عنوان الموضوع : عيرتني بالبدو بنت الحضاره قصيدة خليجي
مقدم من طرف منتديات الضيافة العربية




عام الأول ولعت بالقلب غيره
............من سبايب ناقصه عز وطهاره
عيرتني لا وتحسبها معيره
...........عيرتني بالبدو بنت الحضاره
ما بغيت أسل سيفي من جفيره
...........لين جتني ثم قالت هالعباره
قالت إن أبوك بالصحراء مصيره
...........راعي للضين في عز الحراره
والله إن الصمت عن قولك كبيره
...........لكن إن الذم في مثلك خساره
من يعيب الناس وعيوبه كثيره
..........غير شخص ما خذ الغيبه تجاره
برفع البيضا لبوي ابكل ديره
..........وألطم أوجيه الخيابا والقذاره
اجودي سنة الهادي مسيره
..........قايم بالليل صايم في نهاره
ما ثناه القيض عن واجب قصيره
..........ما يمد إلا الجزيله من خياره
مستشار وصادق من يستشيره
...........واثق الخطوه وواثق من قراره
الزيازيم الخضارم له عشيره
...........كاسبين المدح في فعل الشطاره
ذايعين الصيت في شبه الجزيره
...........بالكرم والطيب ما هو بالطراره
الاخيره دايم تبقى أخيره
...........بالحضيض أنتي وحنا بالصداره
من بلاد الترك جيتي يا صغيره
...........واللبيب الحر تكفيه الإشاره
والمعيره كان قصدك بالمعيره
.......... من عيونه ما غفت عن عار جاره
والمعيره كان قصدك بالمعيره
..........من بلغ خمسين ويجر الزقاره

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اول شي اهنيك بالقصيده الجميله
ثانيا البدو شيمه البدو كرامه البدو الاصل والزين
البدو الناسمه البدو كل شي بالحياه والبدو وربي اكرم الناس
تسلم على القصيده الله يوفقك وشو احسن من الصحراء والعيشه فيها احسن من اي شي الفعل تحس نفسك مرتاح

تحياتي اختك : شوووووووووووووووووووق


رهينة الاحزان والبكاء


__________________________________________________ __________

>>>> الرد الثاني :
تسلمو يا الغالين شوق ونادر مع خالص تقديري لشخصيكم يا ذوووق

__________________________________________________ __________

>>>> الرد الثالث :
تحياتي لك ولا شكرا على واجب اخوي تقبل خالص تقديري لشخصك

__________________________________________________ __________

>>>> الرد الرابع :
صح لسانك مليووون

ولا هنت أخوي على هالقصيده الرائعة

وننتظر جديد أبداعاتك

أختك : دلوعة الرياض

__________________________________________________ __________

>>>> الرد الخامس :
تحياتي لك اختي دلوعه لا هنتي كلك ذووق وتسلم يمينك